الاعضاء الجدد قاعدين ينسحبوا !!!

الاعضاء الجدد قاعدين ينسحبوا !!!

اولا سلام للجميع , لاحظت انه في بعض الاعضاء الجدد اللي اشتركوا في المنتدى بداوا يزعلوا وينسحبوا, ايش تتوقعوا السبب اذا تكرر هذا الشئ اكثر من مرة , هل تعتقدوا السبب في الاعضاء نفسهم ولا في بعض الردود العنيفة والغير لائقة اللي قاعدة تجيهم, في اسلوب تعامل مع الناس للاسف الكثير ما يعرفوا وفي انتقاد بادب, واحب اقول لكل اللي بنسحبوا ياريت تبقوا لانكم بفعلكم هذا تزيدوا من شوكة الناس هذولي وتخلولهم الميدان.
ويا ريت كل واحد منا يعرف حدوده في الرد على الاخر, ويعرف انه مو معنى انه مو مكتوب اسمه الكامل انه يخربط اي كلام بما انه ما احد عارفه, لان السوي هو اللي يسوي الشئ عشان نفسه اولا , الواحد يحترم نفسه اولا ومن ثم يقدر انه يحترم الاخرين , والتجريح في الناس من غير داعي والاستهتار بارائهم والاستخفاف بها ( خاصة عند بعض الناس اللي يستخفوا دمهم) هذا غلط ومو كل الناس بتتقبل خفة الدم هذه.
وتحياتي واحترامي للكل, خاصة للاعضاء الزعلانين , واقولهم :
اصبر على كيد الحسود فان صبرك قاتله
فالنار تأكل نفسها ان لم تجد ما تأكله
واظن فهمتوا قصدي

المصدر: نفساني

أولاً و قبل كل شي .. (( يسلم راسك )) .

* * * * * * *
ينقسم البشر كما نعلم جميعا إلى قسمين .. أبيض و أسود
و لكل لون أفعاله كما نرى .

* * * * * * * *

والله ياخت علياء كلامك حلو بس للاسف في بعض الاعضاء متعتهم في المعارضه حتى ولو بدون تبرير والانتقاد واستخدام جمل سيرياليه مدري من وين يجيبونها محد يفهمها الا هم ..بس عارفه الكائنات هذي لها ميزه وحده بس انها تحرك الجو في المنتدى ..فلندعهم لانهم مامورون..

شكرا لردك well meaning
وشكرا تالا
كلامك صح تالا انه في ناس يسوا حركة في المنتدى , لكن زي ما قلت اول مو كل الناس عندها القابلية لتحمل بعض الاساليب,
بس اهم شئ الحين انه well و نفيس , يرجعوا عن اللي في راسهم ويبقوا معنا وما ينسحبوا , ومادام الناس منقسمين ومو زي بعض ما عليكم من احد و خليكم , هذه دعوة مني لهم , واتمنى انهم ما يخجلوني ويبقوا معنا., ايش رايكم بتفشلوني ولا تبيضون وجهي ترى الحين الموضوع بايدكم.

الكل على العين و الراس ..
و (( كلامك أوامر )) .

أحييكم جميعا دون أستثناء وأرحب بكم هنا في نفساني

وأسف جدا لعدم ترحيبي بكم في الايام السابقه 0

اخواني ادارة هذا المنتدى متمثلة بالاخ / نفساني

لاتقبل بمثل هذه الامور وهي التطاول على الغير

وهنا اعضاء لديهم اسلوب هجومي بحت من غير مايقل ادبه او يتطاول على الغير 00 فهو لايهاجم الشخص بل مقاله مكتوبه 0

مايامر عليك عدو wellmeaning وشكرا على الاستجابة للدعوة, وما تتخيلوا انا ايش كثر مبسوطة ان well تراجع عن اللي في راسه وعقبال نفيس.
الاخ مطيري على عينا وراسنا المنتدى ونفساني, بس هذا ما يمنع انه في ناس قاعدة تزعل من اسلوب بعض الاعضاء وانا كتبت الموضوع هذا عشان لا يطلعوا .
سلام

انا الظاهر اني تسرعت في كتابة الموضوع هذا للي كانوا يبون ينسحبوا , وما كنت مقدرة وجهة نظرهم صح , لكن للاسف اقولكم كان معاكم حق, وانا نفسي اقتنعت بالفكرة , للاسف انه منتدى زي هذا في ناس لسه ما مرت عليهم الحضارة ولا الادب, مع احترامي للجميع, واسمحولي اقولكم قبل لا اطلع انه الكثير مسوي فيها كل شئ قال الله وقال الرسول وهو مو عارف يتعامل مع الناس, الدين المعاملة مو بس اقعد انصح الناس واتفلسف عليهم وانا ما ادري وين ربي حاطني, المنتدى كان اسمه جذاب وتوقعت انه في مستويات واراء مختلفة لكن عرفت انه الشريحة المعروفة من الاعضاء نفس الاراء ونفس التفكير تقريبا , واللي ما يناسب تفكيرهم صار ما يفهم ويحاولوا يطفشوه , وااقولهم خذوا راحتكم وفعلا في ناس قاعدة تنسحب انبسطوا, وكثير من الاخوان يرد بس لمجرد الرد عشان تنحسب له مشاركات لا عشان نقاش ولا شئ, ويا تحط عباية فوق الراس وما تسمع اغاني و كل شئ حرام كذا نعجبهم مرة ونصير فاهمين., انا ما ادري لو كان مجتمعنا في اكثر من ديانه كيف كان حيصير حوار بين الاديان.
اسفة اذا كنت غلطت على احد وسلام

علياء..
للأسف
أن 95% في مجتمعنا هذا بهذه الصوره...فأنت ءان لم تكن معي فأنت ضدي..النقاش في أي شي له صله بالدين..يعتبر كبيره..
ولعلك تذكريين موضوعك..عندما ناقشنا صورة المرأه في البطاقه..فطلعت لنا وحده تقول خمور وكبريهات...وأاخر يقول لعنة الله على المنافقين..وواحد حاط فلاش للعلمانيين...
ببساطه..لاتتعبي نفسك..بس
ولعلك درستي في علم النفس أنماط التفكير الغير سوي أو twisted thinking ومنها:
1)all or nothing thinking (ياأبيض ياأسود)
2)overgeneralization (التفكير التعميمي)
3)emotional reasoning (التفكير العاطفي)
4)labeling (التفكير التصنيفي)

هنا مجتمع لايقبل النقاش في تلك الأمور أبداً..so what the heck!
ليش الواحد يتعب نفسه..الوقت وحده هو الكفيل بتغيير المجتمع

عزيزتي علياء
لما كل هذا الهجوم على أعضاء المنتدى ,,, ونحن قد نسينا الأمر تماما ...
لماذا تصفيننا بأننا أسأنا التصرف معكم (الأعضاء الجدد)
ولماذا تقولين...
*** الكثير مسوي فيها كل شئ قال الله وقال الرسول وهو مو عارف يتعامل مع الناس, الدين المعاملة مو بس اقعد انصح الناس واتفلسف عليهم وانا ما ادري وين ربي حاطني***
***مثلما أنتي رأيتي انه الشريحة المعروفة من الاعضاء نفس الاراء ونفس التفكير تقريبا ***
***نحن أيضا رأينا أن الأعضاء الجدد يتميزون بأن لهم نفس الأراء ونفس التفكير تقربا***
*** إذا لم نجعل في كل قال الله وقال الرسول في كل أمورنا فكيف بالله عليك نسيّـر حياتنا ****
غاليتي
أنا لا ألومك أبدا على الأعضاء ( اللي يستخفوا دمهم هذا غلط ومو كل الناس بتتقبل خفة الدم هذه.)
ولهذا الموضوع مكان آخر وهو
(((( أعضاء يستهزئون بأعضاء!!! لماذا ؟؟))))
عزيزتي
كل ماأردت قوله هو أختلاف الأراء هو الذي أدى إلى التجريح
مع أني أستطيع القول بأنه لم يكن أحد الأعضاء ذات كلمات جارحه ...
بالعكس كلامك الآن هو الجارح ...
لقد قالت واهمه كلمه يوما ما
من لا يعرف النقاش فليصمت ...

من هم هؤلاء الاعضاء الجدد؟!!!!!!!!
-------
هذا هو السؤال او الموضوع

بعد التحيه و التقدير للأعضاء ..
أدعو الجميع للتسجيل في منتديات هذا الموقع

فأعضائه يتسمون (( بالرقي المتناهي في التعامل )) .

وشكراً ؛؛

للاسف يا ويل !!!!!!!!!!

لم تكترث بان الادارة حذفت دعواتك السابقة لهذى المنتدى

لماذا ؟؟

هل يندرج هذا التصرف من احد اللونين الابيض او ااسود؟؟

يبدو ان هناك من يحاول ان يجعل الاعضاء الجدد يتواجدون في منتدى جديد

-------

المنتدى الجيد و العضو الجيد ....يفرض نفسه على الاخرين ...... ولا يحتاج شيئا من الدعايه او الالوان

نسيت اقول
العنوان الاجدر لهذا الموضوع هو

مطلوب اعضاء جدد لمنتدى جديد

هذا المنتدى لا يفرض نفسه على الأعضاء الجدد و القدامى و لكن هذا المنتدى من أراده دخله بكل سرور و من لم يرده يتراجع بكل إحترام . .
نحن هنا إخوة منذ زمن لم نلاحظ ما قالته الأخت علياء . .
ممكن تأتين لنا بدليل على الكلام إلي كتبتيه و إلا إمسحيه تراه من حالتك النفسية ساعة كتابتك للموضوع . .