تجربتي مع الخجل والحل وهناك سوال

تجربتي مع الخجل والحل وهناك سوال

اهلا وسلا فيكم جميعا
انا عضو جديد معاكم
واتمنى تقبلوني معاكم والسموحة
اول شي حبيت اتكلم عن موضوع الخجل اللي كثير من الناس بتعاني منو

وانا واحد منهم بس طبعا المشكلة انا ما نقدر نصارح الناس

وانا عندي بعض الاشياء اللي استنتجتها من خلال الفترة اللي كنت امر فيها بها الشي
مثلا
1 _ حط في بالك مثل ما انت عندك ها المشكلة وتقول يا حظ الناس ماعندهم ها الشي لا غلط الناس عامه واحد واحد كل واحد عنده مشكلة ويمكن مشكلته اكبر من مشكلتك وما يقدر يقول لاحد ومثلك يعني كلنا في الهوا سوا
2_ حاول تواجه الناس وانا لين الحين ما اقدر اواجهم 100% لاكن اتطورت كثير عن اول والحين احاول اني اكون في اماكن فيه اختلاط عشان ابعد الشبهات اللي تراودني مع اني احيانا يوم ما اتحمل اهرب هههههههههههههههههههه
3_لاتنسى الله وترمي كل شي عليه وانه هو السبب وانك انسان طيب وتعاتبه غلط
4_ كنت ما اقدر ايلس في ميلس فيه حريم بس الحين غير احاول ايلس عشان ابعد الخجل عني خصوصا مع النساء واقولكم حاول دايما تكون مبتسم وتبدي اللموضوع بضحك وسوالف وقوم ورد اونه بتسير الحمام ولا عندك تلفون ولا اي شي
5_حاول يكون عندك شخص حتى لو بالتلفون تحكيله ها الشي ولا تخاف قولها عادي ولا كانك مهتم بالموضوع قولها وانت تضحك عشان بعدين يعتبرونها الناس شي طبيعي

والله ولي التوفيق

جميع ما ذكر اعلاه من تجاربي الخاصه وليس منقول

والسموحة


الحين ممكن اسال الدكتور

السوال هو: اعاني من تعرق اليدين وسمعت ان هناك حقن تسمى بالبوتكس
وان فاعليتها تطول لمدة سنه تقريبا فما رايكم بهذه العمليه مع انها مكلفه بس الصحة اهم شي

انتظر الجواب
والسموحة
4_

المصدر: نفساني

مرحبا بك اخي الكريم (( خجول ))

في يعض الحالات يكون سبب كثرة التعرق ناتجا عن بعض الاضرابات الفسيولوجية في الجسم، وهذا امر طبيعي قد يصيب الكثير من الناس ولا يحتاج عادة الى علاج، وفي حالات نادرة جدا قد يحتاج الامر الى علاج، وعند الكثير من الناس تتحسن الاعراض مع تقدم العمر.

وهناك أسباب عضوية قد تسبب التعرق الزائد خصوصا اذا ما كان مصاحبا لهذا الامر أعراض عضوية أخرى مثل عدم التعرض الكافي لاشعة الشمس الذي قد يسبب نقص في فيتامين (د) ، ولا اعتقد ان حالتك تستدعي لحقن وعملية .

و اسال الله لك التوفيق .