دكتور عظــام !!!!!

دكتور عظــام !!!!!

واحد وقع على كوعة ، فكوعة وجعه ، راح لاقرب دكتور ، وهو داخل العيادة طلبت منه الممرضة عينة بول !
قال المريض : عينة بول ليه ؟ انا كوعي مخلوع !
قالت له الممرضة : ده النظام عندنا لازم ناخد منك عينة بول
قال المريض : امرى لله خدى اللي أنتى عايزاه !

بعد عشر دقائق دخل المريض للدكتور ، قابله الدكتور وهو مبتسم وقال له : واضح أن كوعك مخبوط جامد لس ماتقلقش هو مش مخلوع .
قال المريض : أنت عرفت منين أن كوعي مش مخلوع .. اكيد الممرضة قالت لك .
قال الدكتور : لا ابدا ، انا عرفت من تحليل البول بتاعك ، اصل انا عندي جهاز جديد لتحليل البول ومن خلاله بنعرف منه كل حاجة عن حالتك الصحية ، على العموم انا هاكتب لك على مرهم ادهن منه يوميا واشوفك بعد أسبوع ، بس ماتنساش تجيب معاك عينة بول وأنت جاي !!

راح المريض بيته وحكى لعياله على اللي حصل عند الدكتور وقعدوا يضحكوا على حركات النصب بتاع الدكاترة ، وبعد أسبوع كوعة خف فعلا ، لكن ابنه اقترح عليه انه يعمل مقلب في الدكتور ويكشف حركات النصب بتاعته .. وبالفعل وهو رايح للدكتور اخد عينة من بوله وعينة من ابنه وعينة من بنته وحط عليهم شوية زيت من زيت السيارة بتاعته وقلبهم على بعض وقال خلينا نشوف النصاب ده هيقول ايه ؟؟ المهم راح للدكتور وقدم العينة اللي معاه للمرضة وبعد ساعة دخل للدكتور ... شاف الدكتور عرقان وبيطلع من الجهاز ورقة كبيرة وماسك القلم وقاعد يحسب .. بص المريض للدكتور وقاله ها ياترى لقيت ايه المرة دي ؟؟
قال الدكتور : واضح أن كوعك خف خلاص بس في شوية نتائج غريبة جدا ... ابنك مدمن هيروين وبنتك حامل وموتور سيارتك محتاج إصلاح .

المصدر: نفساني

حلللللللللللللللللللوه بس 00000000000لو ان القصه مختصره في10 سطور ان كان كل الناس تقراها