الدكاترة الافاضل,, كرهت ابوي رسمياً, ارجوكم ساعدوني

الدكاترة الافاضل,, كرهت ابوي رسمياً, ارجوكم ساعدوني

قبل لااحد يحكم علي و يقول هذا مايستحي ولاعنده تقدير لابوه ومن هالكلام اتمنى يسمع كلامي للاخر ,,,

انا متأكد انه من قبل مااي واحد يدخل على الموضوع بمجرد مايقرأ اسم الموضوع راح ينتقدني ,, لكن انا هنا عندي مشكلتين

الأولى اني صرت اكره ابوي كره العمى هذه المشكلة الاولى
والثانية اني تعبت من هالمشاكل وابي لها حل وماابي هالمشاكل بيني وبين ابوي ,, متأكد اني جزء من هالمشاكل الي بيني وبينه ,, وعارف انه منقصة من قدري اني اتكلم عن ابوي او انتقده قدام الناس ,,,,

لكن وش اسوي ؟؟؟ تعبت ابي حل ؟؟؟؟

موضوعي مع ابوي بدا من وانا صغير دائم ضدي وامي هي الي معاي الى درجة انه ابوي دائم يناديني ( ياولد امك ) و الحين الي يسمع هالكلمتين بيقول انه امي مدلعتني ومدلع اخر دلع عشان كذا ابوي قاسي معاي او شي من هالقبيل !!! على العكس تمام انا عمري في حياتي ماشفت الدلع بالذات من ابوي وامي مو دلع يمكن خوف الام او حنانها ,, مع انها مع عشرتها مع ابوي تعلمت القسوة منه وطريقة تفكيره الصعبة جدا و المتحجرة

كان دائم قاسي معي انا بالذات واخوي الي اصغر مني ,, لكن مع هذا كله كان عادي بالنسبة لي يمكن وانا صغير كنت ازعل واكره لكن معروف انه الصغير ماتفرق معه كثير يزعل ويرضى بنفس الوقت ,, لكن كان الموضوع اكبر من كذا كان اقسى مما يمكن حتى لو لي طلب مااخذه الا بعد ماتطلع روحي وابوس اليدين والرجلين ويالله اذا صار ,, وكنت شديد الخوف منه بالمره ,, اخاف اسوي شي بالمدرسة خوفا من انه يعاقبني وكان عقابه جدا عسير وارجع واكرر بالذات معي ومع اخوي من بعدي اذا ماكنت انا موجود او ماني مسوي شي ,,,

وكبر الموضوع اكثر واكثر وصارت المشاكل بيني وبينه شبه يومية بالذات في الخمس سنين الاخيرة ,, ولما تخرجت من الثانوية كان عندي حلم اي خريج ثانوي انه ابوه بيطلع له سيارة عشان دخل الجامعة (( مع العلم قدرة ابوي على انه يطلع لي سيارة )) لكن كان يعشمني اكثر من مره وهو يقول لي رح للمعرض واحجز السيارة وخلاص انا اخلص الاجراءات بعدين واروح طبعا وانا مبسوط للمعرض مافي قدي اثنين ولكن كل مره من غير فايده طبعا ماكان هالموضوع حكر على موضوع السيارة بالعكس على كل شي كان بنفس الطريقة

ومع هذا ما كرهته وقتها ومشيت وطول عمري امشي ومن هالكلام ,,, ولكن في الفترة الاخيرة اصبح التعذيب والتهزئ احلى عنده واستمتاع فيه
** علما اني الاكبر وبعدي الآن 13 مابين اخوان واخوات ( عمري 24 سنة )
صار اذا كنت رايق وفي حالي يرسل لي واحد من اخواني او امي او اي كان من البيت لاجل يناديني ولما اروح لعنده يحاول يستفزني بأي موضوع يضايقني ولا يطلب مني شي وانا تعبان ومااقدر عليه في وقتها او اي شي من هالقبيل ,, وينتظر مني الرفض او العناد او التعذر وتبدأ المتعة عنده باستفزازي وتهديدي بالخروج من البيت وعلى هالحال
والمصيبة الاعظم والاكبر انه هالاستفزاز يكون قدام الكبير والصغير في البيت ,, والطامة انه تجيني امي او واحد من اخواني ويوصل لي رسالة انجن لو سمعتها وهالموضوع تكرر اكثر من مرة (((( نادوه لي خلوني انقز بلوفه(نادوه خليني اطلعه من طوره)ومن هالكلام ))))

واكثر من مره طلعت من البيت مرات هو يطردني ومرتين انا طلعت بعناد بيني وبينه من قهري وطفشي من البيت

وطبعا تبدأ الرحلة الحلوة من المعاناة لامي ولي وابوي ولاكأنه اصلا عنده ولد ( على بالك مافي عندي غيرك ؟؟؟؟ كلمته المعهودة في كل مشكلة بيني وبينه )

وطبعا المتعة الاكبر والاجمل عنده اذا بغيت ارجع للبيت سواء اني انا ابغى ارجع ولا امي قالت لي ولا اي شخص نصحني كلها سواء المهم انه يبدا مرحلة الذل والاذلال ومرات سكيتي ابوس راسه وماينتقد ولاشي طبعا تكون الغزالة رايقة ...

و ارجع مرة ثانية لموضوع السيارة طبعا فكرت اني اشتغل في ثاني سنة لي في الجامعة قلت اطلع لنفسي سيارة يمكن لو دفعت قيمتها وتحملت مسؤوليتها على حسب كلام ابوي احس بقيمتها ,, فأشتغلت في شركة دوام مسائي وبدأت معاناتي وطبعا اشتغلت وفرحت بالراتب الي جاني الي كان يوفر لي السيارة الي ابغاها طبعا ماهي شي خيالي بس الي تعطيني خصوصيتي الي احلم فيها كأي شاب ,, طبعا وقتها كنت اخذ سيارة كانت موجوده بالبيت سيارة منتهية ماتصلح ولا بهلله لااستمارة لاشكل لا ولاشي

لكن كنت امشي حالي فيها والمصيبة انه كمان ماكان عاجب وكان كل يوم والثاني تهزئ وسحب مفاتيح وكله من ده

المهم رحت عاد له وقلت له الراتب وجا يالله همتك معاي خليني اطلع السيارة لاني مااقدر اطلع باسمي الشركات ماتعطي طلاب ولاموظفين مؤقتين او دوام جزئي ,, قال لي بكل برود وانا ايش يضمني انك تلتزم بالعمل وماتورطني !!!!!!!

وطبعا على هالحال لمدة ثلاث سنوات ولاحياة لمن تنادي ,, المهم ومره الى درجة كلمت الشركة الي انا شغال فيها اني بطلع السيارة باسمهم على اساس انهم يخصمو قسطها من راتبي وطبعا تمت الموافقه المطلقة على هالموضوع بس كانت بشرط واحد انه ابوي يكون موافق على الموضوع ( الشركة لاحد اقربائي ) ,, وقلت اكيد ابوي مارح يقول شي طبعا لما رحت لابوي ماقصر واعطاني الرفض المطلق ,, وبالعربي الفصيح انت مارح تاخذ شي من وراي لانك ماتستاهل

**** هالكلمة( ماتستاهل ) ياكثر ما اسمعها من ابوي ,, مع العلم اني الوحيد من اخواني الي ماقد يوم اشتكى مني شخص لابمدرسة ولابالحي ولا بأي مكان ( ومع وجود الكثير من الشكاوي لاخواني الصغار ) الا اني كنت دائم الي ماانفع ولا مني فائده ولا افهم شي ولا طيب في دراستي علما ان دراستي كانت جيده جدا وكنت من الطلاب المحترمين في المدرسة
وكنت الرجل في البيت وكان اعتماده علي كلي في كل شي ,, الى درجة انه الى الان دائم مايقول عن اخواني الصغار ( احدهم عمره عشرين سنة ) والله هذا صغير انت الكبير

ولا يقدر يعتمد عليهم في اي شي ومع هذا كله وبرضي انا الي مامني فائدة ولا افهم و قليل الادب

وبعد هذا كله طلع لي السيارة ( طبعا انا في وقتها قلت انه اكيد في شي غلط وابوي لازم يروح يكشف ) وطبعا معناة اني طلعت السيارة والي طبعا انا ادفع اقساطها ,, كل يوم والثاني والمفتاح مسحوب من عندي لاسباب تافهه وطبعا من الاسطوانات المشروخه انت ماتستاهل وانا الغلط مني وكل من ده وطبعا لاتنسوا انه هذا كله وقدام كل صغير وكبير في البيت ( قدام الشغاله والسواق والي يجي على الطريق ماهي مشكلة)

ومع كذا الى الان ماكرهته ,, وزيدوا على هذا انه طبعا كان دائم التوبيخ قدام الاقارب وبعدين كان عنده متعة انه يطلع كل مشاكلي الي بيني وبينه قدام كل من هب ودب عم , خال , عمه , الي يجي على الطريق وبعدين باستفراد يكون هو وياه لحالهم ومرات انا اكون معاهم ,, وطبعا مافي غير فين يوجعني وهو يعطي وبس

وفوق هذا كله كنت ازعل لكن ماهي مشكلة كنت اعدي واقول مهما كان ابوي ولازم اتحمل ,, وفي الكثير من الي كانوا ينصحوني بالصبر وبأن هذا ابوي ولازم اصبر غصب عني وكله بأجره

وعلى موضوع الخروج من البيت كنت مرات زي ماقلت لكم قبل اني انطرد الى درجة مره حتى ملابسي مارضى يخليني اغيرها

ولكن رجعت طبعا طلعت من البيت اربعة او خمس مرات مااذكر والله بالضبط كم كانت

المرة الاخيرة هي كانت بداية كرهي لابوي !!!!!!!!!!!؟؟؟؟؟؟؟؟؟

تشاكلنا انا وياه بسبب موضوع اتفه من التافه ( طلب مني شي وانا في دوامي ولما قلت لامي في التلفون اني مااقدر قالها طيب انا اوريه ولا راح يدخل البيت ) وفعلا رجعت بعد الدوام قلت يمكن كلام عصبية وخلاص
وطبعا رجعت لقيته مقفل الباب وحالف على امي لو فتحته حيطلعها وراي ( كانت امي في فترة حمل وقت هالكلام مع سكر وضغط خلال فترة الحمل )

وانا يومها بصراحة كبر في راسي الموضوع وقررت اني ماارجع للبيت ,, وبدأت بعدها اتصالات امي وبكاها في التلفون

وشكاويها من ابوي , الى درجة انه قالها في مرة لو تكلميني في هالموضوع ( موضوعي طبعا ) راح اسمعك كلام حخليك تطيحي في الارض واريحك ( نسيت ان اذكر شئ مهم وهو ان هالخرجة الاخيرة كانت فترة بنائنا لبيت جديد)

***(الى درجة انه مارضى يخلي اهلي يعطوني حتى ملابسي قال لو تبغاها تاخذها من الشباك)

وطولت هالمره خرجتي الى 26 يوم وطبعا بعد ماباست امي رجول ابوي وايديه عشان يرضى يرجعني مع اني هالمرة كنت ناوي ماارجع للبيت ابدا , بس بكى امي وتعبها في حملها منعني اني ازيد الطين بله , وفي هذا الوقت بالفعل حسيت اني امي تحبني ماانكر لكم اني تمنيت ابقى على هالوضع عشان احس بالدلع من امي ,,

ولما رجعت جلسنا انا وابوي كم يوم مانتكلم وبعدها رجعنا عادي طبعا ماقدر ,جلس كم يوم كيف مايكون فيها مشاكل اظنه تعب نفسيا وجاني يدور مشكلة ثانية وثالثة ورابعة وعاشرة وخمسين وعلى هالحال !!!!!!


الى قبل شهر ونصف تقريبا كنت نائم مره وجاتني امي وكان عندها في البيت اهل عمي , وجات وصحتني على اساس تسألني تبي تخطب لي بنت عمي , وطبعا ترددت في الموضوع مع اني قد طلبت منها انها تخطب لي من فترة تقريبا قبل سنة ولا سنة ونص على اساس الى مااخلص جامعتي واملك بعدها واتزوج @ لكن طبعا جا ابوي الحنون وقالها لاتخطبي له بكره يفشلك ,,, وبكره تطلع الحرمة الي تخطبيها له بطاله يجي يمسك بحلقك ,,, وخليه الين مايكون نفسه ,, ومن هالكلام الي يكسر المجاديف تكسير ,, المهم ونسينا موضوع الخطبة القديم !! الى مارجعت امي وقالت لي على بنت عمي وانها انسانة حافظة للقرآن وطيبة وعلى قدر من الجمال فجلست افكر في الموضوع شوي ورديت عليها في نفس اليوم في الليل ,, وطبعا كان ردي قدام ابوي اول مره ابوي يأيدني على شي وقال كلام يرد الروح اصلا هالبنت حرام فيك ماتستاهلها ومن الكلام العسل الي يبسط ,, وقالت امي خلاص بكره انا اكلم امها وبعدين انتوا يالرجال تتفاهموا على الموضوع وطبعا بدا ابوي خلف الكواليس يقلب في راس امي انه بدري علي اني اتزوج ومن طيب الكلام هذا , وجاتني امي ثاني يوم تقول على الي ابوي قاله ,, فقدرت اني اخلي امي في صفي وتكلم اهل عمي وتسالهم سؤال مبدئي عن البنت ورأيها ,, وبعدين انا وابوي نتفاهم على هالموضوع ,, كلمت الام وسالت بنتها عن رأيها فكانت موافقة فورية من البنت وامها

وطبعا راحت امي لابوي على اساس تقوله هالكلام ,, وبدأت متعة ابوي اللانهائية وقالها لسه بدري اصلا انا قلت لك لاتتكلمي ومدري ايش ,, المهم بعدين جلست مع ابوي وفهمته واقنعته ( صدقت نفسي ) وقال لي طيب خلاص ان شاء الله بعد كم يوم اكلمه

وعدى اسبوع واثنين وثلاثة ولا كلمه ولاسأل فيني حتى ولا حتى اذا انفتح الموضوع اعطا له اهتمام , ومره وانا اتكلم معاه رجعنا لموضوع السيارة !!! قال لي انا مارح اتطرق لك في اي موضوع خلاص جربتك من بعد السيارة وكانت غلطة

والحين هذه حياتك رح ودبر نفسك وطبعا طلعت من عنده وانا مقهور ,,, المهم وبعدها بكم يوم امي قالت لي يمكن هو مايبي يكون بالواجهة كلم عمك انت وشوف وش رايه ,, ماصدقت خبر وكلمت عمي وكأنه حاس بموقف ابوي قال لي المفروض هالمواضيع ابوك الي يكلمني فيها وهذه بنته وانت ولدي يعني مافي اي مشكلة اول ماابوك يكلمني حتنحل كل هالمواضيع ,,,

وطبعا رجعت لابوي وقلت له (طبعا عن طريق امي مو انا )؟؟,, لانه لو جلسنا مع بعض مارح يصير شي جديد غير انه حيهزأني شوي ويستفزني وبس , وجاتني امي بالخبر المفرح انه اخيرا ابوي وافق وراح يكلمه

وانتظرت وانتظرت اسبوعين وطبعا جالس اغني ياليل مااطولك ,, من دون اي فائده

وقبل يومين صارت بيني وبينه مشكلة تافهه مررررررررررررررررررررررررررررررررررررررره

وجاتني امي امس تقول لي انه ابوك حلف بالله انه مارح يتدخل في زواجك واذا تبغى تتزوج يقول لك رح دبر نفسك هو ماله شغل فيك ,,,

وطبعا مع حزني على نفسي وعلى بنت عمي الي كانت موافقتها فورية ,, بكل اسفي الى الان اطلب من امي انها تنهي هالموضوع بدال مااضيع البنت معاي ومع ابوي وحركاته

وافض الخطبة هذه وارتاح


وفوق هذا كله ومع التحطيم الي يمارسه معاي ,,,, يجي ويطلبني اشياء تكون وقت نومي او يجيني وانا نائم في الليل ويصحيني من النوم على توافه




تابع التكملة في الرد التالي

المصدر: نفساني

التكملة:::



**** مهم نسيت اذكره ****
1-انا شخص نومي ثقيل وكثير من المشاكل بيني وبينه تصير بسبب انه يجيني وانا نائم ولا يصحيني في وقت ماله داعي او حتى في الصباح لاي سبب من الاسباب

2- انا شخص قوي الشخصية في البيت وحتى في عملي وحتى مع اصدقائي ( قوة من غير اذية )

3- مخلص لابعد الحدود مع كل الي حولي والله يشهد على هذه الميزة وهي الي مقوية شخصيتي ومحببة الناس فيني !!! لكن الا ابوي

4- كثير الطلعات المعروفة اماكنها بالنسبة لاهلي ومع شخص وحيد او اجازة الاسبوع مع اصدقائي لاغير ( سببها عدم رغبتي في الجلوس في البيت ولو لدقيقة لكرهي لجلسة البيت بسبب مشاكلي فيه )



**ملاحظة اخيرة **
مرة ابو ي اعطاني اياها من الاخر قال يااخي انا ماني طايق اشوف وجهك في البيت عندي !!!!!!!!!!!!!!!!!
***والآن اللي يقرا كلامي يحسب انه مشكلتي السيارة او الزواج هذه جزء من الي يصير بس لانها صارت قريب فأتذكرها بتفاصيلها


فأرجوكم انا هنا ليس فقط لاشتكي !! بل لاخذ الحل منكم ومساعدتي في مشكلتي التي ارهقتني وقست قلبي على كل الناس من حولي

فأرجوكم مساعدتي ولاتقولون لي اصبر وهذا ابوك,,,,,,,,,,,,,,,, ابي حل ,, لاني تعبت من الصبر ومن هذا ابوي حاولت لكن هو مايبي هالحلول ماتنفعه

ارجوكم ارجوكم