اختي قطر الندى

اختي قطر الندى

بسم الله الرحمن الرحيم

بما انك عاطله عن العمل انا ممكن اعطيك دوره في برنامج المعارف
لأن هذا البرنامج مطلوب في جميع مدارس البنات سواء الحكوميه او الاهليه
إذا حبيتي قولى لأخوكِ سيف وإن شاء الله توظفين



وهذا الكلام جد مو مزح:D

المصدر: نفساني

بارك الله فيك اخي الكريم سيف الله
اتمني ان اعمل أي شى واتنمي ذالك استاذي الكريم العلم مطلوب
لكن هل تتوقع اتوظف
منذ مده وانا ابحث لكن دون جدوى


بكالوريوس مع وقف التنفيذ :1:

صراحه انا عندي 3خوات وحده بكالوريوس تاريخ والثانيه بكالوريوس احياء
والثالثه بكالوريس عربي وحالتهن مثل حالتك لكن خذو دوره في المعارف
وواحده منهن توظفت .


على فكره يكون راتب الوظيفه على المدرسات او المقصف يعني اخر حد للراتب (1500) ريال
لكن إذا انتي بالرياض اتوقع انك راح توظفين لأنهم محتاجين

وبعدين التقديم يكون لمديرة المدرسه نفسها
ثاننيا ماراح تنفعك شهادتك في هذه الوظيفه بالذات لأنها تعتمد على ادخال البيانات إلى الجهاز .



تا بعيني يا قطر الندى

اولا راح اخليكي تحملين البرنامج علشان تعرفين وتطبقين شرحي .


*******************
اقول اتصلي على المدارس وقولي لهم انك عندك دوره في برنامج معارف
هل انتم محتاجين موظفه ؟

*********************

على فكره مدة الدوره اسبوع واحد يعني البرنامج سهل بالمره

حملي البرنامج من هذا الموقع
المكتوب باللون الاخضر برنامج معارف خاص بمدارس البنات

http://www.khayma.com/mrf/mr.htm


:( ترى التحميل يأخذ وقت (اشتري بطاقة انترنت جديده):D




*******************************************

إذا حملتي وخلصتي عطيني خبر علشان نبدء الدرس الاول:cool:

الله يجزاك الجنه ويصخرلك دنيا ودين ويفتحلك خزاين السموات والارض (هذي دعوات امي لنا )
انا ماخذه دوره سكرتاريه واداره مكاتب 3 شهور
واتصدق ماخليت احد في الرياض مادوات عنده مدارس ومعاهد ومؤسسات و و و كل مكان في الرياض يطري على البال رحت له لكن الرزق على الله
عموما انا احمل الحين البرنامج والله يوفقك
وان توظفت بعد دروسك ادعيلك كل صبح اطلع لوظيفتي

اول شي الله يخلي امكم لكم إن شاء الله ويطول بعمرها على طاعته


ثانيا : ترى الراتب الاول لي

ثالثا بما انك من اهل الرياض فراح ان شاء الله تحصلين الوظيفه
لكن لازم تقولين للمديره انك عندك دورة معارف ولا تخافين لأن هذا النوع من الدورات ليس لها شهادة .



والاهم ان برنامج معارف عباره عن ادخال بيانات الطالبات ودرجاتهن
ادخال بينات المعلمات **** ادخال بينات المقصف الدراسي

اعتقد إن هذا ماله دخل بالسكرتاريه

يخوي صار لي ساعه وهو يقول 1%
كم ياخذ من الوقت علشان اخلص التحميل انا متشوقه لدروسك
من زمان مادرست

البرنامج مو سهل يعني لو وزنه

يعني راح يطول شوي

الله يعينك ....... الي يبي الوظيفة يتحمل صح ولا

معقووووووووووووووووول !!!!!!!
في حدا بالسعودية بدور على وظيفة ،، طيب ليش بيحكوا انه أسهل شي التوظيف عندكم يا قطر الندى ؟؟؟؟
ملاحظة :
بشوف المنتدى عامل متل التشات عذرا لكن ملاحظتي !!!!!!!!!!

بسم الله الرحمن الرحيم
اختي الكريمة الامال

انا شخصيا من الكارهين جدا الشات لأنه حوار متبادل بين شخصين(ذكروانثى)
وهذا الحوار يكون في قلة الادب وعموما يعتبر مثل المعاكسات وهذا محرم في الشرع.
اما حواري انا والاخت قطر الندى هو حوار علمي بحت بمعنى ليس هي الوحيدة التى تستفيد من هذا الموضوع

ثانيا هذا الحوار مفتوح لكل الاعضاء ومن يريد المشاركة اهلا وسهلا


ويا اختي هذا اسلوبنا نحن الاعضاء في الكلام نمزح احيانا



ارجو انكِ فهمتِ الامر جيدا

حملت البرنامج وسكر الجهاز علي , بعدها عدت من جديد واستمر 4 ساعات
بعدين مليت , شكل الدعوى مطوله..



أنا أقول أبدأ الدروس بدون ما أحمل البرنامج , لأني ما أبغى أحمله ..

وإذا انت موافق على الدروس بدون مأحمل البرنامج , حدد لي أوقات الحصص..
:) :)

خلاص ولا يهمك

انا الحين احمل لك الدروس لأنها عباره عن صور علشان تفهمين

ويبغى لها وقت .

شرايك ********الاثنين ************ الاربعاء***********الجمعة



ياالله مبروك مقدما للوظيفه

السلام عليكم ورحمته وبركاته
آسفة على التطفل ياسيف الله
حبيبتي قطر الندى معقولة ماتوظفتي في الرياض؟؟في الرياض مدارس أهلية محتاجه الى مدرسات تصدقين من زمااان كان في مدرسة محتاجة الى مدرسات والله نسيت اسمها أتوقع أنها في حي التخصصي أبسألك وأشوف ومايصير الا الخير
قطر الندى أكثري من الاستغفار فولله الفرج فيه ورددي هذا الدعاء:اللهم ارزقني من حيث لاتحتسب ويا اختي الله يقول(وفي السماء رزقكم وماتوعدون)
لاتشلين هم ....

أولاً: ما أدري ليش الناس مستغربين على عدم الوظيفه , وإذا أنا بالرياض خير إن شاء الله صارت مدينة الوظايف , وبعدين على العكس المناطق الأخرى هي التي فيها الوظايف , الرياض عليها كثره العاطلين...

ثانياً : خلاص يأستاذي الفاضل سيف الله , الله يصخرلك ملائكة السماء وسكان الأرض..اتفقنا , لكن أي وقت بالضبط تبي , علشان تكون الدروس على الهواء مباشره , نتذكر أيام الجامعه..
وعلى فكره تراي مأحب السؤال بالدرس الماضي ...:D
إنشاء الله على يدينك وبفضل الله ثم بفضلك أبي أحصل الحلم , الله لايخلينا من الأخوه الطيبين, جزاهم عند رب العالمين...

بما اننا لسنا في بداية السنه راح ابدء معاك في إعداد اللجان

http://www.mohtrev.com/pafile-folder...ion=file&id=33
حملي هذا ملف woordمايخذ وقت في التحميل:D



وهذا ملف مساعد (مهم جدا)

http://www.arabdevelopers.com/files/murshed/help.zip