|
|
||||||||||
ملتقى الحوارات الهادفة والنقاش حوارات تهم جميع افراد الاسره والمجتمع للقضايا والموضوعات الإجتماعية والنفسية |
|
أدوات الموضوع |
26-12-2006, 07:20 AM | #1 | |||
عضو نشط
|
ماذا أفعل مع زوجي ؟؟؟أكيد عندكم حل....
صباح الخير أخواني بالمنتدى ...في مشكلة عندي وأريد رأيكم فيها .....أكيد البعض منكم
قرأ مشكلتي ويا زوجي اللي أرسلتها للأستاذ ابراهيم ..وبصراحة ماقصر أبدا الله يجزيه الخير بردوده ونصايحه ..الحين أنا عملت ايميل جديد وصرت أراسل زوجي عبر الانترنت على اني فتاة تصادقه لأنني تعبت مررررررة من صداقاته لفتيات عبر الانترنت ...فقلت لنفسي خليني أكتشف كيف يتصرف مع الفتاة وأعرف نقاط بشخصيته يمكن تفيدني في حل مشكلتي وياه وأخليه يحبني ويتعلق بي ويشوف أشياء بشخصيتي ماكان منتبه ليها ودي أسترجع زوجي .......الحين هو بدأ يراسلني ويلح عليي بالرسائل ..بدأيتعلق فيي يرسلي كلام حلو ونكات وأشياء حلوة بعمره مافكر يرسلها لي أنا زوجته ...طبعا..لانه يظن اني هذي البنت اللي تصادقه عبر الانترنت ....أدري الفكرة خطيرة وغير مضمونة النتائج...لكن لو تعرفوا المعاناة اللي قاعدة أعانيها ..والألم اللي تحملته ...راح تعذروني على تصرفي هذا.....خلااااص خسرت كل أوراقي وهذي الورقة الاخيرة ...أتمنى تكون الحل...الاستاذ ابراهيم نصحني اني مااراسله عشان مايصير مشاكل بيني وبينه مرة ثانية ....انتو يااخواتي ...ويش رايكم ...انصحوني ...أحترت بأمري ....بانتظاركم... أتمنى من الجميع الرد ........أختكم (( شروق الحب )) المصدر: نفساني
|
|||
|
26-12-2006, 10:54 AM | #2 |
عضو دائم ولديه حصانه( عضو في نادي المتفائلين)
|
أختي العزيزه شروق الحب
انا في رأيي انك تنهي هذه العلاقه عن طريق النت وتركزي على المواجهه على أرض الواقع ,, عزيزتي ,, هذه الطريقة لن تجلب لك الا المشاكل مع زوجك لذلك انهي هذه العلاقة معه بدون عوده لها وحاولي فهم زوجك واحتياجاته اكثر وفري له الجو المناسب وحاولي ان تفاجئيه بكل جديد لديك واشغلي تفكيره بكثرة المفاجأت انا أتخيل ان شهرزاد كانت في قمة الذكاء عندما استطاعت ان تشغل تفكير شهريار بكثرة القصص الاحداث التي لا يستطيع ان يتوقع نهاياتها كوني شهرزاد لشهريارك واشغليه بمفجأتك والخفي من شخصيتك التي لم يتعرف عليها بعد نظراً لانشغاله باكتشاف غيرك من البنات حاولي والله معاك تحياتي ,, نسرين الرياض |
|
26-12-2006, 11:05 AM | #3 |
عضو نشط
|
هلااا نسرين ومشكورة على ردك ...صدقيني حاولت مثل ماقلتي وأكثر ...واجهته مرااات
كثيرة ..وعملت له مفاجآت وش حلاوتها وش كثرها ...يعني ويش أقولك ماخليت شي ماساويته..لكن مافي فايدة ...الله يعلم كم مرة كتبت هنا في المنتدى واشتكيت ...صبرت حتى مل الصبر من صبري مليت الآلام والدموع ...ماا ستسلمت ..لكن ويش أسوي وضعي مو سهل ..أدري اللي أسويه غلط ..لكن هذا آخر المطاف ..يمكن يكون فيه الحل ماأدري ..لمن يدري أن البنت اللي حبها في الانترنت هي أنا زوجته وأم أولاده ...يمكن يعيد حساباته ...أسألك الدعاء |
|
26-12-2006, 11:29 AM | #4 |
عضو دائم ولديه حصانه( عضو في نادي المتفائلين)
|
الله يوفقك ويرجع لك زوجك ويسخّره لك يالغاليه
لكن استمري بالمحاوله وانا اخاف انه يكتشف لعبتك عليه وتكون العواقب وخيمه وياريت ما تواجهيه بافعاله لأن هذا التصرف ينفره منك اكثر الافضل لك وله انك تتجاهلي تصرفاته أحياناً التجاهل يكون بصالح المرأه وهذه ونصيحه اخويه لك " افرشي سجادتك تالي الليل وصلي لك ركعتين لله سبحانه وتعالى واطلبيه ان يسخر لك زوجك ويهديه والله كريم يحقق لك ما تتمني " تحياتي ,, نسرين الرياض |
|
26-12-2006, 01:52 PM | #5 |
اخصائي نفسي
|
اختي الكريمه شروق الحب لك خالص الدعاء بالتوفيق والنجاح بحياتك الزوجيه انه سميع مجيب
اتفق مع راي استاذنا ابراهيم الدريعي واختنا الكريمه نسرين الرياض لانه في حالة اكتشاف تلك الطريقه من قبل الزوج قد يحصل لاسمح الله مشاكل من جراء ذلك نصيحتي ان لاتجعليه يكتشف ذلك وعليكي بالاتي 1- لعلك من خلال مراسلت زوجك بالانترنت اكتشفتي نقاط القوه والضعف في شخصيته بمعنى تعرفتي على الجوانب التى يعشقها في البنت والجوانب التى لايحبها .. استغلي تلك النقاط في صالحك وابداي منها في كسب زوجك 2-عليكي بالتخفيف من غيرتك الشديده عليه لانها ستنعكس عليك بالتعب من خلال توترك الدائم وخوفك الشديد علىزوجك 3- في اعتقادي مايعاني منه زوجك هو فقط عاده من الادمان لديه من التحدث الى البنات في فترة ماقبل الزواج ثم استمرت الى الان.وانا واثق بانه يحبك لاكن لعل زواجه المتاخر وعدم تحمله المسئوليه في تلك الفتره جعله لايحب القيود. 4- عليكي عدم كشف هذه الخطه لزوجك وعدم مواجهته بافعاله حتى لاتتفاقم المشكله بينكم 5- ثقي في نفسك وفي قدراتك وانا على ثقه تامه بانك افضل واجمل من كل الى ارتبط بهن عاطفيا او جنسا سواء قبل الزواج اوبعده وثقي بان سعيه وراء البنات مجرد عاده اكثر منها اي شي تاني 6- ثقي بان اغلب الازواج يكره غيرة المراه الشديده ويعتبرها نوعا من تقييد الحريه او بالاحرى سجنا وقع فيه فلا تجعليه يشعر بتلك الغيره الشديده ثم يحاول الهرب منك بشكل اوباخر دمتى بالف خير |
|
26-12-2006, 02:41 PM | #6 |
( عضو دائم ولديه حصانه )
|
الله معاك شروق امكن فكره كويسه خليه يحبك وحاولى تنصحيه وتوجهي و ينتبه لزوجته الى هى انتى.............. امكن يستجيب
أهم شي لايعرف حتى لو انهيتى القصه الله معاك |
|
27-12-2006, 03:26 AM | #7 |
عضو نشط
|
حبيبتي نسرين.......حبيبتي فاتن ....الاستاذ والصديق العزيز عيسى ..ألف شكر ليكم
على كلماتكم ونصايحكم الصادقة خليتوا عيوني تدمع....الاستاذ والصديق الغالي ابراهيم يعلم بمعاناتي من زمان وساعدني عدة مرات..وزي ماقلت أستاذ عيسى هو عنده عادة مصادقة البنات قبل الزواج ...لكن بنت الانترنت وصداقته وياها حرقت قلبي ..خلتني أفقد جنيني..هو بنفسه اعترف وأقسم باني مو مقصرة معاه بس مجرد تسلية...وشوفو هالتسلية وش سوت فيني ..ومازلت أعاني ..التعب النفسي هد جسمي وسرق الاشراق والابتسامة من وجهي لكن ...ماراح أستسلم .الحمدلله موناقصني شى وعيب الانسان يمدح بنفسه لكن الناس تقول جمال وعلم ودين وأخلاق وجو حلو في البيت ..وأولاد زي الملايكة ...وأصغر منه بعد بعشرين سنة ..وكل هذا ماهمني....لاني أحبه ...وماأتصور حياتي من غيره ..حبيبي وزوجي وأب ابني وبنتي وانا مو زي بعض النسوان تغار من أشياء تافهة ...أبدا ...بس ليش يكلم وحدة ثانية بالتلفون ويراسلها ويطلب صورها ..الخ ..أنا من يوم مابدأت أراسله على الايميل الجديد انقلب حاله !!!! صار مرح ومبتسم ويرجع من العمل يحضني وهو مشتاق لي ومزاجه مرررة حلو ...كل هذا لأنه بنت تراسله بالانترنت ...الله يخليكم هالرجل مو تركيبة عجيبة؟ عطوني تفسير وش قاعد يصير معاي ؟؟؟ انا للحين بس من أسبوع بدأت أراسله وأشوفه متعلق بهالبنت .....راح أخبركم ويش راح يصير معي ..باذن الله كل خير انتو بس ادعوليي ولاتبخلو بنصايحكم ..أوثق بها لاني أدري انكم تحبوني وتخافون عليي ....أنتظركم ...ومعذرة على الاطالة ((شروق الحب )) |
|
27-12-2006, 03:43 AM | #8 |
عضو فعال
|
شروق لما لاتحاولين ان تجلسي معه وتتكلمين معه يرقه وحنان وحب تبينين مشاعرك تجاهه وتلبسين احسن الثياب تحاولين لفت انتباهه لك لان المراسله بتوديك بدهيه وممكن الطلاق حاولي تفهمي زوجك واحسن طريقه روحي لطبيب مختص يرشدك خطوه خطوه وراح تلاقي حل باضن الله النت لن يفيدك كثر المحتص النفسي تمنياتي لك بالسعاده
|
|
07-01-2007, 09:18 AM | #9 |
عضو نشط
|
مشكووورة أختي حورية ...بس المشكلة اللي قاعدة أواجهها انه مابطل هالعادة ...
قاعد يراسل وحدة ويكلمها بالتلفون ويروح انترنت كافيه ويكلمها من هناك ... انا ماقصرت معاه في اي شي وتكلمت وياه وااااجد لحد ماتعبت وهو ينكر بانه يكلم أحد لكني فتحت ايميله واكتشفت البلاوي فيه ..ماادري ويش اسوي الحين ...استمر معاه بالمراسلة او لااا ....اللي عنده نصيحة يتفضل |
|
07-01-2007, 07:38 PM | #11 |
( عضو دائم ولديه حصانه )
|
الله يكون في عونك اختي شروق الحب
المهم انا اؤيد واشارك اغلب الاعضاء والاخوان في ردهم وكفوا ووفوا في الرد عليك وانصحك بان تقعطين المراسله والفكره عن بالك بتاتا تشكرات لك اختي والله يجمع مابينكم ويوفقكم مع بعض |
|
07-01-2007, 09:09 PM | #12 |
عضو نشط
|
كل من أبدى رأيه بمشكلتي أشكركم من كل قلبي ...صدقوني أحس انكم اخوتي
وتريدون مصلحتي واللي يصير معاي ماأتمناه لعدوي من كثر مااعاني من الالم والقهر لكن برأيكم راح استفيد ولا اللعبة تنقلب عليي ...هو بتصرفاته أجبرني على سلوك هذا الطريق ...اذا عندكم أفكار زينة لاتبخلون بها على أختكم تراني مرررررة محتاجة نصايحكم والله يجزيكم كل خير .... |
|
08-01-2007, 12:51 PM | #13 |
( عضو دائم ولديه حصانه )
|
شروق تخيلي معى الموقف ذا
هذا بس اول زواجى كنت ادرس بمعهد وجات وحده كانت مع اختى بالثانويه وسلمت على وسالت عن حالى قالت غريبه صار لك قرابت سنه ماحملتى من تزوجتى قلت: الا انا حامل بالثالث بعد قالت مو باين عليك وحطت ايدها على بطنى>>>> ركزى على ذى النقطه ومره زوجى جلس يتكلم ويخاصمنى انتى مافيه احد الا قلتي له انك حامل ومن ذا الين قال حتى خليتى البنات يمسكون بطنك >>> هنا جلست افكرررررررر طويل مو معقول ماكان بالممر غيري انا والبنت تخيلي انهرت قليله انهرت الا انفجرت وقلت انت كيف عرفت الا تعرفها ومن ذا الين اعترف وقال ايه اعرفها والمعتاد انلم الموضوع ووعد الاخ بانها غلطه وانتهت بس انا قلبي انكسر انا عايشه وبس ابغا حب مافيه ابغا اخلاص مافيه عيشي وبس آه كرهت شي اسمه زواج الا الان اكره اليوم الى تزوجت فيه ياليتنى جلست بحضن اهلى اسلم لي ولا عرفت رجال ابد وهاذنى عايشه معايه احلا بنت واشقي ولد ومبسوطين والبابا الله اعلم وين عنا لك اجمل المنى اختك فاتن عسيري |
|
09-01-2007, 09:57 AM | #14 |
( عضو دائم ولديه حصانه )
|
شروق انا ماكتبت القصه ذي الا اوريك انك احسن من ناس كثير مشكلتك اسهل منى
شوفي فاتن ولا عليها ريحى بالك وادعى وبس قال الله تعالى ( إنك لاتهدي من أحببت ولكن الله يهدي من يشــــاء ) وسلامتك تونه |
|
09-01-2007, 05:17 PM | #15 |
عضو شرف \عضو نادي المتفائلين
|
حبيبتي شروق لازم تعرفي حاجه : انه مايبنى على الصراحه يبقى ومايبنى عالغش والاحتيال يسقط دائماً ..وأن ماتفعليه لست ضده ولست معه فقد ترين اشياء نحن لانراها ، او ظروفك سمحت لك بذلك ولكن اقول لكِ كفي عن المغامرة !!!! ، لانك بالنهاية ستخلقين لنفسك انسان " شكاك " يمتلك شخصية_ ساديه عاليه _ ؛؛ فابقي محتفظة على ميزانك ، وصارحيه ان كنتي تستعملين النت من وراءه مثلاً واطلعيه على اهم التطورات الخاصه والعامه < كالمنتديات المشاركة بها > او < مواضيعك المحببه وياحبذا ان تطبعي ماتكتبيه حتى يعرف قدراتك ويستمتع بالقراءة معك > ؛ وان كان على علم باستخدامك للنت فهذا شيء جميل ، فكم من رجل حضاري يفهم ماله وماعليه وماهو الصواب وما هو الخطأ ، وان كان يفعل ذلك لانه رجل " فاجعليه يفهم بأنك مخلوقه وان كنتي قد انجرفتي لذلك انما بسببه هو وحده " ..وكوني قويه وليست متسلطه ..امنحيه بعض الامان والثقه ، فالرجل حينما يفتح عالم النت تجدينه لايعرف ماسبب تواجده رغم سعادته مثل مايفعل زوجك ! ..اما الانسان الفاهم اكيد لايخجل من شيء امام زوجته وان انتقدته فهذا من باب الحرص والحب ليس الا ..وياحبذا ان تبتعدي عن اسلوب العنف والانتقاد الدائم او التجسس ..كوني على طبيعتك حتى يكون هو على طبيعته ..فهو مخلوق قبل ان يكون زوجك وله طموحات واغراءات مثلما لكِ .. ولاتعتبري النت حاجه خطيرة عالعكس خذي ايميله واضيفيه على ايميلك كنوع من الاتصال ليس هناك مايمنع ذلك فاانت زوجته ..ان كان يتقبل ذلك .. وان كان لاء على الاقل حاولي اقناعه ..فالرجل احيانا يحب المصارحه كتابة بدلاً من النطق شفهياً ..
والحمدلله انا افعل ذلك ليس لدي مااخجل به وان كان لديه ليس مأسوفاً عليه ولكن المهم ان يعرف الحق من الباطل ... وصدقيني رغم معرفتي بزوجي معرفه صادقه الا انه يشعر بأنه حينما يكلمني من احدي المقاهي بالرياض بنوع من الهدوء والاتزان العقلي لان بعض الاشياء لايستطيع التعبير بها بالفم او توضيحها ... ولان الفكره اعجبتني من حيث رخص المكالمه خخخ وثانياً : بأني سأستفيد وهو معي ونشارك بعض ونطلع بعض على اهم الاخبار العائليه وغيرها ، والحمدلله هو انسان مرتاح جداً وسعيد كأسمه من الدرجة الاولى كما يقووووول بارتباطي به وانا كذلك الحمدلله منحني الثقه والحب والاحترام وهذا اهم شي ء " الاحترام " مثل ماله لي ..لست مجرد دولاب او ألة تعمل ..لي حق بالتعلم والتطلع بما يفيدني في حدود الله ...واخبرك صراحة بأني ذات يوم كنت زعلانه منه ولم أحبب التحدث اليه فقمت بحظره وحذفه نهائياً وفوجئت بمقولته : ياسلاااااام حظر كمان وحذف ربنا عالظالم ههههه ،، طبعا فتحت فمي من الدهشه ويش دراه ذه ؟! ..من قاله اني سويت كذا ؟ ..بصراحه رفعت ضغطي قالي : ياحبيبي فيه شغله تكشف وتعرفين من قام بحظرك وحذفك ..فدقيت صدري من المصيبه،، ويوم جه حاول يفرجيني الموقع والطريقه لذلك .. وهو مبتسم ، لما قلت له : يعني مش زعلان ؟ ..قال : الا زعلان ونص ..بس ابي اعلمك عشان مرة ثانيه تخلي بالك من الحذف ..الا عاد حذفي من البيت ماتقدرين قاعد على قلبك ...... من يومها حبيت اتعلم اكثررررر وامام عيونه .... الخلاصه : الرجل يبحث عن الراحه والتشجيع المتواصل ، والمرأة تبحث عن الامان والاحترام |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|