قصه بدايتي مع الهلع

قصه بدايتي مع الهلع

قصتي بدايتي مع الهلع

السلام عليكم ورحمه الله صباح الخير للجميع
اول شي شاكر لكم تعاونكم مع بعض اسأل الله لكم الشفاء

انا قبل سنتين ماكان فيني شي أبد أبد ولا صار شي خلاني أهلع واسوس شي خوفني كثير

اول عايش مع اهلي واخوي الكبير كلمه منافق وعاق قليله عليه وحسود وحقود وغبي بنفس الوقت لدرجه انه يقول انت ليش مرتاح وماعندك مشاكل وبارد يقصد أني ماعندي مشاكل مع الحياه

يحب يسوي المشاكل ومايحب يشوف الوضع هادي ومرتب

الزبده انا أخذت اجازه وأول أسبوع فيها طبعا كنت م اصحى الصبح وأنام وكان كل شوي يجي ويطل يشوف

الزبده بعده بأسبوع جاني وانا نايم تقريبا الفجر

وسألني عن حاجه تافه بقصد انه يخرب نومي وكان بصوت عالي جدا جد ماتتخيلوه

وطبعا النذل م خلاني حتى أفكر بالموضوع وضربني ضربه قويه وطلع ومالحقت أخذ حقي منه لحس مخي


قلت خير انشاء الله. الزبده مادري وش أسوي مصيبه الصراحه وبعده صارلي موقف تافه وصرت اهلع من اي شي


الحين وش الحل وانا رافض فكره العلاجات

المصدر: نفساني

اخوك هذا مضايقك من زمان و هذه التراكمات و قلة التنفيس العاطفي تؤدي للاحتقان النفسي و هو من اسباب القلق و الهلع خصوصا. يعني اذا صبرت تحس انك تظلم نفسك او رديت عليه تخاف زعل والديك او شخص لاتريد زعله و قد يكون هو الاخ نفسه .عليك ان تجد طريقة تتعامل معاه بها للخروج من هذا الصراع.

هي تراكمات وضغوط
لكن مهما حصل هذا اخوك ولازم تحبون بعض

اخوك ولازم تشوف حل معاه وتضبط علاقتك فيه

بخصوص الهلع لابد من العلاج لاتقلق العلاج لن يضرك سوف يزيلعنك الهلع

بدون علاج صعب لان كثير حاولو بدون علاج ولم يستفيدو شيء فقط ضاعت عليهم سنين عمرهم على الفاضي بدون فايدة

الافضل هو انك تختصر الوقت على نفسك وتاخذ علاج

جرب اكل التين المجفف وافحص فيتامين د

انا عمري 47 سنه واخوي الاكبر للحين يضربني مع اني متزوج وعندي عيال ولاكن اطنش لو ابي افكر فيه كان مت من القهر

المشاركة الأصلية كتبت بواسطة منتقد

انا عمري 47 سنه واخوي الاكبر للحين يضربني مع اني متزوج وعندي عيال ولاكن اطنش لو ابي افكر فيه كان مت من القهر

هلا اخوي منتقد
كل شيء له حد ، فيه ناس أعوذ بالله متنمرين ، ولا يفكر في الصح والغلط .
الآن مشكلتك مالها علاقه بالأخوه ، بكل هدوء إذهب لمركز الشرطة وبلغ عنه ، راح تقول أمي تغضب تتأثر ؟
هذا الموضوع ليس له علاقة ببر الوالدين
بلغ الشرطة ، مرة واحدة وراح يستدعونه ، ويأخذون عليه تعهد ، وتنتهي المشكلة ، وإذا كرر التعدي عليك ، بلغ راح يسجنونه 6 أشهر ،
انت تتحمل الألم ، لكن ابنائك الأذى النفسي عليهم كبير ،
اقرأ عن موضوع الثقة بالنفس ، وشوف مقاطع للدكتور ابراهيم الفقي ، في هذا المجال.
افرح

منتقد معجب بهذا

مثل ماقالو الاخوان قبلي مشكلتك بسيطه وهي ناتجه عن تراكمات وضغوط من اخيك المصارحه ربما تكون حل جذري مهما كان حقود في النهايه هو اخوك اشرح له وصارحه بكل شي حتى لو بكتابة ورقه تفصفض فيها كل ماتعجز قوله امامه

منتقد معجب بهذا