الله يخليكم رجيتكم تدخلون محتاجتكم بعد ربي

الله يخليكم رجيتكم تدخلون محتاجتكم بعد ربي

السلام عليكم جميعا ...

انا حقيقه ما ادري وش فيني

ولا ادري وين اكتب موضوعي هذا ..

وين ماتشوفون مكانه انقلوه ..

لأني ما ادري اللي فيني وسواس او اكتئاب او هلع او رهاب ولو اني ما اظن انه الأخير

المهم يا اخواني وخواتي

انا من فتره 4 شهور تقريبا وجعني بطني وجع شديد بالحيييييييييل قمت واخذت 10 حبوب بندول اكسترا
وبعدها بدأت المعاناه حسيت بثقل وراسي يدور ورحت المستفشى قالوا لي لاااااااااااااااااااااازم غسيل معده ونتأكد من الكبد لأن نحنا خايفين على الكبد البندول يدمر الكبد

ورحت عملوا لي غسيل معده وربي لا يوري مسلم اللي شفته من ورا هالغسيل

وسووا لي تحاليل للكبد والكليه طلع كله سليم ولله الحمد والمنه

طلعت من المستشفى بعدها بأسبوعين قلت ليش ما اروح اسوي تحاليل من اول وجديد
لأنه لاسمح الله لو كان فيه اعراض او شي ماراح يطلع بنفس اليوم وسويت تحليل بالفعل

طل كل شي سليييييييييييم بس نسبه البوتاسيوم عاااااااااليه بشكل لا يصدق ( طبعا خطأ طبي كان من المختبر) وقالت لي الدكتوره عندك البوتاسيوم درجته غريبه بس باين انه غلط وان المختبر باعثين لنا مع التيجه انه لازم يعاد

قلت لها يا دكتوره وشو دراج انه غلط
قالت لي لااااااااااااااااا يا ماما مستحيل تكون هاذي نسبتك لأنه البوتاسيوم تعرفي بيعمل شو؟ بيعمل خفقان

قلت لها انا عندي خفقان
قالت لي بيعمل ثقل في الجسم
قلت لها وانا عندي ثقل في جسمي

قالت لي يا بنتي هذا ما يصير بهالنسبه الا عند الناس اللي عندهم مشاكل كبيره في صحتهم

هنيييه انا بديت قلت لاسمح الله لايكون فيني شي وانا ما ادري؟ المهم طلعت من عندها وماقنعتني ولا طمنتني

وبدأ الخفقان فعلااااااااااااا في هالفتره حسيته بين اليوم اللي هذوا لي دم فيه لغايه ما طلعت النتيجه ..

طلعت النتيجه طلع سليم الحمدلله ... ركد الخفقان .. بوقتها وصار عادي

بعد فتره رجع لي مره ثانيه قمت مفزوعه مرتين على صوت الموبايل وكان عالي وكنت نايمه فقمت مرتين خايفه وبدأ الخفقان والضفط طبيعي بيرتفع لأنه فيه خفقان

الامي الحين يا اخواني :
الم داخل الصدر من جهه اليسار و يدي اليسار و رجلي اليسار و احيانا اليمين و احيانا احس بألم في صدري من داخل من جهه اليمين ايضا

كأن حد خانقني ما اقدر اتنفس بس مو على طول من وقت للثاني

ثقل في راسي
رقبتي من جهه اليسار توجعني

حاسه بتوتر مو طبيعي صرت اعصب على اخواني الصغار وحاسه بحاله قلق مستمر
اكتئاب بين الفتره والثانيه ومزاجي يقلب في اقل فتره تتصورونها ..

احس اني ابي ابكي وفعلا كثير ابكي

وخايفه كثير من الموت او اني لا سمح الله والعياذ بالله اموت بجلطه ولا شي ..

واللي مخوفني اكثر بسبب المشاكل اللي عندي في البيت كنت اقول لهم ابي اعيش لسن 30 كذا مره قلتها

فالحين اقول اشعرفني يمكن لا قدر الله انه استجاب لدعوتي ربي لا يقدر انشالله

وخايفه على طووووول افكر بالموت يا اخواني واحلامي حيل بشعه

فقدت اللذه بالحياه من كل جوانبها

واحس بحرقه في معدتي ووجع بعض الأحيان في بطني واحيانا اتخيل اني مثلا واقفه فوق سطح بيتنا واشوف لتحت احس بخوف مع ان ماعندي هالخوف من الأماكن المرتفعه ابدا بس هالفتره بدت معاي واحس كأن حد يسحب بطني على تحت سحب

رحت لعند وايد دكاتره وسواا لي تخطيط قلب 5 او 6 مرات قالوا لي كل شي سليم الحمدلله بس النبض فعلا مثل ما قلتي باين انه سريع شوي بس سليم

ورحت لدكتور باطنيه وجهاز هضمي قال لي عندج قولون عصبي ومعدتج مضطربه

وبطنج كلها غازات

طيب والخفقان يا جماعه الخير ؟؟ رحت لدكتور قلب شاف التنفس عندي قال سليم وشاف التخطيط قال باين انه سريع بس منتظم وسليم الحمدلله و سوالي تحليل دم عشان : امراض القلب( الله يبعده عنا وعنكم ) و روماتيزم القلب و الغده الدرقيه و الهيموجلوبين وكلهم سليمين الحمدلله

وسوا لي ايكو لفحص القلب قال لي كل شي سليم الحمدلله بس عندج من يوم انولدتي الصمام الميترالي فيه ارتخاء بسييييييييييييييييييييييييييييط هو اقرب للطبيعي ما اقدر اعطيج نسبه عليه لأنه تقريبا طبيعي خفيف جداااااااااااااااا ومامنه اي اضرار ولا خطر

فقلت له علاجه ؟؟؟؟؟؟ قال لي انتي ونفسيتك علاجه النفسيه تبتعدي عن القلق و التوتر يروح الخفقان يعني علاجه بنفسيتج وقال لي على فكره لو ماقلقتي ولا توترتي ما كان بان معاج لأنه مو شي خطير وناس كثيييييييييييييييييير يعيشون فيه ولا يدرون ان عندهم هالشي فالمهم الراحه النفسيه

طيب يا دكتور وجع ايدي ورجلي اليسار من شو ؟؟ قال لي اعصاب ومن التوتر طيب الحين في هالفتره لاحظت ان رجلي اليسار منتفخه شووووووووووووي واحس كأن الدم متجمع فيها يعني لما اثنيها احس ان الدم متجمع يعني فيها ثقل شوي ويدي اليسار نفس الكام فيها جزء منتفخ مابيبن الا لما تركزوا

وعطاني دواء اسمه اندال او انديكاردين

خفف لي الخفقان و الرعشه اللي كنت احس فيها بحسمي من داخل

بس ما ابي اتعود عليه ونفسيتي صار حضيض بسبب هالموضوع الحين

صرت افكر بالموت كثير و خايفه وتفكيري اسود
نسيت اقول لكم رحت من قبل هذا كله لدكتور نفسي قال لي اتي عندج حاله وسواس وقلق

وعطانين نوعين دواء بس خفت استخدمهم ودكتور الجهاز الهضمي قال لي لا تروحي لأي نفساني لأنه لو ثبت ان عندج مرض نفسي ممكن يأثر على وظيفتج ومستقبلج

فمش عارفه شسوي ..؟؟

اللي ابيه منكم الحين تقولوا لي :
1- الاعراض اللي حاسه فيها طبيعيه وعاديه مافي شي يقلق؟؟ وخصوصا ايدي اليسار ورجلي ورقبتي من جهه اليسار والخفقان وضيق التنفس
2-انتوا مريتوا بهالحالات ؟؟
3-وشو بالنسبه للدكتور النفسي ؟؟
4- قولوا لي بحكم معرفتكم شو اللي انا اعاني منه لاني ماني بعارفه يا جماعه ؟؟

وبالنسبه للقولون العصبي انا ماتجيني الام كثيره في البطن بس احيانا الاحظ اما امساك او اسهال وانتوا بكرامه وغازات كثيره وحموضه وحرقه في المعده خو جذيه القولون العصبي ولا لازم الالام مبرحه في البطن ؟؟

رجيتكم تردون علي موضوعي طويل بس الله يبارك لي فيكم ابي اطمن عفيه قولوا لي
صرت حتى اي عارض او اي الم بسيط في جسمي اخاف منه ورككككض للقوقل ادور عليه

حياتي كئيبه صارت بس اللي حابه انوه عليه اني مش دايما اطون مكتئبه او قلقه احيانا اطنش واصير عادي واحيانا اتذكر وارجع انتكس انتوا جذيه ولا على طووووووول تعبانيين نفسيا ؟؟؟

الله يبارك فيكم ردوا علي

المصدر: نفساني

وعليكم السلام ورحمة الله وبركاته ، اختي : وكلت امري لله ..

وش اللي خلاك تاكليين 10 حبات بندول < لاتعلييييييق ، وحمد الله على السلامه . في شخص عاقل يأكل عشر حبات ، في نفس اللحظة ؟؟!واكييييد بيسولك غسسيل معده ولا بيخلونك ، الاعراض اللي صاحبة البندول ، اظن انهاا ، هبوووط في ظغط الدم ، والاعراااض اللي كتبتيها كلهااا ، تددل على انك اصبتي بهلع ، من اثرر الهبووط ، لاااان اغلب اللي يعانون نوبة هلع ، اول معناتهم هبووط مثلي ومثل كثيير من اللي يكتبون عن الهلع في الانترنت ، وعن الاكتئاب والرهاب والوسواس < لاتشيلين هم انشااء الله انها وقتييييه ، لاننا كلنا مريناا فيها ، وانا الحمد لله ، تعافييييت بالرقيييه الشرعييه وززيت الزيتوون ، ولاعاد فيه لاوسواس ولا رهاب ولااكتئاب الحممد لله ، انا ابشررك ، لاتشيلين هم من اي شيء ، ولاتقولين انك تعبانه ولا شي ، كلها عارض ورااح يعدي ، بس المهم انك تعملييييين بالاسباااب ، ليتبييين سبب المرض ، يعني علييييك باستشارة طبيييب نفسي ، واشرحي له الاعراض ، ولاتبالغين فيها ، عشان يعطيييك العلاااج المناسب ، واستخدميه ، وايضا انصحك بالرقيه الشرعيه وووألخ ، لاتخليييين اي علاااج مجرب هنا في الملتقى الا وجربيه بس بحرص ووقناعهـ ، واستشارة أشخآص موثوقين ..

وفي النهاية ، ارجو من الله العلي القدير ، ان يشفيك ويشفي مرضى المسلميييين ويغفرر لنا ويلطف بنا انه سمييع مجييييب ..

اختي وكلت امري الله يشفيك اولاً

وثانياً ادخلي على موضوعي اللي دونته قبل شويه ( بعنوان قصتي مع نوبه الهلع وكيف تم الشفاء منها بأذن الله عز وجل )

لعلها تفيدك شويه

سلامة قلبي أختك.......ماتشوفين شر
عادي أعراضك ومامريتي فيه.......كلنا هنا مجربينه ولا ذكرتي ولا عرض جديد علينا
أختي توكلي على الله وروحي الطبيب النفسي وإن شاء الله خير، وشوفي برنامج الطب النبوي بإذن الله حيفيدك بعد لخبطة البندول والمواد الضارة اللي دخلت جسمك، برنامج الطب النبوي يشمل على مواد طبيعية تعمل على طرد السموم من الجسم وهذا اللي أنتي محتاجته.........واللي تعاني منه كم ذكر لك الأخ رائد هبوط أدى إلى حدوث نوبة ذعر......وطبعاً بعد تجربة النوبة دخلتي في عالم الإضطرابات النفسية........بس أختي من جد أتكلم مو مجرد أخفف عنك ، المشكلة جداً بسيطة وما تحتاج كل هذا القلق
بس ثلاث خطوات أتبعيها وفالك العافية بإذن الله

• راجعي الطبيب النفسي
• استخدمي برنامج الطب النبوي
• أبدأي بالرقية الشرقية.....والقران شفاء أختي مهما كان مرضك

أسأل الله لي ولك ولجميع مرضى المسلمين الشفاء والعافية

اخوي رائد لو قادره اقول السبب كنت قلته اللي خلاني اخذ 10 حبات بندول :)

رائد واختي مطمئنه .. انا جرت واحد ليبي يرقي علي وعطاني ماي مقراي فيه وبس

لا حسيت بفايده ولا شي
ما ادري اللي احس فيه من خفقان و الم رجلي اليسار ويدي اليسار عادي ؟؟؟

ما ادري بعد ليش صرت احس ان رجلي اليسار منتفخه شووووووووووووي

ياربــــــــــــــــي رحمتك وعفوك واسألك الصحه والعافيه

انا سألت الأطباء البندول له دخل بهالعوارض اللي احسها ؟ قالوا لي لا خلاص سوينالك غسيل معده و الأثر راح بهاذاك الوقت ماله علاقه

بس انتوا تظنون له علاقه ؟

والله خااااااااااااااااااااااايفه

رجيتكم تدعوا لي وايد خايفه من الخفقان و الخنقه و الام جهه اليسار خايفه كثير يا ناااااااس

ما ادري كيف اتخلص واتعالج من اللي انا فيه

كنت طبيعيه ومافيني شي

ياااااااااااااااااااارب اسألك الصحه والعافيه

أختي بإذن الله ماراح ننساك من الدعاء
والرقية يا أختي ما يحتاج شيخ أنتي أقريها على نفسك وإذا عندك موية زمزم فأفضل وأفود
أختي شوفي برنامج الطب النبوي فيه مواد طبيعية صحية بتساعد جسمك كثير

الله يشفيك ويعافيك

الطب النبوي ما ادري كيف اجيبه و ما ادري اذا هالاعشاب بتناسبني ولا بتزيد الطين بله ...

بس محد جاوبني هالاعراض اللي اشكي منها تخوف و لاعاديه ؟؟؟

لا أعشاب ولا شئ أختي البرنامج يتكون تقريباً(تمرعجوة المدينة/ وعسل/ وموية زمزم / وحبة البركة.............)
أدخلي موقع الشيخ عبدالله الخليفة وشوفي طبيعة البرنامج ومدته وخطواته

والأعراض أبداً ماتخوف عادية وأكثر من عادية، كلها من التوتر والقلق النفسي اللي زاد بعد التجربة السئية اللي مريتي فيها، يا أختي شفنا أكثر من كذا

الله يشفيك ويطمن قلبك

المشاركة الأصلية كتبت بواسطة مطمئنة

لا أعشاب ولا شئ أختي البرنامج يتكون تقريباً(تمرعجوة المدينة/ وعسل/ وموية زمزم / وحبة البركة.............)
أدخلي موقع الشيخ عبدالله الخليفة وشوفي طبيعة البرنامج ومدته وخطواته

والأعراض أبداً ماتخوف عادية وأكثر من عادية، كلها من التوتر والقلق النفسي اللي زاد بعد التجربة السئية اللي مريتي فيها، يا أختي شفنا أكثر من كذا

الله يشفيك ويطمن قلبك

حبيبتــــــــــــي ربي يريح بالج مثل ماريحتي بالي ويشفينا اجمعين يارب

ممكن اتواصل معاج حبيبتي اذا احتجت شي اسألج عنه ..؟؟ ارتحت لج بالحيل يا مطمئنه

واللي فيني ما اقدر اقوله لأي حد لا صديقه ولا غيرها

وحتى خوات بنات ماعندي محتاجه ان حد يوجهني يا مطمئنه .. واذا ماتبين عطيني طريقه كل ما احتجتج فيها بعد ربنا اكلمج ...

ومكثوره الخير حبيبتي

تسلمين ياقلبي إنتي

تقدري تطلبي إيميلي من الإدارة...........وفي خدمتك

غاليتي سبحان الله كانك تتكلمين عني وعن قصتي مع الخوف ووسوس الامراض

كل الاعراض الي حسيتيها حسيت فيها وعانيتها

وكله من الهلع والقلق النفسي

يعني الحمد لله سوينا تحاليل وتخطيط وكل شي سليم لاكن هذا الوسواس

وان شاءالله ربي يشفيني ويشفيك ويشفي جميع مرضى المسلمين

انا قبل لو احس بنغزه بصدري والا الم في اي مكان ماارتاح لين افحص واروح للمستشفى لاكن الحين الحمدلله وكلت امري لله رب العالمين ولماحس بالم او بداء التفكير والوسواس اشغل نفسي بقراءة القران او اشتغل اي شغله او اجتمع مع اهلي او افضفض لاي شخص قريب مني حتى لو ابكي واردد بيني وبين نفسي اني اقوى من كذا واني انشاءالله فترة وبتعدي على خير وربي جربتها وارتحت

حاولي ياغاليتي واقراءي جميع المواضيع الي هنا وان شاءالله ربي يكتبلك الشفاء عاجل غير آجل

عذوووب ما ادري فديتج .... بس حاسه بخوف وما ادري يتراوالي ان رجلي اليسار منتفخه ما ادري

خايفه وايد يا ناس

ادعوا لي الله يبارك فيكم

وهالبوتاسيوم العالي ماقالو لك شنو علاجه؟

والله انك ذكرتيني ايام عذابي انا كنت اسوأ منك والله ان النفس يوقف وانا نايمه .ومدحو لي ناس مستشفى بأمريكا اسمها

(برجهام اند ومنز) في بوسطن ماخليت شي ماسويته للقلب هولتر وسونا وباالمجهود حتى النووي اللي هي (بيتا سكان )مشطو لي

شرايين القلب كلها سليمه .والله ماشفيت لا على الحجامه انصحك فيها ياقلبي بكره الاثنين 21 هجري وشوفي اذا ما طبتي واول شي تحسين خفه بالراس وبتدعين لي.وتقولين بوح قالت

ودكتور الجهاز الهضمي قال لي لا تروحي لأي نفساني لأنه لو ثبت ان عندج مرض نفسي ممكن يأثر على وظيفتج ومستقبلج

اسمحي لي اقول هذا الدكتور غلطان ..
الأدويه والعلاج النفسي راح يخليك أحسن بكثير لكن ابدئي بعلاج نفسك ورددي كلمه انا بخير ولاتخلي الوساوس تقضي عليك ... واهم شي خلي نظرتك للحياه حلوه علشان تزين أمورك..


من ناحيه القلون العصبي أنا جربته مره وحده وكنت احسبه زايده من قوه ألمه ...
العلاج النفسي راح يخففه بنسبه 90%
وراح تكون حيات كويسه

السلام عليكم أختي الكريمة....

طبعا ماعندي تعليق على قصة حبات البندول إلا إني أنصحك بالإستغفار وعدم التكرار

أما بالنسبة للأعراض التي ذكرتيها (الام الكتف الايسر والذراع اليسرى بالكامل والجهة اليسرى من الصدر ناحية القلب والرجل اليسرى)كلها عندي أنا صار لي سنتين وشهر مهلوع مرت علي أعراض كثيرة وغريبة تجي وتروح إلا هذي إذا جاءت يجي معاها الخوف والضيقة بالصدر وضيق التنفس وكأن ماني قادر أملئ صدري بالهواء أو حتى ماني قادر أسحبه من أنفي أو من الفم ضيقة غريبة أستمرت وياي ماتنقطع تخف بس ماتروح ساعات وطبعا هي عبارة عن شد أكثر منها آلام يعني الواحد يحس إن عضلاته شادة حتى لو كانت مرتخية بس يحس إن متيبس وهذا من شد العصب أنا كانت تجيني معاها رجفة وعدم قدرة على التركيز وخوف وبالنسبة للبكاء إنت بنت أنا أبو عيال عمري 39 سنة أبكي مثل الطفل أول الايام حاس بالنهاية وطول الوقت أفكر بالموت والأحلام بشعة وحتى الأحلام العادية أفسرها على أساس إنها إشارات وعلامات ماقبل الموت هذه أصعب تجربة عشتها بحياتي الله يحفضنا ويحفضكم منها ومن أمثالها ومن كل شر وللحين ماني قادر أتخلص من الوسواس سنتين ماخليت فحص ماسويته قبل 3 أيام رايح مسوي تخطيط تحت المجهود وسونار قلب وتحاليل وماكو شئ لله الحمد والمنة بس الكوليسترول مرتفع ورجعت للعلاج واليوم رجع الوسواس ورحت للطبيب قلب ثاني سويت عنده تخطيط طبعا ضغط الدم يلعب مرة عادي وملرة مرتفع سويت كل الفحوصات والطبيب يقول لي هذا من التوتر مو ضغط ويارب يكون كلامه صحيح لاني كثير أقيسه والاقيه مرتفع بس يرد ينزل بعد 10 دقائق المهم مااطول عليك هذا الشد اللي يكون في الجهة اليسرى من الجسم ساعات يجي بالجهة اليمين بس يكون أخف يعني ماتكون في ضيقة أو ضيق تنفس مثل الشد في الجهة الشمال وطبعا ثقل الرأس والأحساس أن راسي كأنه مليان هواء والأذن مسكرة وأعراض وايد ماتحضرني وخدور الرجل والتنميل الخ لاتخافين توكلي على الله وروحي لطبيب نفساني لأن اللي فيك واضح إنه توتر وقلق
وهذا إن شاء الله تطهير من الذنوب والمؤمن مصاب وأسأل الله لك ولنا ولجميع مرضى المسلمين شفاءا عاجلا لايغادر سقما وطول عمر وحسن عمل إنه ولي ذلك والقادر عليه .
تحياتي...