ماقدرت اروح اصلي الجمعه حسبي الله ونعم الوكيل ابي من يفهم حالتي ويوقف معي تعبت

المشاركة الأصلية كتبت بواسطة طويق

اخوي حائلي انت مافيك الا العافية . هذي الاعراض سبق ان صارت لي . كل الي تمر فيه سبق ان مر فيني . انا اول ماكان فيني اي شي ابدا لكن جتني نوبة فزع هي الي خلتني اتغير . اقصد اصبحت كأني شخص اخر . فيه تغيرات في الدماغ تصير لكن
ما ادري وش سببها الله وحده هو الي يعلم . يعني تخيل انك تكون بصحة نفسية كويسة بعدين تجيك نوبة فزع تغير كل شي في حياتك . لازم انك تقاتل ولا تستسلم وتواجه والا راح تعيش كل حياتك اسير للمرض النفسي . انت الحين مافيك الا العافية لو تروح للمستشفى ويكشفون عليك من راسك الى ساسك ماراح يلقون فيك اي شي . الادوية النفسية تعطيك جو كأنك شفيت لكن فجأة تصير انتكاسة تضطر انك تغير الدواء . واحيانا تترك الدواء وترجع لك نفس الاعراض .
جرب تقوم الليل وتصلي . حمل في جوالك المصحف واثناء القيام اقراء منه جزء او جزئين في البداية راح تظن انك ماتقدر لكن بعدين يصير الامر عادي جدا . واحيانا تتمنى متى يجي الليل عشان تصلي . شعور جميل جدا وادع الله في السجود انه يشفيك ادع وانت موقن بالاجابة واحسن الظن بالله . فيه ادعية لازم انك تقولها في الصباح والمساء مثل ( بسم الله الذي لا يضر مع اسمه شئ في الارض ولا في السماء و هو السميع العليم ) ثلاث مرات يعني اطمئن مارح يجيك شي ابدا باذن الله .
وتوكل على الله . قل كل صباح ومساء ( حسبي الله لا اله الا هو عليه توكلت وهو رب العرش العظيم ) سبع مرات من قالها كفاه الله هم الدنيا والاخرة . يعني اطمئن خلاص انت متوكل على الله مارح يجيك شي . كذلك قل ( اللهم اني اسألك العافية في الدنيا والاخرة اللهم اني اسألك العفو والعافية في ديني ودنياي و اهلي ومالي اللهم استر عوراتي وامن روعاتي اللهم احفظني من بين يدي ومن خلفي وعن يميني وعن شمالي ومن فوقي واعوذ بك ان اغتال من تحتي )
وفيه ادعية اخرى حافظ عليها .
انا ودي انك تجرب كل يوم تعصر شمندر مع الجزر او بدون جزر . لمدة اسبوع بس صدقني راح يخف عندك التوتر كثير وتقدر تتتحكم في مخاوفك ان شاء الله . جب لك شمندر بحجم الطماطة وقشرها وحطها في عصارة الجزر وحط عليها موية او اعصر معها جزر ( في نفس عصارة الجزر ) او استخدم الخلاط حط شمندر مع كاسين مويه راح ترتاح بأذن الله كثير . انا جربتها وماكنت اتوقع انها بهذي الفايدة . الشمندر فيه فوايد كثيره للقلب وللجسم ككل .

اهنيك على كلامك ولكن عندي ملاحظه على العلاج كيف تقول العلاج مايسوي شي وترجع الاعراض ؟ بالعكس العلاج تحت اشراف طبي ومعه سلوكي قابل للشفاء بحول الله

انا نفس حالتك كئنك تكلم عني

لو صليت الجمعة وتجاهلت كان ماصار شيئ

ذكرتني ايام رمضان الي قبل
كنت شايل هم السفر 600 كيلوا لمدينة اخرى بعد الاجازة
والسبب اني وحدي وخايف من نوبات الهلع تصيبني
المهم شايل هم السفر شهرين كاملة قبل رمضان !!


بعدها جاء وقت الميعاد للسفر برا 600 كيلوا في نصف رمضان


شغلت السيارة
نسيت الموضوع وقصة 600 كيلوا
فكرت بمواضيع ثانية واني بقابل اهلي
فكرت اني بنشغل بالطريق وبحاول استمتع فيه
فكرت اني بشغل جوالي على اليوتيوب واسمع شي

اول مامشيت تناسيت كل شي ثم نسيت
4 ساعات الا وانا بالديرة عند اهلي !!!!!!!!

طلعت القصة فوبيا وهم وسواس ضعف ايمان خوف تردد
انتصرت عليها بالاصرار + التجاهل + التفاؤل


ترى بتعيش حياتك كذا خووووووف عالفاضي
لانت مت ولا انت مرضت ولا انت دخت ولا انت انجنيت ولا انت توقف قلبك
كلها اوهام اخووي
واستعن بالله

الله يشفيك يا رب ويعافيك
الاعضاء ماقصرو حاول تتبع ملاحظاتهم وتجاربهم
والله يقويك

ﺍﻛﺜﺮﻭ ﻣﻦ ﺍﻻﺳﺘﻐﻔﺎﺭ ﻭﺍﻟﺼﻼﺓ ﻋﻠﻰ ﺭﺳﻮﻝ ﺍﻟﻠﻪ ﻭﺍﻛﺜﺮﻭ ﻣﻦ ﻗﻮﻝ ﻻ ﺍﻟﻪ ﺍﻻ ﺍﻧﺖ ﺳﺒﺤﺎﻧﻚ ﺍﻧﻲ ﻛﻨﺖ ﻣﻦ ﺍﻟﻈﺎﻟﻤﻴﻦ ﻭﺍﻛﺜﺮﻭ ﻣﻦ ﻗﻮﻝ ﺭﺑﻲ ﺍﻧﻲ ﻣﺴﻨﻲ ﺍﻟﻀﺮ ﻭﺍﻧﺖ ﺍﺭﺣﻢ ﺍﻟﺮﺣﻤﻴﻦ ﻭﺍﻛﺜﺮﻭ ﻣﻦ ﻗﻮﻝ ﻻ ﺍﻟﻪ ﺍﻻ ﺍﻟﻠﻪ ﻭﺣﺪﻩ ﻻﺷﺮﻳﻚ ﻟﻪ ﻟﻪ ﺍﻟﻤﻠﻚ ﻭﻟﻪ ﺍﻟﺤﻤﺪ ﻭﻩ ﻋﻠﻰ ﻛﻞ ﺷﻲﺀ ﻗﺪﻳﺮ ﻭﺍﻛﺜﺮﻭ ﻣﻦ ﻗﻮﻝ ﺍﺣﺐ ﺍﻟﻜﻼﻡ ﻟﻠﻰ ﺍﻟﻠﻪ ﺳﺒﺤﺎﻥ ﺍﻟﻠﻪ ﻭﺍﻟﺤﻤﺪﻟﻠﻪ ﻭﻻ ﺍﻟﻪ ﺍﻻ ﺍﻟﻠﻪ ﻭﺍﻟﻠﻪ ﺍﻛﺒﺮ . ﻭﻭﻛﻠﻮ ﺍﺳﺘﻮﺩﻋﻮ ﻧﻔﺴﻜﻢ ﻟﻠﻪ ﻭﻭﻛﻠﻮ ﺍﻟﻠﻪ ﺟﻤﻴﻊ ﺍﻣﻮﺭﻛﻢ ﻭﺛﻘﻮ ﺑﻪ ﻓﻬﻮ ﺧﻴﺮ ﻭﻛﻴﻞ ﻭﻫﻮ ﺍﻟﺸﺎﻓﻲ ﺍﻟﻤﻌﺎﻓﻲ

المشاركة الأصلية كتبت بواسطة حائلي

السلام عليكم
بدخل بالموضوع ع طول
صاحي بدري الحمدلله قريت سورة الكهف بالبيت توضيت لبست افضل ثيابي تعطرت لبست شماغي الكلام قبل نص ساعه او بالكثير قبل 45 دقيقه شغلت سيارتي بروح اصلي اول مامشيت خفت جاني شي ردني ورجعت البيت حاس بالذنب هو صح جاني شعور الخوف قبل لاطلع من البيت بس تجاهلت قلت انا رجال وبقهر الهلع واللي جاني مهو هلع اليوم جاني شي ردني انا مااحب الحر الصيف للمعلومية بالصيف تزيد بشكل كبير نوبات الهلع اسألوني مجرب بس مدري وش جاني رجعت البيت وهذا حالي اذا بغيت ادور ع وظيفه ارجع البيت من نص الطريق وعندي اختبارات بعد فتره وخايف خسرت يعني انا اتوقع حسد عين سحر ياناس اشتري خلطات من شيوخ ويواعدوني يقرون علي يجيني شعور ان ودي اسحب عليهم وفعلاً اسحب كل شي محتار ولي اسبوعين اعيد الوضوء وسواس طبعا انا معي نوبات هلع وسمتر ع سيروكسات صح ممتاز بس ماش مدري وش يجي وارجع البيت تعبت ياناس مااحس بمتعه الحياه بسبب هالشعور ابي من يوقف معي ادري كلاً لاهي بوضعه وارتباطته واتعابه بس ابي انسان اذا حسيت بشي ادق عليه اقوله اللي بخاطري ويقويني بعد الله عزمي 000لاتخلوني تكفوووون

لم اقراء جميع ردودك المسألة بسيطه حينما تشعر بهذا الشعور بسيارتك وانت ذاهب الى الوظيفة او السفر لا تشتت انتباهك انك مسافر او متقدم على وظيفة دع الامر لله وحينما تصل الى المكان الذي تريده اشغل لسانك بذكر الله (( استغفر الله - لا اله الا الله - ...ماتيسر ) ولا شك ان الانسان يستعين بالله قبل كل شيء دعاء الخروج من المنزل دعاء ركوب السيارة ويتوكل على الله ولايصيبك الا ماكتبه الله لك
لما تكون بسيارة اشعر وكانك داخل المكان الذي تشعر به بالامان وانك مازلت بالمكان الذي تريد وان الامر طبيعي انت لم تشعر بشيء انا لم اشعر بشيء انا بصحة جيدة .... انا ذاهب مع الجميع وانظر من هم حولك بطريق زحام وان الامر هذا طبيعي
سؤال ماذا تفعل وقت فراغك ؟

المشاركة الأصلية كتبت بواسطة واثق بنفسي

اكثرو من اﻻستغفار والصﻼة على رسول الله واكثرو من قول ﻻ اله اﻻ انت سبحانك اني كنت من الظالمين واكثرو من قول ربي اني مسني الضر وانت ارحم الرحمين واكثرو من قول ﻻ اله اﻻ الله وحده ﻻشريك له له الملك وله الحمد وه على كل شيء قدير واكثرو من قول احب الكﻼم للى الله سبحان الله والحمدلله وﻻ اله اﻻ الله والله اكبر . ووكلو استودعو نفسكم لله ووكلو الله جميع اموركم وثقو به فهو خير وكيل وهو الشافي المعافي

👍🏻👍🏻