الاكتئاب الي يأتي من التوتر والقلق؟

الاكتئاب الي يأتي من التوتر والقلق؟

اول شي انا يمكن فعلاً ازعجتكم بكثرة مواضيعي
وثاني شي حاولت قبل شوي اني امسح اكاونتي بس ماعرفت الطريقه وطلعت من الاكاونت لكن بعدها بخمس دقايق رديت دخلت ( السبب ان انا وضعي احس غير عنكم ومايسمح اني اقرا واشوف احد يكتب ان صار فيه جذي وجذي ع طول اتخيل ان هالشي راح يصير فيني ) ياجماعة صاير مو طبيعي اي شي قام يقلقني قبل شوي شفت ملحد الله بلعنه قام يتكلم ودخل بقلبي الشكوك بعدها جان اغرق بالتفكير وخفت اني اكفر معنى هالشي وربي مستحيل بس مجرد خوف وتوتر + قام اقول حق نفسي ان لي متى راح ابقى على الحبوب معقوله طول حياتي راح اتم ع الحبوب وكل فتره وفتره راح انتكس؟ انزين متى بتزوج متى بييب عيال متى بربي عيالي؟ متى بستانس بوجودي مع اهلي الي اعشقهم وكل مره افكر ان شنو راح يصير فيني من بعدهم...
مابي اطول اكثر عليكم بدش بسوالي ( هل الاكتئاب الي يصير من القلق والتوتر اهوا نفسه الي اشوفكم تشتكون منه حيل وتاخذون حقه اكثر من مضاد؟ ولا الاكتئاب الي يصير حق القلق مجرد زيادة توتر ولمن العلاج يبدا مفعوله ويقل التوتر يروح الاكتئاب؟
اتمنى تكونون فاهمين سوالي
وسألتكم هالسوال لان تدرون قبل شوي صار فيني توتر وقلق قوي حسيت ان بأمكاني اسلم نفسي وادش بكتئاب ولكن مادري شلون لهيت نفسي وطارت فكرت الاكتئاب!!!
عشان جذي صار بمخي هالسوال هل اهوا الاكتئاب الي انا يحوشني لمن يزيد القلق والتوتر عندي نفسه الي يصير فيكم المزمن والقوي؟
وان شالله بحق محمد الي اهوا حبيب الله ان يكوم هذا اخر موضوع لي بهالمنتدى يااااارب يااارب 💙
ونسيت اقولكم ان اليوم رحت حق راقي وقرا علي وقالي انت مافيك شي <<< مادري استانس ولا اضايق احس استغفرلله ياليت قايل ان فيك شي وبالرقيه راح يروح ولا ابقى بهالمرض اللعين الي مادري شنو سببه انصبت فيه
واسف ع الاطاله بس ماعليه ابيكم تفيدوني واعتبروني اخوكم الصغير لان يمكن انا اصغر واحد من الي موجودين بالمنتدى وياخذ عقاقير 😂💔

المصدر: نفساني

الاكتئاب المرافق للقلق والخوف هو يأس او ملل. تستطيع ان تسميها نزول بالمزاج او حزن

الاكتئاب مختلف جدا عن ما يعتقده البعض فهم يربطونه بالحزن واليأس وما شابه بينما الاكتئاب المرضي مختلف


لا تقلق ما تمر به طبيعي و تستطيع ان تسميه اكتئاب مجازيا لان كلمة اكتئاب لها معاني كثيره جدا ولهذا يتم الخلط

اتمنى قراءة الاسفل


شخص حزين= مكتئب
شخص تعيس= مكتئب
شخص يائس= مكتئب
نستنتج ان الاكتئاب كلمه ذات مفهوم واسع اي انها كلمه مطاطيه



اما مرض الاكتئاب

مريض الاكتئاب= مرض نفسي يتعلق بعدم وجود سبب للبقاء بالحياه او الاحساس بأنه نكره وماشابه .....الخ

ولهذا اسمه الاضطراب الوجداني


بالتوفيق

بدون خطه معجب بهذا

يعني شوفوا الاخد ماندوزا بس كتب هالكلام ان الاكتئاب الحقيقي يخليك تحس بعدم وجود سبب للبقاء للحياة ....إلخ
حسيت ان هالشي فيني <<< هذا شنو معناته ياجماعة ان انا حساس ولا القلق اهوا الي مسوي فيني جذي

انت حساس وشخصية قلقة تميل للنظام و الكمال وطموح وتلوم نفسك لو قصرت

هذي شخصيتي تماما

اقلق واخاف و اتوقع حدوث المكروهات و الكوارث طوال الوقت لذلك تلقاني في دوامة طوال الوقت و لا اتهنى حتى بالنوم

عقلي شغال حتى و انا نايمة

لذلك التفكير الزايد يزيل الاطمئنان و يجلب التعاسة

لدرجة اتمنى الموت حتى ارتاح من عقلي و قلبي الحزين


اسأل الله لنا وياك الفرج العاجل و لجميع المسلمين

اللهم آمين

اختي عيون متفائله
عيل شنو الفايده ان قام ناخذ علاج؟

انا من تجربتي في اخذ كورسات السيروكسات والسيبرالكس والبروزاك هي فعلا تزيل القلق وتزيل الحزن قليلا لكن الخمول الناتج عنها والنوم الكثير لا يطاق يعزلك عن نفسك و عن العالم

تحس بتبلد دائم

هذا كله مدة استخدام العلاج و بعده قليلا

هي ماهي علاج هي تقضي على الاعراض المزعجة فترة تناولها

لي فوق عشرة سنين اتركها كم سنة و اضطر ارجع لها مكرهة

معناة كلامج ان لايوجد علاج ابداً لحالتنا
انتي اختصرتي الموضوع علي ان حتى لو تاخذ العلاج عشر سنين هم راح يتم المرض معاي ماراح يروح ابداً وفوق هذا ان العلاج يفقد مفعوله او يمكن يسببلي خمول
عيل وين الحل والعلاج

جاسم انت اللي فيك قلق
بعدين من قال انك طول العمر بتم مريض
لا لا وين ايمانك بالله وتوكلك عليه
هي ازمه وتعدي باذن الله
ولا تصير حساس مرره
واي شي ودك اياه هنا
تكلم ومحد بيقصر معاك

بدون خطه معجب بهذا

اخي جاسم

اعمل اختبار دم

نسبة المعادن

هرمون التيستوستيرون

فيتامين دال

إنزيمات الكبد

الغدة الدرقية

بعد ظهور النتائج سيكون لي رد بإذن الله

مو شرط يا جاسم ان النتيجة وحدة

فيه من تعافوا نهائيا و الحمدلله

و فيه اللي ما بين مد و جزر بين الادوية

كل شيء بيد مدبر الامور سبحانه اللي بيده الخير

المسلم المفروض ما يترك الرقية الشرعية و الدعاء

يمكن هذا الابتلاء خلانا قريبين من اللي بيده الشفاء و الرزق و النعم و النعيم

اسأل الله الكريم لنا وياكم الفرج العاجل و لجميع المسلمين

اللهم آمين

المشاركة الأصلية كتبت بواسطة جاسم اشكناني

اول شي انا يمكن فعلاً ازعجتكم بكثرة مواضيعي
وثاني شي حاولت قبل شوي اني امسح اكاونتي بس ماعرفت الطريقه وطلعت من الاكاونت لكن بعدها بخمس دقايق رديت دخلت ( السبب ان انا وضعي احس غير عنكم ومايسمح اني اقرا واشوف احد يكتب ان صار فيه جذي وجذي ع طول اتخيل ان هالشي راح يصير فيني ) ياجماعة صاير مو طبيعي اي شي قام يقلقني قبل شوي شفت ملحد الله بلعنه قام يتكلم ودخل بقلبي الشكوك بعدها جان اغرق بالتفكير وخفت اني اكفر معنى هالشي وربي مستحيل بس مجرد خوف وتوتر + قام اقول حق نفسي ان لي متى راح ابقى على الحبوب معقوله طول حياتي راح اتم ع الحبوب وكل فتره وفتره راح انتكس؟ انزين متى بتزوج متى بييب عيال متى بربي عيالي؟ متى بستانس بوجودي مع اهلي الي اعشقهم وكل مره افكر ان شنو راح يصير فيني من بعدهم...
مابي اطول اكثر عليكم بدش بسوالي ( هل الاكتئاب الي يصير من القلق والتوتر اهوا نفسه الي اشوفكم تشتكون منه حيل وتاخذون حقه اكثر من مضاد؟ ولا الاكتئاب الي يصير حق القلق مجرد زيادة توتر ولمن العلاج يبدا مفعوله ويقل التوتر يروح الاكتئاب؟
اتمنى تكونون فاهمين سوالي
وسألتكم هالسوال لان تدرون قبل شوي صار فيني توتر وقلق قوي حسيت ان بأمكاني اسلم نفسي وادش بكتئاب ولكن مادري شلون لهيت نفسي وطارت فكرت الاكتئاب!!!
عشان جذي صار بمخي هالسوال هل اهوا الاكتئاب الي انا يحوشني لمن يزيد القلق والتوتر عندي نفسه الي يصير فيكم المزمن والقوي؟
وان شالله بحق محمد الي اهوا حبيب الله ان يكوم هذا اخر موضوع لي بهالمنتدى يااااارب يااارب 💙
ونسيت اقولكم ان اليوم رحت حق راقي وقرا علي وقالي انت مافيك شي <<< مادري استانس ولا اضايق احس استغفرلله ياليت قايل ان فيك شي وبالرقيه راح يروح ولا ابقى بهالمرض اللعين الي مادري شنو سببه انصبت فيه
واسف ع الاطاله بس ماعليه ابيكم تفيدوني واعتبروني اخوكم الصغير لان يمكن انا اصغر واحد من الي موجودين بالمنتدى وياخذ عقاقير 😂💔

اذا طالت مدة الضغط و القلق قد تصاب بالاكتئاب بعدة فترة طويلة من التعرض اليهما..الشيء الجيد ان علاجك اهون من من لديه المشكلة بسبب اضطراب جسدي او داخلي المنشأ و لهذا سيصرف لك الطبيب ادوية الـSSRI التي ميزتها قلة الاعراض الجانبية..و لتسريع تخفف الاعراض اطلب من الطبيب ان يصف مضادات القلق من البنزوديازبينات "التي هي على فكرة رخيصة عموما اكثر من ادوية الاكتئاب لو كنت تراجع في مستشفيات اهلية" ميزتها انها اسرع تأثيرا من ادوية الاكتئاب لكن علاجها للاعراض مؤقت ..تستطيع ان تشبهها بحالة الم الضرس .. المسكنات كالبندول او الاسبرين"البنزوديازبينات" يخففوا الاعراض بشكل سريع لكن مؤقت اما علاج السن كخلعه او ازالة العصب"ادوية الـssri" سيحل المشكلة من جذورها بإذن الله..تمنياتي لي ولك و باقي الاخوة و مرضى المسلمين بالشفاء و العافية.