طمنوني الم او شد في راسي من الخلف تقريبا وقلق

طمنوني الم او شد في راسي من الخلف تقريبا وقلق

السلام عليكم

لي الان ١٤ يوم من اخذت سيروكسات حبه بعد الفطور ٢٠ ملج

اليوم زاد عندي عرض مادري كيف اوصفه لكم احس بشي في راسي من الخلف كانه ضغط او شد والله مدري لكن مو الم زي الصداع وكل شوي ادعك راسي واضغطه هالعرض مضيق صدري والقلق زايد واحس اني ابستفرغ قبل شوي وخفقان علما اني اكل حبوب لعلاج التهاب المعده ياجماعه طمنوني وش الي معي

والسيروكسات للحين ماجاب نتيجه

يالله رحمتك يالله

المصدر: نفساني

وعليكم السلام ورحمة الله وبركاته ..

اطمئن اخي الكريم ،، هذه من اعراض القلق الذي يحدث مع بداية تناول الدواء ..

وغالبا ما كون شد في الرقبة وعضلات الصدر ..

فالك العافية ،، وطهور ان شاء الله تعالى ..

فتى الأحزان معجب بهذا

اخوي متزوج سلامتك
ابي اطمنك ان هالشد اللي بالراس من الخلف ملازمني ليل نهار مع عدم توازن وسألت الدكتور قال هذا من القلق لأن اذا زاد القلق تتحسس فروة الراس وتشد اعصاب الراس فتحصل ٨الاعراض واكثر منها بعد .. لاتحاتي مافيه شي يخوف . عليك الان انك تسوي جلسة استرخاء عميق مفيده جدا جدا بحالات اللي زيك .
تلقى جلسات استرخاء كثير باليوتيوب مثال : تمرين الاسترخاء الذاتي للدكتور عبدالله الملحم .
طمنا عليك

الله يطمن بالكم ويجزاكم خير والله انه زاد علي وخفت وجاني خفقان وحسيت باستفراغ..
يجيني وساوس وخوف انه يطق فيني عرق براسي او انهبل شعور بالخوف لايوصف لهالعرض الغريب علما انه كان يجيني فترات اما اليوم صامل وشد علي قبل كتابتي للموضوع

عادي وطبيعي جدا
علم نفسك من شهر الى شهرين اي عرض تحسه طبيعي جدا
وعوًد نفسك مو اي شي تحسه وتخاف لازم تقوي نفسك

والله يابن دايم الشكوى للحي الي مايموت سبحانه والله الواحد يحصله احيانا اعراض يبي يصير له شي ويقوم يمشي ويتحرك ولايدري وين يوجه لكن الحمدلله ان لا ملجأ ولا منجى من الله الا اليه فهو الرحيم سبحانه

اسال الله في هذا الشهر المبارك وفي هذه الليله ان يمن علينا بالعافيه انه سميع مجيب

اللهم امييين

هذه أما أعراض القلق العام
أو من الآثار الجانبية للحبوب السيروكسات لأن إحتمال ماناسبك أو أعراض بداية العلاج وتزول مع الوقت لكن المشكلة متى بتزول أو بتخف ؟ وهل بتظل تعاني وهذا الوقت محسوب عليك خصوصا لو عندك إرتباطات اجتماعية او وظيفية
جرب حبوب مسكادول جيد يرخي عضلات الرقبة وفروة الرأس أو بروفين العادي

+ مساج الرأس والحمام الدافىء مفيد كذلك الأبر الصينية أو الجافة

هذي الاعراض الجسديه للقلق وتجي مع بداية الدواء حتى الجسم يصير مشدود والاذن حتى تحس انك ماتسمع زين وحراره في المعده والحلق وخفقان ...الخ عاااادي جدا انا صار لي كذا

الشد بشكل عام بالجسم او ثقل الرأس
بسبب القلق ..
تسبب لك هذه الاشياؤ

المشاركة الأصلية كتبت بواسطة قطرات الندا

اخوي متزوج سلامتك
ابي اطمنك ان هالشد اللي بالراس من الخلف ملازمني ليل نهار مع عدم توازن وسألت الدكتور قال هذا من القلق لأن اذا زاد القلق تتحسس فروة الراس وتشد اعصاب الراس فتحصل ٨الاعراض واكثر منها بعد .. لاتحاتي مافيه شي يخوف . عليك الان انك تسوي جلسة استرخاء عميق مفيده جدا جدا بحالات اللي زيك .
تلقى جلسات استرخاء كثير باليوتيوب مثال : تمرين الاسترخاء الذاتي للدكتور عبدالله الملحم .
طمنا عليك

الاعراض الجسديه اهلكتنا الله المستعان


ذهبت لطبيب في المشفى المركزي وشكوته له اعراض الجسديه في راسي وقلت له اعاني من صداع متنقل في راسي وشد في جوانب الراس وثقل اثر على تركيزي ونظري واخبرته اني عملت اشعه مقكعيه ورنين قبل فتره وجيزه قال لي اعمل رنين بالصبغه

وذهبت للطبيب العام اللي عمل لي مقطعيه ورنين عادي

قال اعملك بالصبغه اذا اتضح في الر نين العادي شي نعيد تكراره بالصبغه اما انت حالتك اصبحت نفسيه

مين نصدق الطبيب المركزي او العام

كلاهما اخصائي مخ واعصاب

هلا بك ابو مسرييب
الطبيب اللي قالك اشعه بالصبغه معاه حق واللي قال بس اشعه معاه حق قول ليه ؟ لأن لكل دكتور طريقه في التشخيص والعلاج قالك بصبغه يبي يجيك من الاخر وترتاح واللي قالك اشعه بس هو عارف اعراض الامراض الخطيره ولا يبي يدخلك بمتاهات .
على فكره الامراض الخطيره بالمخ ماتاخذ شهور وسنين لأن حسب ماقالي الدكتور الجمجمه صغيره واي تلف او ورم او مشكله تحصل بالمخ تبين على طول .
بقولك شي سويته من اربعه ايام اخذت سركويل ٢٥ مل للنوم فقط كتبه لس الدكتور والحمدلله صرت انام نومه عميقه وساعات اطول اختفى عندي الشد براسي والدوخه خفت كثير عن اول صرت متأكده ان الاعراض اللي تجيني بسبب القلق وشد الاعصاب مع اني ماكنت معصبه ولا فيني شي بس من كثر ما انا شخصيه قلقه تحولت الاعراض كلها الى جسديه .. جرب ترتاح بنومك واعمل استرخاء يمكن تحس بتغيير وترتاح ..
سلامتك

المشاركة الأصلية كتبت بواسطة قطرات الندا

هلا بك ابو مسرييب
الطبيب اللي قالك اشعه بالصبغه معاه حق واللي قال بس اشعه معاه حق قول ليه ؟ لأن لكل دكتور طريقه في التشخيص والعلاج قالك بصبغه يبي يجيك من الاخر وترتاح واللي قالك اشعه بس هو عارف اعراض الامراض الخطيره ولا يبي يدخلك بمتاهات .
على فكره الامراض الخطيره بالمخ ماتاخذ شهور وسنين لأن حسب ماقالي الدكتور الجمجمه صغيره واي تلف او ورم او مشكله تحصل بالمخ تبين على طول .
بقولك شي سويته من اربعه ايام اخذت سركويل ٢٥ مل للنوم فقط كتبه لس الدكتور والحمدلله صرت انام نومه عميقه وساعات اطول اختفى عندي الشد براسي والدوخه خفت كثير عن اول صرت متأكده ان الاعراض اللي تجيني بسبب القلق وشد الاعصاب مع اني ماكنت معصبه ولا فيني شي بس من كثر ما انا شخصيه قلقه تحولت الاعراض كلها الى جسديه .. جرب ترتاح بنومك واعمل استرخاء يمكن تحس بتغيير وترتاح ..
سلامتك

اللي قال المقطعيه والرنين تكفي طبيب مخ واعصاب اللي اراجع عنده وملفي عنده

انا بدون هلع او قلق حس اعصاب راسي متنمله او متخدره وهي اللي اثرت على تركيزي


صحيح النوم والاسترخاء يريحك ويخففها بس مايشيلها نهائي انا 3 سنوات على الوضع وكل فتره يططلع عرض جديد