منكسربي شي لكني بخير😞

منكسربي شي لكني بخير😞

تدرون وش اتمنى

اتمنى اصير بدون مشاعرر

ابي اتبلدد

مابي اتضايق
ولا انجرح من احد

مابي احتاج لاحد

ابي اكون قاسيه

وابي اكتفي بنفسي


كتبت هالكلمات وانا متضايقه

الله يزينها بس



دعواتكم

المصدر: نفساني

والله انتي في نعمة احمدي الله عليها تبلد المشاعر معي والله يجيك الصمرقع ما مافيه مشاعر كنك جدار..... كتبه جنرال الدواسر

اريح لك يالبدراني

والله انه احسن لك يالبدراني
احسن من تأنيب الضمير طول اليووم
الله يفرجها

لا والله مب احسن انا جربت الثنتين والله ماحس بالقران احسه كلام عادي والصلاة والصوم والعبادات احسها رياضة حتى اني بديت اشك في الدين تحسبون التبلد شي سهل ما فيه احلى من الدموع تسغل الروح

انا ودي اتبلد مع اني احيان احس اني بليده ومتوفيه بعد
بس طبيعتي حساسه. ماحب الاهمال
وادقق ع كل شي
وانتقد كل شي


مدري مشتته ماني عارفه حتى اكتب


بس ابي اكون بدون مشاعر. لان هالزمن اللي بمشاعر م يعيش


يعني كل ماحس اني بديت اتحسن واتناسى الهم
يجي ادمي ويجرحني بموقف او كلمة اوتصرف


وانتكس

وارجع لكابتي

وانا بعد اتمنى تبلد المشاعر اتمنى ان كل شي يمضي وما يأثر فيني اتمنى وانا بدون احساس اروح واجي عادي مافي شي تغير لكن يظل قلبي حساس واضغط ع نفسي والقى من الالم النفسي الكثير وخاصه هالزمن لابد له قلوب قاسيه لكي تقدر تعيش فيه وتتجاوز الايام لتستمر الحياة بلا هم وتفكير ..
وارجع اقول الحمدلله ع كل حال

السلام عليكم ورحمة الله وبركاته

لا تتعبين نفسك يا اختي بالموال هذا ... هذي شخصيتك اللي جبلتي عليها وهي من أجمل وأفضل الشخصيات الإنسانية .. اللي عليك هو انك تتقبلين هالشيء وتعرفين انك لو تقمصتي شخصية ماهي شخصيتك راح تتعبين بالحياة أكثر وراح تكونين أضعف

دائماً الأفضل لك إن تفكيرك يكون بعيد ... بمعنى اهدافك ابعد من الغير .. وهي رضى الله ورضى نفسك

الرضا الذاتي ينطلق من حبك لنفسك وانك ماشية صح حتى لو ان الغير ماهو مقدر اللي تقدمينه من اهتمام وبذل ... بالعكس هالشيء المفروض يخليك ترأفين بالطرف المقابل إذا كان شخصية أنانية او لا مبالية او غبية ماتستطيع انها تتفهم الواقع وتقرأ الأحداث وتتعاطف وتبذل مثلك

الشخصيات هذي ولو انك تشوفين انها مريحه دماغها الا انها ماهي مهيئة لفعل الخير مثلك .. ولاهي محصنة عن الإضرار بالناس ومشاعرهم مثلك ... ولذلك متى ما كانت نظرتك اوسع وأبعد كنتي أسعد


بمعنى انك أفضل وانتي عارفة هالشيء وأيضاً اللي حواليك عارفين هالشيء حتى ولو البعض ما يعترف ... وكل ما كان الحلم و الصبر موجود وتفهمتي نفسك وشخصيات الناس حولك كل ما قلت توقعاتك منهم وصار تفكيرك أكبر وأوسع من نظرة الناس الثانية للحياة


وكل هذا يعني انك ما راح تتخلصين لا من شخصيتك ولا من أذى الناس وتفكير البعض المحدود .. المطلوب منك انتي انك تتفهمين شخصياتهم ومستوى تفكيرهم ولا تتعبين نفسك بتغييرهم ... لا تتوقعين الكثير من أحد ولا تغيير كبير عندهم


وللمعلومية السلبية اللي تشوفينها بشخصيتك هي شيء مميز ملايين البشر تحاول انها تتقمصها وتتصنعها من خلال الكذب والنفاق .. ويحصلون الذنوب من ورى هالشيء ... والصادق في اهتمامه يؤجر على طبيعته متى ما كانت نظرته أبعد وأوسع واحتسب صبره وتعاطفه واهتمامه بالغير وصبره على اذاهم وقل اهتمامهم


الشيطان يضيق نظرتك ويضيق صدرك ويخلينا نميل للانطواء والتشاؤم ويخلينا في جو من الحزن .. والانشغال وتوسيع الأفق والاعتداد بالذات يقفل عليه الأبواب وتنقص عندنا مساحات الحزن وتزيد مساحات السعادة ... اما السعادة الأبدية اللي ما يخالطها لا حزن ولا تعب ولا قلق وقهر من الناس فهي في الجنة فقط


الله يجعلنا أجمعين من اهلها ويرزقنا اليقين والسعادة وراحة البال في هالدنيا