اعراضي في بداية استخدام العلاج

اعراضي في بداية استخدام العلاج

سيروكسات 25 سي ار :
ممتاز واعراض خفيفه بالبدايه
امساك اعزكم الله وكنت اخذ له ملين والوضع اشبه بالعايدي وسالت دكتورتي قالت يسبب امساك شديد للي عنده استعداد للامساك .

ارق الى قرب مرحلة فقد الوعي وصرفت لي منوم جميل فصل اسلاك راسي ونمت من نص حبه فقط

ثاني يوم ولا شي من هذي الاعراض

باروكسات 30 :
ممتاز جداً وقوي جداً لكن اعراضه هي الي تخوف صدق

تحرك الاشياء من حولي ههههههههه كنت اقعد من النوم اشوف الشباك يمشي والرؤيه غير واضحه جداً اقوم اتوضى واصلى وادز الدوام والاعراض معي شوي تختفي


كثرة النوم وكنت اشتكي منها جداً جداً ولكن بعدين قلت والى متى نام الى ان يطيب خاطرك لدرجة مره نمت 24 ساعه اقوم اصل واكل وارجع تحدي انا زوجتي لان هي تحب النوم وانا منظم ما احب انام باوقام غير مخصصه للنوم كنت اطلع مع اخوياي البر انا راعي مكاشيت واطبخ وانفخ هذيك الطلعه اطردوني كثر مانمت اقول سالفه وارجع انام وهكذا الى الفجر . مزعجه بالبدايه لكن بعدين عادي


الموضوع المهم / ضعف بسيط بالانتصاب وتاخر شديد بالقذف / انا تفاديتها وصرت اجامع مره بالاسبوع
ولا اشوف انه عائق ممكن تغير نوع الدواء وتضبط امورك

نزلت الجرعه قبل شهر او شهرين الى 25 ماحسيت غير بدوخه بسييييطه كانت لذيذه الدوخه فرة بالراس لذيذه وبعد 20 يوم نزلت جرعه 20 باروكسات وباخذ لي فتره ع ال 20 ثم ابدا اخفض لترك العلاج باذن الله.





بعدين بطكر لكن فايدة العلاج
الي عنده سؤال انا مستعد

المصدر: نفساني

متى صارت الدوخه لذيذة😔
ياهي مبهذلتني

عفواً ممكن تزوديني باعراضك ومدة العلاج والعمر ومن متى الهلع معك

هالحين الدوخة صارت لذيذة

صارت بطاطس

الدوخة العن عرض ممكن يمر عليك

غثيثة ومزعجة جدااا

بين يوم ليله يمكن بالنسبه لك انا الي احس فيه اعلم فيه موب شرط اني اكون مثلك دوخه مدتها 5 ثواني وتجي بالساعه مره. ماقصد دوخة المرض الي تلف فيك الدنيا لا هذي تقول اول مره تدخن بحياتك.

يارب رحمتك فوق التعب الي فيني اخذ ادويه تهلوس فيني بعد
الدوخه الي تجيني احس فره داخل الراس بس وين لذيذه ماخليت مستشفى مارحت له بسببها
يارب تشافيني ولا احتاج ادويه