|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
21-03-2004, 05:22 PM
|
#1 | ||||
|
عضو جديد
|
أختي هي مشكلتي..(((ساعدوني بسرعه تكفون الوضع مايتحمل تأخير))
بسم الله الرحمن الرحيم
السلام عليكم ورحمه الله وبركاته اولا:: ارجوا ان اجد الحل لمشكلتي بأسرع وقت ممكن ... مشكلتي تكمن في اختي اختي تبلغ من العمر 20 انقل 21 قبل ان تدخل الكليه كانت اختي بنت عاقله متزنه..نفسيتها مرحه اجتماعيه باره بوالديها وبعد دخلو الكليه تغير اختي 180 درجه فاصبحت اخت لا اعرفها صارت نفسيتها كئيبه..عصبيه..سريعه الغصب لاي سبب تافه حتى على والديها وبحكم قرابتي في السن منها..فانا الاقرب لها فانا ابلغ من العمر 18 وكم شهر ..فاكتشفت ان سبب تغيرها المفاجيء الانترنت ورفيقات الكليه..ولن اقول صديقات لانهن لايستحقن الصداقه اولا جميع رافيقاتها يتحدثون بالهاتف مع شباب((مغازل )) ليس بحث عن الحب او الزواج لا با تسليه ..وبحث عن بطاقات جوال وهم يعرفون ان من يحادثونه مستحيل ان يفكر بالزواج منها لان من خانت اهلها اليوم..... تخون زوجها غدا ......فهذا شعار الشباب((معهم حق صراحه))طبعا كل هذا من ورى اهلهم المهم نأتي للعامل الثاني وهو الانترنت ..منتديات....مشاركه بالمنتديات...رسائل خاصه...شات...ايملات ...ماسنجر.. جوال((وهنا المشكله)) طبعا اختي ماسنجرها ملياااااان شباب تكلم هذا وتحادث هذا وتسولف مع هذا انا هنا ماقلت شيء لاني انا مثلها؟؟ بتقلون ليه اجل تهاوشينها انا بقول لكم انا ادخل شات وفيه شباب بماسنجري ولكن ولله الحمد لم يتطور الامر فأنا ادخل بحث عن المزح وخبال هواش وتنكيت ولكن ولله الحمد انا تركت الشات لي اكثر من سنه وحذفت الشباب من ماسنجري لاني مابي اخون ثقه اهلى كذا احسن واجد واريح ((عذرا على تغير اللهجه)) المهم المشكله تقع في شخصيه الانسان انا شخصيتي عقلانيه جدا مع اني اصغر منها انا واقعيه وعمليه ما اعترف بالحب والمشاعر والاحاسيس الرومانسيه ولا اطيقها اصلا انا شخصيتي تقارب الاطفال ((لعب..افلام كرتون...مزح.. لعب بالحوش وغيره)) ولكن اختي شخصيتها حساسه جدا ورومانسيه لابعد حد نرجع للمشكله انا اكتشفت ان اختي صارت تكلم شاب نصحتها حاولت التقرب منها مره تقول اصلا انتي جلفه ماعندك قلب انتي تخوفين ..مافيك انوثه عمليه مره((ابرك لي اذا هذي الانوثه اللي تعرفونها)) المهم مره تقول ايه صح انا اللي اسويه غلط ادري والله خلاص اوعدك طبعا انا استانس وافرح مصدقتها لكن انا اشوف الامر تطور لدرجه انها تنتقل من شاب لاخر وانا انصحها بس مافيه اي نتيجه مره تقول مسكين فلان..فيه ربو..فيه سكر.....عنده مشكله وخرابيط يعني هي تتأثر وتصدق غيري تمام واتحدى من هاللي تكلمهم يجي يخطبها بس اتحداااااااااااااااااااه المهم بالاخير انا اطلع صح والشباب اللي تكلمهم يصيرون خونه ومايستاهلون شيء عذرا ياشباب طبعا فيه شباب مشاء الله ونعم فيهم ..وفيه شباب الله يخلف على اهلهم ويهديهم المهم اخر شاب حادثته تهاوشت هي وياه وقال اصلا انتي تخسين تصيرين اختي طبعا كلمه قويه ..بس اخته صارت اخس من اختي وهي توها عمرها 12 المهم اختي انقهرت وخلته وخرابيط المهم قلت لها شفتي كلهم كذا خلاص وصلتي الرقم القياسي يكفي والله قالت ايه صح المهم هالايام انا بديت اشك فيها واللي اثبت لي اني مره قمت من النوم وسمعتها تكلم تقول ياعمري ..واشتقت لك..وخرابيط مالها داعي والله بغيت اقوم واذبحها بس زين اني مسكت عمري انا والله مدري وشو اسوي اعلم امي وابوي بينصدمون اخاف يموتون علينا وحنا مانستغني عنهم الله يخلهم لنا وللمعلوميه اهلى مربينا ونعم التربيه وماعطونا الثقه مره لدرجه ان دشنا مشفرينه كله حتى قنوات دول الخليج محذوفه يعني فيه مراقبه ,,ونفس الوقت فيه ثقه بس الظاهر محد يستاهلها المهم اعلم اهلى..مهوب متوقعين ان بنتهم الكبيره تسوي كذا بينصدمون اخاف يجيهم شيء وانا صراحه ابي اهلي الله لايخلينا ..اخواني محتاجين لهم الله يخليهم لنا ويشفون احفادهم يارب ولا لو تحمل ابوي بيصفقها وبيذبحها وبيفصل النت وياخذ جوالها وبيطلعها من الكليه واخاف يسون فيني نفس الشيء يعني انا وش ذنبي لو فصلوني من الجامعه اخواني وش ذنبهم حنا ندخل النت نقر قصص نكلم قريباتنا بس النت ماعلى منه بقرررررررريح بس يمكن يفصلونا كلنا من المدارس صح ولالا؟؟ وش نسوي ساعدوني والله انا بحاله مايعلم بها الا الله والله انا ماعلى يسون اللي يسون حتى لو يفصلوني مهوب احسن من اها تنزل راسنا بالارض ونصير على كل لسان ونقعد انا وخواتي في كبد اهلى محد يبينا يمكن تقلون اني انانيه وماهمتني اختي بالعكس انا احبها واموت فيها ابيها ترجع مثل اووووول والله كل شوي ادعى ان الله يحيمها ويعقلها ويستر عليها بس صراحه اختي انانيه مافكرت باهلها اذا دروا مافكرت بخواتها بكره يقعدون في كبد اهلهم مافكرت باللي خلقها قاعد يشفوها .. وين الايمان والخوف من الله انا صراحه بديت احقد عليها بديت احس بكراهيه تجاها احس انها ماتستاهل ثقه اهلى ولا لو احد يحب اهله بيسوي كذا والله انها تستاهل عصى وكف على وجهها يرجعها لرشدها يمكن تقلون اني حاقده عليها واخوف بس والله من زود خووووفي عليها وحرصي عليها ارجوكم ابي الحل بسرررررررررررررررررعه ساعدوووووووووووووووووني انا في حاله مايعلم بها الا الله تكفون ابي الحل قبل مايوقع الفاس بالراس ودمتم لنا ملاحظه.... اللي يدري عن الموضوع انا واختي اللي اصغر مني وبنت خالتى اللي كبر اختي يعني عمرها 21 نصحناها بس مافيه فايده وش اسوووووووووووي من اعلم؟؟؟؟ معليه انا ماعرفت وين اكتب الموضوع بس ان شاء الله اجد حل عندكم  ::5::5
المصدر: نفساني
|
||||
|
|
|
21-03-2004, 09:50 PM
|
#2 | |
|
عضـو مُـبـدع
|
لا أرى من مبرر لذكر ذلك للوالدين. عليك بكسب ثقتها ومحاولة كسبها كصديقة بحيث تبوح لك بما في داخلها...ثم حاولي نصحها تدريجيا بعد ذلك. الله يوفقكم.
|
|
|
|
|
05-04-2004, 03:36 AM
|
#3 | |
|
عضو جديد
|
الى الاخت ســـــــــراب الليل
السلام عليكم ورحمة الله وبركاته
الى الاخت ســـــــــراب الليل ارى ان مشكلة اختك لا تحتمل التأخير بامكانك تهديدها بانك ستخبرين ابوك او اخوك او من تخافه وتخجل منه اكثر وانك تعلمين عواقب فعلك من حرمان الجميع من الجوال والنت وغيرها مما تحب وانك مستعدة للتضحيه بكل ذلك حتى لا يحدث مالا تحمد عقباه مما هو معلوم وحتى لا تلطخ سمعتها وسمعة العائله بسبب نزوة طائشه وراقبيها من بعيد لانها قد تتخفى بما تقوم به فان حدث ذلك فارى ان تستخيري الله وتخبري امك اولا او من ترين فيه الاتزان من اخوتك حتى يتصرف بعقلانيه معها . |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
