|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
23-04-2020, 10:35 PM
|
#1 | ||||
|
عـضو أسـاسـي
|
موقفتك و كلامك بيطمني
الوسواس استخدم طريقة ثانيه مادري اذا في حد مثلي انا فالسنوات السابقه وسواسي انه يقولي راح تموتين في اليوم الفلاني و اناانتظر اليوم بتعب وبكاء كنت خايفة من 2020 عشان حفلة تخرجي الحفلة اليوم مر و استانست و خذت شهر و شوي مرتاحه مافي وسواس مافي شي يعكر مودي لكن الحين انا عايشه بين نارينهل هذا وسواس و لا حقيقه " قبل وسوسلي ما راح تلحقين ع رمضان و الحين وسوسلي ترا اخر رمضان حقج هاي السنه و انتي راح تموتين ف هاي السنه متى و اي يوم الله يعلم ( يعني اختار سنه كامل لكن بدون تحديد الايام صار مجهول) و الشي متعبني عايشه بتعب و بضيق و كل يوم اقول اخر يوم لدرجة احس فعلا هال رمضان اخر رمضان حقي احس حقيقي والله اصيح اقول هالمره صح هالشعور ما حسيته قبل احس شعور يديد مر علي غير اني بعيش اخر رمضان لي بهالاحساس الكئيب و الضيق و الوداعيه ادري بتقولون وسواس لكن احس هالمره صدق احساس حقيقي غير انه شعور انه هاي السنه بموت توقفت احلامي و طموحي و اقعد انتظر هالشي و انا اكتب خايفه و اتنافض ليش الوسواس غير طريقته و حدد ايام مجهوله و اختار سنه معقوله بعيش طول هاي السنه بخوف و بتعب وبرعب 😪💔 كلامي طويل و متلخبط اسفه لكن مشاعري و خوفي زايد !
يعني طول هاي السنه اي 7 شهور اللاقيه بعيش بخوف و برعب و بس انتظر نتو موتي 💔💔صعب واايدوالله المصدر: نفساني
|
||||
|
|
23-04-2020, 10:39 PM
|
#2 | |
|
عـضو أسـاسـي
|
هالمره تحديد الايام بطريقه ثانيه اختار 7 شهور الباقية يعني بموت خلال هال7 شهور الباقيه ما حدد اليوم لا لا حد السنه انا ف هال7 شهور متى مانعرف كانه يقول استعدي 💔 تعبانه والله و الاحساس حقيقي و شعور كل شي احس حقيقي
|
|
|
|
|
25-04-2020, 02:01 PM
|
#3 | ||
|
عضو فعال
|
اقتباس:
اذا استمرت اكثر من سنه تروح وتجي الحاله راجع دكتور نفسي واذا وصف لك علاج خذه بدون تردد شوف حتى لو كان السبب عضوي يعني مثلا عندك قولوون استخدم علاج نفسي عادي مثل وجع الضرس نستخدم مسكنات وحنى نعرف العله وين شف انت الوحيد الي بتعاني وتتبهذل حياتك وممكن محد يدري عنك اصدقائك اخوانك اهلك وبتجي هنا كل فتره وبتكتب مواضيع رح لدكتور نفسي اكيد بيصرف لك شي بسيط تستخدمه صدقني بتقول الحمدلله اني اخذت علاج وما جلست اقاوم واتعب نفسي قبل انا اذا جاني صداع ما اكل حبوب اجلس مصدع وحالتي حاله وتغير مزاجي ويقل نشاطي واتحمل اقول مابي اكل حبوب بندول وافتح كتيب البندول واقرا الاعراض المواضيع الي تخوف واخوياي ياكل الحبه وهو يمشي كانه ماكل حلاوه والبعض مانفع معه البندول من الصداع صار ياخذ فوار شراب وياخذه عادي وترجع حياته طبيعيه ويروح ويجي ويستانس وبقولك شي من باب العلم والتجربه انا صارلي نفسك بالضبط تماما كل فتره احط تاريخ واقول نهايتي هناك تدري وش صار من كثر الوسواس جاني نوبات هلع ونوبات الهلع جابت لي اكتئاب اكتئاب لحاله يعزلك عن الناس كلهم ويعتبر مرض لحاله حتى لو وصلت لهذه المرحله العلاج موجود لكن ليش توصل نفسك لهذي المرحله يوم بدت معاك الحاله بشكل بسيط ليش ما استخدم العلاج ليش خليتها لين جابت لك اشياء ثانيه بدل ماتسخدم علاج واحد صرت تستخدم ثلاث علاجات في وقت واحد لاتستشير والديك او اخوانك لانهم ماهم اهل اختصاص يمكن يعطونك نصائح تتعبك زياده وتصير تحارب وانت خسران انت ماجيت هنا وفتحت الموقع وكتبت موضوع الى انك تبغى حل والحل موجود بمراجعه دكتور نفسي لدي زميل بعمل في مستشفى الصحه النفسيه يقولي يافلان تخيل زوارنا ناس عباقره وناس لهم كلمتهم شيوخ وكبار ومشائخ يقول الي يدخل على الدكتور مره مايدخل ثاني مره خلاص يصير ياخذ وصفته من الصيدلية ويستمر 6 شهور او سنه حسب البرنامج ومرتاحين اعذرني على الكلام الزايد |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
