وسواس جديد

وسواس جديد

السلام عليكم ورحمة الله
انا سبق وكتبت لكم عن انه تجيني رجفة اذا جلست بدون اكل فترة
ولكن المشكلة انه صار معي وسواس بسبب هذي الحالة يعني اذا جلست 3ساعات او اربع بدون اكل يجيني خوف شديد انه تجيني الحالة ويغمى علي لدرجة اشعر بتعرق من شدة الخوف واصبحت افكر في هذا الموضوع ولا استطيع الخروج من المنزل الا واكلي معي
احد مر عليه هذا الوسواس

المصدر: نفساني

حاولي تاكلين اشياء خفيفة وصغري الوسواس في نظرك يعني قولي له عادي كل ثلاث ساعات راح اكل اشياء خفيفة وانحلت مشكلتي يعني خلي شي عادي ولاتحاولين دايم تفكرين انا فيني شي ليش انا كذا اكيد اذا مااكلت بيغمى علي لاااا خلي بدالها وقولي لنفسك حلو اني اكل وجبات خفيفة كل فترة وانا كذا مرتاحة ونصيحتي اشغلي نفسك كثييير من اول ماتقومين منالنوم جيبي نوتة وقلم وسوي اهداف يومية عشر اهداف او اقل حدديها انتي بنفسك حسب الاولولية

بعطيك مثال

1- احفظ اليوم ثلاث ايات جديدة واقرأ تفسيرها
2- اقرأ عشر صفحات من كتاب من اختياري
3 - بعمل حمام زيت لشعري
4- اكلم صديقة لي
5- رياضة ساعة


وكذا وكل يوم التزمي باهداف ولازم تحققينها ومع الوقت زيدي اهدافك وبعد فترة تقدرين تخلين الاهداف اكبر يعني تحتاجين لايام لتحقيقها مو يوم




وكمان قبل كل شي سوي تحاليل شاملة علشان تتطمنين انه مافي شي عضوي وكل شي له علاج بامر الله

المشاركة الأصلية كتبت بواسطة العتيبية

السلام عليكم ورحمة الله
انا سبق وكتبت لكم عن انه تجيني رجفة اذا جلست بدون اكل فترة
ولكن المشكلة انه صار معي وسواس بسبب هذي الحالة يعني اذا جلست 3ساعات او اربع بدون اكل يجيني خوف شديد انه تجيني الحالة ويغمى علي لدرجة اشعر بتعرق من شدة الخوف واصبحت افكر في هذا الموضوع ولا استطيع الخروج من المنزل الا واكلي معي
احد مر عليه هذا الوسواس

حالتك نفس حالتي بالضبط 100% اذا جلست 5 او 6 ساعات بدون اكل احس جسمي يصير كله مكسر وتعبان ويرتجف وحالة اكتئاب وخوف وقلق..
بس لا تخافين تراها طبيعية وهي اما تكون بسبب التهاب المعدة او عندك اكتئاب شديد بس اهم شي لا تخلين معدتك تكون فاضية اكثر من 6 ساعات عشان ما تجي الحالة وانا رمضان اللي فات واللي قبله كله ما صمته بسبب هذي الحال واذا جلست اكثر من 10 ساعات ما اكلت شي اتقيأ مادة حمضية صفراء من معدتي والله يعين..

وانصحك روحي مركز صحي وسوي تحليل براز يمكن يطلع عندك انتانات او شي زي كذا

سبق وجتني هالحاله كأنه ينزل عندي السكر وصرت ماأطلع الا واكلي معي بالسيارة

واخاف منها مرررة ...وسببها القولون لان عدو القولون الجوع ...لا تجوعين ابد خذي وجبات خفيفه كل ثلاث ساعات

فالك العافيه يابنت العم 😍❤

صارتلي مره قبل شهر تقريبا كنت في الجامعه ومااكلت شي يمكن لاربع ساعات
وجتني هذي الحاله اول مره رجفه وخووف شديد واحس بيغمى علي رحت للممرضه قالتلي
سكرك كثير نازل واكلت وتعدل ومن بعدها بداا الوسواس هههههه
ان فيني سكر وان فيني مرض وصرت نفسك اغصب نفسي على الاكل من بعد هذي السالفه عشان
ماترجعلي الحاله بس تبين الحل اقري الاذكار قبل لاتطلعين بنية ان مايصيرلك شي ان شاءالله
والله انا يوم جتني الرجفه ماكنت قاريه الاذكار وولا انك تغصبين نفسك على اكل تجاهليه لايزيد

تأتيك الرجفة بعض الأحيان بنفس الوقت

أي بمعنى عندما تأتي الرجفة تقومي تأكلي أي شيء حتى تذهب هذة الرجفة

هي ليست مربوطه كذلك بهذا الأمر ولكنها مرسوخة بعقلك

وماهو عليك هو عدم التخبط والخوف مراقبتها وسوف تكتشفين بأنها عبارة عن دقائق معدودة وسوف تنزول دون أي أعراض