ملاحضات عن المشاركات

ملاحضات عن المشاركات

اخواني الاعزاء الاحظ اغلب التفاعل بالمشاركات اذا في موضوع فيه جانب مرضي مثال واحد يقول انا عندي الم بلقبي واحد عنده دوخة واحد طوال اليوم مريض

يا اخواتي فكرو نحو الايجابية لان التفكير في الامراض يزيد من الطين بله شاركو في كل موضوع والتهو وضيعو وقتكم انا انصحكم لوجه الله ما ابغى اشوفكم طفشانين قلقين تفاعلو با توصل للمطلوب اللي انتو منتظرين له

المصدر: نفساني

انتو معاي والى لا

انا معاك طبعا اخوي الشاكر ...

ضروري تصير المواضيع ايجابيه عشان ننسى شوي ..

ربي يجزاك خير

انا ضدك اخوي الشاكر احنا هنا نفضفض لبعض والا وش الفايده من دخولنا هنا لو لا انا نشكي لبعض ونواسي بعض ولوكان غير كدا المنتديات الي تختص بالوناسه واجد بس احنا وناستنا انا نفضفض لبعض وسلامتك والشخص الي مايبي لايقرا يااخي فيه منتديات مليانه ناس ونسين وفرفوشين

خخخخ اخوي عنوان الهم معصب اليوووم الله يستر :)

انا قصدي انسى همك شوية لا تظل عليه طول اليوم وانت مضيع وقتك فيه

صح صح صح ...

بعدين اخوي عنوان هذا مو اسلوب انك تقول اللي مو عاجبه لا يقرا ...احنا اخوان وفاهمين بعضنا من ناحية المرض ....محتاجين ساعات نكون فيها هادين ومستانسين ... ونبي الكل يستانس ...ليش ادخل منتدى الناس اللي فيه مو محتاجين للوناسه والروقان ...بالعكس هالمنتدى اللي محتاج للضحك والفرفشه ...

مع احترامي لك :)

الله عليك يا ممكن ارجع يا اخي انت اللي فاهمني

عندك حق اخي شاكر لازم نشغل وقتنا بشيء مفيد و مشاركات ندور لانفسنا على حل لكن ما يخالف اذا فضفض الواحد عن نفسو شوي لانو المريض بصراحة محتاج لانسان يواسيه و لما يلاقي اناس ثانيين عندهم نفس المرض او المعاناة بيخف عليه و ما يلاقي نفسو هو المريض الوحيد بالعالم

كلام سليم واتفق معاك واللي يبغا يفضفض يتفضل

ومستحيل يكون للناس كلها مزاج واحد

يعني واحد داخل مبسوط والثاني يستفسر واللي يبغى يفضفض

لاحد يفرض على الثاني شي كل واحد وظروفه

المشاركة الأصلية كتبت بواسطة ممكن ارجع

خخخخ اخوي عنوان الهم معصب اليوووم الله يستر :)

هلا وغلا يالله حيه والله ياخوي ماني معصب بس اليوم جاي والنوبه عندي توب مرره واصله حدها وادور احد اشكي له تفاجات بالموضوع وعبرت عن رايي بس وعموما انا اسف اذا غلطت بشي

حلو الواحد يفضفض ويجد احد يفهمه

لكن كثره التألم ماتجيب الا ألم وان شاء الله كل الأعضاء الي هنا يسعو بالعلاج
يعني مو مستسلمين

اسأل الله للجميع الشفاء

المشاركة الأصلية كتبت بواسطة أمورة نفساني

حلو الواحد يفضفض ويجد احد يفهمه

لكن كثره التألم ماتجيب الا ألم وان شاء الله كل الأعضاء الي هنا يسعو بالعلاج
يعني مو مستسلمين

اسأل الله للجميع الشفاء

هلا اموره كيفك انشالله تمام

-- ان شاء الله كل الأعضاء الي هنا يسعو بالعلاج
يعني مو مستسلمين ؟؟؟؟؟؟

الا انا والله استسلمت وفقدت الامل اكثر من عشر سنوات لفيت الدنيا مافي فايده الا ان ربك راد والله كريم بس انا استسلمت وفقدت الامل :frown::frown::frown:

لا يا عنوان الهم لا تقول هذا الكلام ...ان شاء الله قريب راح تتشافى ...حاول تبذل الاسباب ...

وبعدين انت ما غلطت عشان تتأسف...وما تشوف شر يا خوي ...هالنوبات مو مخليه احد فحاله ...

بس ربك اقوى منها ان شاء الله ..

الله كريم اقسم بالله دمرة حياتي هالنوبات انا ترا متزوج وعندي اطفال والله احس اني ضيعتهم معاي بسبت هالنوبات وهالمرض حسبي الله ونعم الوكيل