رايكم بجلسات العلاج السلوكيه

رايكم بجلسات العلاج السلوكيه

السلام علييكم

كيفكم ؟؟؟؟؟؟؟؟؟؟

بغيت استفسر عن الجلسات السلوكيه
هل هي نفسها التنويم الايحائي ام غير عنها ؟؟
قبل انا جربت جلسه تنويم ايحائي من كم سنه
وطلعت مرتاح وواثق من نفسي بشكل مفرح
بس ماواظبت عليها بس جلسه وما كملت
انا حاليا محتاج اي شي يساعدني عالاقل اقضي وقتي
والاقي ناس واصدقاء اتعرف عليهم
لاني مليت دايم وحيد دايم مكتئب صح حاليا ما فيه اكتئاب الحمدلله
بس اشعر بوحده فضيعه من اصحى لما انام وانا مقابل الانترنت مليت
ابي شي اشغل فراغي فيه ابي ناس اجلس معاها اسولف معاها
انا ودي اتعرف على ناس جدد لكن الخوف هو اللي مانعني
وملاحظ فيه ناس ودها تتعرف علي لكن حيائي مو معطي اي مجال
واحس اني لما اجلس ويا احد جديد
يبين علي الخوف ولا اسولف كأني غاص بعظم
واحس الناس ماتاخذ راحتها وياي من تصرفاتي
وتحس انه في شي غريب ومو طبيعي
ويبين علي ماعرف اعبر عن اللي في داخلي
ودي اعبر عن رأيي واتكلم بمنتهى الحريه بدون خوف
فحبيت اعرف ارائكم للي جربووها هل تنصحوني بالجلسات
ولا من الاخير نهب فلوس عالفاضي ؟؟؟؟؟؟
واللي من الكويت تنصحوني في اي عياده ؟؟؟

المصدر: نفساني

توكل على االله

خطوه ممتازه جدا وناجحه وانا جربتها

باذن الله راح تشوف الفرق بس استمر على الجلسات لاتنسى لاتقطعها

والله يعافيك يارب

اذهب للمساجد وتعرف على شباب جدد
الرياضة مفيدة للنفس فكن رياضيا ممكن يروح التوتر بالرياضة
مارس الأعمال التي تحسن المزاج

أنصحك بعدم الذهاب إلى أي من الاخصائين النفسيين اللي في الكويت انا جربت الكثير منهم كلهم ماعندهم سالفة رحت مرة لأخصائي وقالي 3 أشهر وكل أسبوع جلستين انا قلت واجد وبعد 4 أسابيع الرجال مادري سيقول لي كله تفاهات وسحب فلوس على الفاضي وغير ذلك أنا رحت للدكتور إبراهيم العلي وهو بروفسور وأقدم أخصائي بالكويت الرجل يقول ماعندي شي والتنويم ماله معنى مع أن معاه شهادة ممارسة تنويم من كامبردج المهم أن الرجل كافر بعلم النفس بشكل كامل لأنه يقول حاول تغير من نفسك
طبعا انت تسأل عن العلاج والعلاج انشالله موجود بس مو عند الشتيلية هذول العلاج من نفسك واترك عنك تدريب الاسترخاء والخرابيط اللي اصلا غبر معتمدة في مجال العلم
وللحديث بقية

المشاركة الأصلية كتبت بواسطة محمدوووبس

توكل على االله

خطوه ممتازه جدا وناجحه وانا جربتها

باذن الله راح تشوف الفرق بس استمر على الجلسات لاتنسى لاتقطعها

والله يعافيك يارب

طيب انت استفدت منها ؟
وكم نسبة شفاءك وشعورك للافضل منها ؟
وشاكر لك

المشاركة الأصلية كتبت بواسطة لن أهزم أبدا

اذهب للمساجد وتعرف على شباب جدد
الرياضة مفيدة للنفس فكن رياضيا ممكن يروح التوتر بالرياضة
مارس الأعمال التي تحسن المزاج

صحيح اخ لن اهزم
انا جربت الرياضه فعلا تحسن المزاج
انا ناوي الفتره هذي اسجل بنادي
وشكرا

المشاركة الأصلية كتبت بواسطة المريض النفسي

أنصحك بعدم الذهاب إلى أي من الاخصائين النفسيين اللي في الكويت انا جربت الكثير منهم كلهم ماعندهم سالفة رحت مرة لأخصائي وقالي 3 أشهر وكل أسبوع جلستين انا قلت واجد وبعد 4 أسابيع الرجال مادري سيقول لي كله تفاهات وسحب فلوس على الفاضي وغير ذلك أنا رحت للدكتور إبراهيم العلي وهو بروفسور وأقدم أخصائي بالكويت الرجل يقول ماعندي شي والتنويم ماله معنى مع أن معاه شهادة ممارسة تنويم من كامبردج المهم أن الرجل كافر بعلم النفس بشكل كامل لأنه يقول حاول تغير من نفسك
طبعا انت تسأل عن العلاج والعلاج انشالله موجود بس مو عند الشتيلية هذول العلاج من نفسك واترك عنك تدريب الاسترخاء والخرابيط اللي اصلا غبر معتمدة في مجال العلم
وللحديث بقية

اممم والله مادري ياخوي فيه ناس تقول الجلسات العلاجيه لها مفعول اكثر من الادويه
وانا لي تجربه بالتنويم الايحائي جلسه 1 فقط لكن خلتني احس بشعور حلو
انا جربت الادويه كذا دواء منها (سيروكسات , سبرالكس , برستيك , ايفكسور..)
افضلهم حسيته برستيك لانه اقل من ناحية الاعراض الجانبيه
وسيروكسات ايضا كان جيد لكن اعراضه كرهتني فيه
والادويه بشكل عام احس انها ما فادتني مجرد انها تخدرك عن العالم الواقعي وتخليك مرتاح
بس ماتشفيك 100%
وشكراااا

هلا اخوي
السلوكي حوالي 20 جلسه
سويتها
روووعه وارتحت نعم بكثير ولله الحمد من فضل ربي

هلا

سجل بصاله رياضيه

اولا معاك ناس وهذا اختلاط ..
ثانيا لو عرقت او صادك احمرار محد بيلاحظ ..