|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
15-05-2014, 05:43 PM | #1 | |||
عـضو أسـاسـي
|
ليش تتعالج / ين ؟! الدخول اجباري ^_*
أهليييييين فيكم كلكم يابنات وشباب
كيفكم ، ان شاء الله الوضع مستقر والأمل ببكرا كبيرررر امس جاء ببالي سؤال ودايما يجي ومن اول حبه حطيتها بفمي كنت اسأل نفسي ليش اخذ ادويه وكم عقار وجرعات وارفع وأزيد وش الهدف طبعا معروف الهدف سوا لي ولا لكم انه عشان النفسية المزفته عشان نهدا عشان نرتاح من الاعراض وتخف علينا بس تتوقعون هذا سبب كافي ! امممم انا اشوفه سبب اساسي وفيه أسباب كثيره على حسب الشخص بتكلم اول عن نفسي قبل أصابتي بالمرض كانت حياتي جميله مررره ومرتاحه على الاخر واحس ماينقصني اي شي طبعا مو على الماده لا زي نفسي وعافيتي زي الفل عايشه حياتي بشكل طبيعي مستقره نفسيا واعرف وش ابي وش هدفي وأتمنى وأخطط وطموحاتي كثيره وكل يوم تزيد وتحققت اغلب طموحاتي واللي أتمناه ومن الناحية الاجتماعيه كنت من احسن مايكون لي حضور وكلمه ورأي الى ان شاء الله وقدر لي الاكتئاب والوسواس بالموت والقلق والعزله وغيره وببداية علاجي النفسي رسمت أهداف كثيره وأمنيات وكنت معتمده على ربي ومتفائلة باادويتي وأنها سبب نافع بعد ربي من أمنياتي وانو ليش بالأصل اخذ هالادويه همي ارجع زي اول قبل التعب نفسي نفس شخصيتي نفس ثقتي نفس طموحاتي لان حياتي كانت جميييييييله لاابعد حد الحمدلله المهم غير كذا كنت أتمنى أعيش نفس العاديين وبنفسيه مستقره بدون عصبية واضطراب نفسي افهم من انا لان اختلال الانيه كان مسيطر علي الحمدلله الى كل حال وفيه سبب ثاني يهمني اللي هو بفترة تعبي تغيرت شخصيتي والأغلب صار يفسر تصرفاتي من رأسه مثلا على العزلة كانو يقولون مغروره متكبره ماتبغانا واذا عصبت غصب علي قالو دلوعه وتبالغ ودايما يشوفني انا الغلطانه ولا مره أكون على صح مع ان العكس مواقف كثيره الحق معي مليون بالميه بس ماعلي منهم وتفسيراتهم يعني صارت ماضي بس اللي يهمني نفسي أغير النظره هذي لان الصفات هذي بايخه ومااحبها وهذا كان سبب قوي يدفعني للعلاج .. هذي أسبابي ..!! جت مع شوي فضفضه خخخ اللحين انتم قولو لي وش هدفكم من العلاج غير الأساسيات فيه ناس هدفهم الزواج مثلا .. فيه ناس هدفها تكمل دراسه وتتوظف انتم وش هدفكم بالضبط .. صراحه نفسي اعرف هدف كل عضو وعضوه بمنتدانا هاه ابي تفاعل الله الله شدو الهمه خخخخ الله يسعدكم ياخي .. فالكم خير وانتظر كم * نداء للاداره الجمييلين خلو الموضوع بالقسم هنا لانو انسب هاه الله يوفقكم لاتشوتونه قسم ثاني ~ بيني وبينكم قسم الاكتئاب احسه زي غرفتي ماغير مطيحه فيه اندمج هنا اكثر هههه يلا المايك لكم ،،، _ المصدر: نفساني
|
|||
التعديل الأخير تم بواسطة بكرا أحلى ; 15-05-2014 الساعة 05:49 PM
|
15-05-2014, 06:03 PM | #2 |
مشرف ملتقى الاكتئاب
للادويه سلبيات قد تدمرك
|
بالنسبه لي ادري ان الماضي لا يعود وانا حاليا اختلف عن الماضي بسبب ان لي سنوات مع المرض ونسيت كيف شخصيتي الماضيه عشان كذا انا حاليا اعيش حياه جديده بشخصيه وافكار جديده
طبعا اخذ ادويه عشان اقدر اعيش في المجتمع و اتوظف و اتزوج , واملي بالله كبير وباذن الله بكرا احلى :) |
|
15-05-2014, 09:18 PM | #4 |
عـضو أسـاسـي
just alone
|
هلا بأختي بكره أحلى
تعليق على جزئيتك _________________________________________ وفيه سبب ثاني يهمني اللي هو بفترة تعبي تغيرت شخصيتي والأغلب صار يفسر تصرفاتي من رأسه مثلا على العزلة كانو يقولون مغروره متكبره ماتبغانا واذا عصبت غصب علي قالو دلوعه وتبالغ ودايما يشوفني انا الغلطانه ولا مره أكون على صح مع ان العكس مواقف كثيره الحق معي مليون بالميه شي يهبًل في الواحد .. لدرجه خلاص ماعاد صارت علاقتي الا سلام وعليكم السلام .. وليت الوضع سلك ( أنت وش فيك صاير تدخل وتطلع ولا معبر أحد!! ) شوفو عيونكم كيف تحكي تصرفاتكم حتى لو اتكلم بجديه انواع التسليك وكاني طفل ! فصار الشي هذا من الروتين اليومي .., أما بالنسبه للأدويه .. خرابيط الافكسور يخليك زي الرجل الكهربائي وتضحك بشكل غريب وتصرفات حمقى ! السركويل وطقته وانتي بكرامه مثل التيس اكل ونوم واقولها عن تجربه 6 شهور عليه ماصددقت افتكيت منه المهدئات هي الي أجزم أنها تعافي الواحد لا اخذها بطريقه سليمه .. اما بالنسبه للطموح تصدقين !! ماعاد صرت اطمح كنت اطمح اكون مطرب لأن صوتي يساعدني واعزف بس البيئه الأجتماعيه الله وكيلك طموحي حاليا أني اتوضف وياريت ما اتردد مثل كل مره لأني مؤمن أني اذا توضفت راح تختلف حياي جذريا ودي اسافر ماليزيا شهرين بعيد عن هنا < أيه هين بس الدائري ويخب الله يسعدك .. |
|
15-05-2014, 09:43 PM | #5 |
عضو نشط
|
انا لازلت غير مستوعب اني اعاني مرض نفسي حتى اني ما استخدمت الادوية غير يوم واحد وقت ماوصفلي الدكتور والحين ليا سنتين بدون ادويه ..
|
|
15-05-2014, 10:06 PM | #6 |
عضو نشط
|
شوفي انا اتمنى ارجع على طبيعتي الاصليه اللي علمي فيها من اكثر من 9 سنوات هذا ما اطمح اليه من العلاج فقط
هذا الهدف الوحيد لانه اذا تحقق بتوظف بتزوج بتعرف باصادق باختصار ببدع لأن طبيعتي بدون غرور مبدعه بكل شي وشكرا لكم |
|
15-05-2014, 11:23 PM | #7 |
مراقب سابق
|
الله يشفينا يا رب
و الله انا حاليا رغم كل تعبي ما بفكر غير بالاطفال صارلي ٥ سنوات متزوج و ما عندي اولاد و السبب حالتي المشكلة خايف اظلم زوجتي لانها تموت بالاولاد المشكلة اختها مبارح ولدت و الثانية هاليومين تولد :( الله يفرجها |
|
15-05-2014, 11:46 PM | #9 |
عضو موقوف ( ملحد )
|
الهدف هو الشعور المتوازن، يعني اذا كنت مكتئب ما اقدر اكون اجتماعي لأني اذا كنت اجتماعي و انا مكتئب راح يسبب لي الم لأني و انا مكتئب اكون احياناً شارد الذهن او انتقد كل شي و لا اشعر بلإنتماء، و ببساطة لا استمتع بوقتي. كيف استمتع بوقتي و جسمي لا يفرز الدوبامين و السيراتونين الذي أحتاجة لكي اكون بحالة طبيعية، عندما افتقد للتوازن في الكمياء لا استطيع ان استمتع بوقتي و اذا تجنبت
الناس اشعر بالنعاس و الرغبة بلهروب الى النوم، حالة النوم هذه ليست مثل ما ينام اي شخص هي استسلام لحالة الإكتئاب و هذه الفترة اللتي انام فيها يكون الإكتئاب بأفضل اداء له لأن المكتئب حينما يهرب لنوم هو في الحقيقة يفكر في فترة النوم لذالك عندما يستيقظ يكون في حالة غير حالة النوم الطبيعي، و البيوترين يعطيني الدافع و الطاقة لكي استمتع بوقتي احياناً اشعر بإكتئاب و لكن من السهل ان اتغلب عليه بمساعدة والبيوترن. ايضاً حالة الإكتئاب اللتي عشتها سببت لي خلل في النوم لذالك اتناول ما يساعدني على الإنتظام في النوم. اعتقد الكثيرين يحتاجون لمثل و البيوترن لكنهم جبناء ولو علموا بأن هنالك دواء يعالج عندهم الخمول و الكسل وعدم الرغبة في الحياة فإنهم سوف ينقضون عليه حتما". |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|