هل ما حصل معي هو نوبة هلع؟؟

هل ما حصل معي هو نوبة هلع؟؟

لا ادري هل ما حصل معي هو نوبة هلع؟ الحمدلله الان انا احسن ولكن احسن اشعر بالم في المعدة مع دوخة....اعيد نشر قصتي لا ادري هل ما حصل هو نوبة هلع؟؟؟

انا عمري 28 سنة مغترب في الامارات من اكثر من اربع سنوات ما رحت طبيب في حياتي كل تلك الفترة حتى جاءت تلك اللحظة واستمرت الحالة اكتر من شهر ونصف والحمدلله اشعر بتحسن الان ...
اول ايام عيد الفطر الماضي قضيت اليوم مع الاصدقاء تدخين وشيشة واحاديث وانا من داخلي قلق ومكتئب "بدون اي أعراض مرضية" صحيح كنت عم اضحك مع اصدقائي ولكن من داخلي محترق وعندي من الضغوط النفسية الكثير...ورجعت الي البيت في اول ايام العيد لانام وكان معي صديقي ليبقى عندي اللليلة ..حوالي الساعة 3 صباحا نمت ومابتذكر اني كنت عم عاني من اي وجع او اي مشكلة بس بتذكر اني اخر كم ساعة قبل النوم ماكانت قادر ادخن بس مابعرف ليش... واذا بعد حوالي 45 دقيقة من النوم بقوم مرعوب وبحط ايدي على جهة اليسار "القلب" وبشعر انه قلبي وقف ..وقفت على رجليي وفتحت باب الغرفة وصديقي قام من النوم متفاجئ ومصعوق ..وقفت لثواني بعدين وقعت على الارض بدون ان افقد الوعي ابدا بعدا شربت مي ورجعت وكأني مافيني شي..بس عم ارجف من الخوف وقلبي عم يرجف..رجعت لانام صديقي ما سمحلي الا بدو نروح المشفى..المهم رحنا المشفى وبعد ما سألوني عن اللي صار معي قلي الطبيب العام المناوب لازم نعمليك تخطيط للقلب..المهم خططلي القلب قلي عندك ضربات القلب غير منتظمة ولازم نحولك غرفة العناية المركزة!!! هون زاد الخوف عندي وصرت ارجف بزيادة...وبيرجع الطبيب وبقلي تأمينك الصحي مابغطي بقاءك بالمشفى لازم تروح عمشفى تاني عمسؤوليتك او تدفع مبلغ 5000 درهم وديعة ومندخلك العناية المركزية ..قلتله بروح مشفى تاني خلاني وقع ورقة خروج على مسؤوليتي على اني معرض للاصابة بجلطة دماغية باي لحظة!!!
ذهبنا الى مشفى ثاني دخلت الطوارئ واجري لي تخطيط القلب وكان سليما ولكن بقيت حتى الصباح تقريبا الساعة 7 بعدا اخدت موعد عند طبيب القلبية لاعود بعد الظهر...رجعت البيت وانا خائف حاولت انام ولم اقدر بعدا رحت طبيب القلبية عند الظهر ليقوم بعمل فحص ايكو للقلب وكان سليما وتخطيط القلب كان سليما مع وجود بعد الضربات غير المنتظة وليخبرني الطبيب ان ماحصل معي اسمه الذبذبة الاذينية Atrial fibrillation وان الموضوع ليس خطيرا ابدا ولكن عليي اجراء فحص CT Scan للقلب ...واعطاني اسبيرين مع دواء لتنظيم ضربات القلب...بعد كم يوم عملت CT Scan للقلب وكانت النتيجة ان القلب سليم تماما..قلي الطبيب لابقا ترجع لعندي روح العب رياضة عيش حياتك قلبك سليم ولا بقا ترجع لعندي!!!
ولكن معاناتي مازالت مستمرة ...عدم راحة في البطن (الم في اعلى البطن من اليسار) مع دوخة وعدم تركيز تنميل وحرقة في اجزاء من الجسم والرأس والرقبة وتعب عام وضيق نفس مع الم الصدر ..رحت عند طبيب قلبية ثان في مشفى ثاني وقلي نفس الكلام وقلي بس العب رياضة ولا تفكر بللي حصل معاك...وقتا قررت اذهب لجراح الاعصاب واسأله عن التنميل والدوخة المستمرة عندي...اول مارحت لعنده قلي لازم تعمل رنين مغنطيسي للرأس وزاد توتري لان لازم انتظر اسبوع ...ذهبت وعملت الرنين وكانت النتيجة ان الدماغ سليم تماما وعندي التهاب بالجيوب الانفية رحت الطبيب ENT كمان طلب صور اشعة عملتها وقلي بدك عملية لتنظيف الجيوب الانفية وتظبيط الانحرف الوتري ومابعرف شو طبعا انا مو بوضع ابدا بيسمحلي اني اعمل عملية لهيك موضوع "سخيف" بالنسبة للامور الثانية لي انا متخوف منها...
ورغم كل نتائج الفحوص السليمة مازلت اشعر بالتعب وعدم الراحة في البطن والدوخة واحيانا اشعر بنبض في رجلي او في ذراعي في كثير من الاحيان ولا اعرف السبب..ومايزيد توتري بحثي الدائم والمستمر عن اعراض مرضي في كل المواقع العربية والاجنبية واضطراب المعلومات...لا استطيع ان اكمل ساعات عملي في كل يوم اشعر بالتعب والضيق والم البطن... اصبت بالاحباط خاصة اني فعلت كل ما استطيع التزمت دينيا وتركت التدخين تماما واحاول ان امارس الرياضة بانتظام ولكن مازالت حالتي غير مستقرة...
ذهبت مؤخرا الى طبيب الباطنية-لجهاز الهضمي لاعمل تحاليل شاملة للدم والبراز وكانت النتيجة سليمة تماما فقلي الطبيب لازم اعمل منظار للقولون للاطمئنان وعملت المنظار وكانت النتيجة ان القولون سليم تماما ولا توجد اي مشكلة ...
اخيرا وصلت لقناعة ان ما حصل ومازال احيانا يحصل معي من الام واحاسيس غير مألوفة في الجسم هو فقط بسبب حالة القلق والتوتر التي اعيشها ولا علاقة لها بأي حالة مرضية ...الموضوع صعب تصديقه انه شو علاقة التنميل والحرقة والم الصدر وضيق النفس والدوخة بحالة التوتر!!! لا اعلم ولكن هذا بالفعل ما حصل معي...والافضل ان لا اذهب الى طبيب بعد الان والادوية لها من الاثار الجانبية اكثر من فوائدها ...

المصدر: نفساني

بس هوآ فعـلآ دي كولهـآ من آثـآرالتوتر
بالاضافه الى خفقان القلب وبرودة الاطراف والصداع والمغص آعزك الله
والام المعده وعند البعض الام الرقبه والايدي والارجل
حـآول تمارس الرياضه وتسوي تمارين الاسترخاء جدآ مفيدهه
قدآم العـآفيه يــآإأرب

السلام عليكم ورحمة الله وبركاته


اخي في الله كل اللي حصل معك وعم يحصل كلها بسبب التوتر وتحولت لنوبات هلع من زيادة القلق والسبب انك لم تصل الى نتيجه مقنعه لما يحصل معك !!!!!! والاسئله التي في عقلك لايوجد لها اجابات مقنعه

اتمنى ان تعمل اختبار لجرثومة المعده وديدان البطن ،،،، باسرع وقت ممكن .

وان شاء الله بتحصل على اجابات لجميع مايدور في عقلك من اسئله ومن ضمنها اسباب مرضك وحساسك بحالة القلق والتوتر الحاد.


هذا والله اعلم

شكرا على الرد. نعم قمت بعمل تحليل جرثومة المعدة تلات مرات والنتيجة سليمة اكد الدكتور لي انه الموضوع نفسي وليس جسدي

المسأله نفسيه الاعصاب عندك متوتره , ابتعد عن الشيشه واخواتها للابد و حاول تطنش الاعراض و كون مقتنع انها نفسيه وباذن الله راح تكون مرتاح