اكتب ودموعي تسبقني تعبت جدا

اكتب ودموعي تسبقني تعبت جدا

السلام عليكم اخواني اخواتي والله اني اشعر بضيق ليس بعده ضيق انا طرحت عليكم مشكلتي بعد ماحصل لي ضيقه في التنفس ومن بعدها بدأت افكر في الموت ولم اعد افكر بشيء للمستقبل حتى اني فقدت شهيتي للاكل واصبحت في كآبه وحلمت بحلم افزعني وعندما قرأت تفسيره دل على انه الموت لا اعلم ماذا افعل بصدق تعبت لم اعد كما كنت في السابق فانا مازلت في مقتبل العمر 27 كنت مرحه اجتماعيه ضحوكه اما الان لا افكر سوى بالموت ومفزوعه من الحلم لا ادري ماذا افعل فانا تعبت جدا جدا

المصدر: نفساني

لا باس عليك اختي ..

ترا حالتك وسواس لا غيير

صرنا خبره ترا خلاص مرينا في حالتك والاعضاء مروا فيها

اكيد بتخافي شي جديد عليك لكن احلف لك انه وسواس فقط

بالنسبه للحلم وش قال الرسول صلى الله عليه وسلم

اذا احد رآى رؤيا غير سارره ينفث عن يساره ثلاثا ولا يخبر بها احد فانها لن تضره ..

صدق وربي الذي لاينطق عن الهوا

استهدي بالله وروقي

اما تفكيرك بالموت لانك دخلتي في الدوامه
الدوامه بدايتها كتمه مع احساس بدوخه او شبه اختلال توازن .. وقتها راح يجيك احساس الموت .. مباشره راح يجيك خفقان وخووف فضيع هذا يسمى هلع

لاحظي كل شي له اسم معناته كلها اعراض نفسيه .. وليس الموت .. لان الموت ماحد يعرف شعوره ابدا ..

وهذا احنا نفسر شعورك والا ..

......

كم لك على هذي المخاوف ؟

اختي العزيزه والله أشعر بكل كلمه تقولينها مع الإحساس بالوحدة لكن الملجأ من الله إلا إليه تضرعي لله وسواس الموت وسواس الامراض جدا جدا متعب العرض الشامل للوسواس هو ضيق النفس وسواس الامراض والله يا اختي أشد اكتب لك وانا ارتجف خوفا أسأل الله أن يمن علينا بالشفاء فالفساد بيده وحده يارب يارب يارب

ف الشفاء بيد الرحمن

يارب اغفر لي خطأ من نفس الجوال لا أقصد الفساد ولكن الشفاء يارب عفوك استغفر الله الوسواس يالله ما اعرف ايش اكتب بس يارب انت الشافي المعافي آشفي كل نفس تتالم يارب وانا وسائر المسلمين

اخوي يارب عفوا ورضاك ..

من وش تشكي وهل تعالجت

اختي رنا والله العظيم مريت بنفس حالتك واسوء كمان وانا لي اكثر من عشر سنوات علی هذه الحاله لكن تعودت عليها خوف غير مبرر ودوخات والم بالصدر من اليسار والمعده واقول الناس ليه تشتغل ليش تدرس كلهم بيموتون و وساوس كثيره وانا اقول لاتخافين وتضيعين زهرة شبابك بالافكار هذي عيشي وانبسطي وخذي العبره منا

جزيتم الجنه اخواني جميعا واسال الله أن يفرج همي وهمكم جميعا من شدة ضيقتي اشكو

اختي رنا السلام عليكم ورحمة الله وبركاته .... والله يا اختي انا صار لي نفس الشي وعظم منك احيانا اذا نمت احلم بكوابيس وقبور وبيوت طين مظلمه . هذا وسواس الموت مامنه ضرر ابدا مجرد افكار وسواسية ... كنت اتذكر اني في النهار يصير اقوى من الليل ويجيني الم في الذراع الايسر ( الى الان لم يكتشفوا سبب الالم في الذراع الايسر بالذات ) ويجيك خفقان في القلب واكتئاب من شدة القلق وقلة نوم . والشهية تصير صفر يعني ماودك تاكلين شي وحيانا الم في المعده وانتفاخ في البطن
ويجيك خوف غير مبرر وتصيرين تخافين من الخوف نفسه . واي شي يصير لك كانه تهديد لحياتك وتختفي البسمة ويقل الكلام واكتئاب فظيع . وتجيني ضيق في التنفس . يصبح كل شي عندك معاد له طعم زي الاول حتى الفرحة صارت تختلف عما كانت من قبل . انا لما جتني هالحله احسب اني انا الشخص الوحيد الي عنده هالحاله لانه وقتها مافيه انترنت كمان وقتها الناس تنظر الى المريض النفسي نظره سوداوية . وكنت اسرح كثير ويقل التركيز . وتجيك اشياء لم تكن تعهدينها من قبل اشياء غريبه
........................... كل ها لاعراض تجيك غصب عليك . بعدها اكتشفت انها كذبة لا حقيقة لها نحن الذين سببنا لانفسنا هذا لاننا ابتعدنا عن الدين . قد تكون ( عين او سحر ) لا اعلم والله لانها تحدث فجأة بدون مقدمات يمكن يجيك نوبات هلع
بس مو معنا هذا انك تستسلمين وتصيرين تخافين من كل صغيرة وكبيره . اعلم انها احيانا تصير غصب عليك لكن نسينا سبب مهم جدا الا وهو كيف نحن مع الله .
ليش نخاف والله يقول ( ومن يتوكل على الله فهو حسبه ) يعني مارح يجيك شي بأذن الله .
من اذكار الصباح والمساء ( بسم الله الذي لا يضر مع اسمه شئ في الارض ولا في السماء وهو السميع العليم ) ثلاث مرات يعني ثقي بالله انه مارح يجيك شي ولا ابن امه يقدر يسوي لك شي ... يقول واحد من السلف نسيتها يوم فشلت يدي
توكلي على الله حق التوكل وكل مازاد الايمان زادت قوة التوكل واطمأن قلبك . اقري قرأن وقلبك حاضر ..... كل يوم قومي الليل وصلي وفي كل ركعه اقري من جوالك نصف جزء واسجدي لله وانطرحي بين يديه وادعي من قلبك واحسني الظن بالله
لا تعطين الشيطان فرصة يوسوس عليك ترى الشيطان حريص جدا ( انما النجوى من الشيطان ليحزن الذين امنوا ) الشيطان حريص جدا انك تعيشين في كأبه وخوف وقلق ووسايس لذلك لا تعطينه وجه . ومارح يضرك ابدا .. وترى الصيام ممتاز جدا جدا لمثل حالتك , صدقيني بأذن الله ان ترجع حياتك طبيعيه واحسن من قبل .. احيانا اذا مات قريب لكم او قريب في الجرايد ان احد مات ينتابك نوع من الخوف , ترى هذا من الشيطان . لا تفوتك اذكار الصباح و المساء احفظيها عن ظهر قلب
ولا تفوتك الصلوات في وقتها استعيني بالله في امورك كلها ودائما صلى النبي صلى الله عليه وسلم . وستغفري . وكرري سبحان الله والحمد لله ولا اله الا الله والله اكبر . ولاتنسين حسبى الله لا الله الا هو عليه توكلت وهو رب العرش العظيم اذ خفتي من اي شي , ولا اله الان انت سبحانك اني كنت من الظالمين كرريها . ترى في البداية بتتعبين لكن استعيني بالله وخل عندك عزيمة واصرار , استمري عليها اسبوع اسبوعين شهر شهرين مافيه مشكله , اذا شفتي وانا واثق بأذن الله واصلي القراة والقيام والصيام . والصدقة والاذكار ..... وزي ماقلت لك ترى الي فيك خررررررررررررررررررررررررررررررررررررررررررررررررر رراط اخترعه عقلك وانتقل الى العقل الباطن . يعني مجرد اوهام ووساوس

اسأل الله لك بشفاء لنا ولك ولجميع المؤمنين

لا تخافي كلنا مثلك ومرنا بنفس حالتك بس هذا وسواس طنشيه وعيشي حياتك كل دقيقه باخدها الوسواس منا احنا انفع بها

اختي انا حطيت قدامي هدف انساه واتقن فن تطنيش
وانا عارفه ومتوكله على ربي واثقه فيه ومحسنه الظن فيه ان كل خير بصير

تفاءلي بالخير ...

معرفة المرض نصف العلاج الفعلي

ان كان ما تشعرين به تعلمين انه مجرد قلق وافكار متسلطه ف وصلتي خيرا

تبقى فقط المضي نحو العلاج الصحيح واكمال الحياه بشكل طبيعي

عندما يعرف الإنسان مرضة أنه مرض ميسر ويمكن التغلب عليه يعود عليه بالإيجابية

فا ارجو أن تكوني أكثر إيجابية مع أعراضك مع حياتك اليومية دون التفكير بأي شيء يعقيق حياتك ويكدر عيشتك

اسأل العافية لكِ

جزيتم الجنه جميعا واسال الله لكم الشفاء جميعا وان يبعد عنكم كل شر يؤذيكم

باذن الله امورك بسيطه
ومافي شي يخوف
كل اللي معك مجرد
قلق نفسي قلب حياتك
وهو بسيط وباذن الله
ترجعي مثل ماكنتي واحسن
وتقدري تشوفي
حالتي وكيف خرجت
منها وضعت مواضيع
بقسم الاعضاء المتشافين
اهم شي لاتزيدي قلقك
بالخوف من اللي صاير معك
وثقي تماما ان ماحدث معك
يحتاج مجرد وقت وبيدك
يطول الوقت او يقصر
لا تدخلي بدوامه
ابداء بالعلاج بدعم نفسك
واذا حاسه ان الحاله
قويه معك راجعي دكتور
مع العلاج امورك تضبط
والعلاج مايخوف عادي جدا
تحياتي