سؤال للكل آيش هي مميزاتك وايس هي سلبياتك

سؤال للكل آيش هي مميزاتك وايس هي سلبياتك

ياليت كل واحد يقولنا ايش هي ايجابياته الي يشوفها بنفسه وايش هي سلبياته

انا ايجابياتي مافي ايجابيات
سلبيات كثير من كثرها مش عارف اعدها

المصدر: نفساني

شكل الكل مليانين ايجابيات ومميزات اهنيكم ياابطال

امممم سلبياتي ..متسرعه احيانا _اذا حطيت ببالي شيء لازم اسويه او اذا ماصار اتحطم من الداخل _اتحسس من بعض الامور _فيه بعض الاحيان اعصابي تنفلت
الايجابيات :امممم ماادري ههههههه

صامدة رغم المحن معجب بهذا

انا سلبياتي هي العصبية، التسرع في المواقف،الحساسية الزائدة،على نياتي بشكل كبير
الايجابيات التسامح بلاحدود،القلب الهش ،مراعاة الآخرين والتماس العذر لهم(الا نفسي طبعا أجلدها جلد )
الاعتذار من الآخرين حتى لو مظلومة فقط لتفادي الخصام

وش تغدى ووش تعشى ومنهم جيرانكم

الإيجابيات خلنا شوي نرفع بعمرنا
ان لما ازعل من أحد لو وش ماكان ويحي يعتذرلي ويطيب خاطري اسامح على طول وبعد اذا أخطأت على احد وحسيته زعل اعتذر على طول ولو يهمني كثير احبه على راسه رضاوه لأن كثير مايعتذرون ويكابرون فاشوفها ميزه
ويقولون اني رغم الي فيني الا اني دمي خفيف.. وأعتقد أن الإيجابيات يقولونها لك الناس مو انت تمدح بروحك ولا شرايكم

نجي للسلبيات
العصبيه وخاصه لما تشد الحاله لساني يتبرأ مني اصير شراره
شديد الحساسيه لدرجه ممكن كلمه تقل مزاجي أو موقف يعفسني فوق تحت
فكري احسه يفكر سلبي أكثر من الايجابي وأعتقد هذا من المرض
افتقد كثير من الخبرات الاجتماعيه الحياه من ناحيه العلاقات وعلاقاتي الاجتماعيه تعاني وهذا شي مزعلني لاني انا احس اني فالاصل شخص اجتماعي واحب الناس والجمعات لاكن المرض جابها عكسيه
وبعد... امممم
كثير صراحه من كثرهم نسيت

الشاهين
عطنا سلبياتك ولا انت كامل مكمل

كلي سلبيات واخطاء الله يعفو بس

إيجابياتي كل ما كفختني و سطرتني وحاستني الدنيا الا اني ارجع اوقف على رجولي

شاهين انا اعطيك شيء عنه ... اخذنا مهزله ويستهتر فينا مثل الكبير بين الاطفال 😎

الايجابيات
الذكاء الدراسي ولله الحمد )لكن القلق والرهاب قلل منه كثيير بسبب فقدان التركيز(
ممكن أجلس لوحدي فترات طويلة بدون ما أشعر بالملل )من ثمرات الأمراض النفسية(
الكتمان والظهور بمظهر القوي حتى لو اني من الداخل أبكي وأموت من الوجع

السلبيات:
الحساسية وتضخيم الأمور
الخجل والرهبة المفرطة من الناس
الكسل والتسويف وتضييع الوقت

تبي الصدق ما اعرفني 🙄
ما ادري وش ايجابياتي ولا سلبياتي

المشاركة الأصلية كتبت بواسطة الشاهين®

وش تغدى ووش تعشى ومنهم جيرانكم

ياخوي إذا ماعجبك الموضوع لا تشآرك .. ترى مو غصب !

والله شوف اخوي صبري الاجابيات الحمد لله كانو يقولون عني خفيفة دم وهلحين شكل دمي اختلط بطين ويقولون اني حكيمه رغم مامريت فيه من ضغوط بالحياة والزواج واجي على نفسي علشان عيالي او اهلي واعتبر هذا عيب لان الشخص نفسه يدفع ثمنه من فكره وصحته وسلبياتي اني ماازعل بسهوله بس اذا زعلت ابعد عن الارض اللي انا فيها وصعب ارضي حتي لو اعتذر الشخص
يمكن لاني معطاءه زياده عن اللزوم وتكون شرهتي كبيره وعلي فكره انا اعتبر كل عمر له ايجابياته وسلبياته لاني كنت عنيده ويوم كبرت بالعكس صرت اتحمل واداري وكنت عصبيه وهلحين اروض نفسي علشان عيالي مايتضايقون صراحه هاذي اهم شي والانسان مجموعه من الايجابيات والسلبيات وهاذي طبيعة البشر

صامدة رغم المحن معجب بهذا

أهلين صبري ..

يعطيك العآفيه ع الأفكار الحلوه ..

بالمنآسبه أنا صريح , وهذا طبعي ورح اكون صريح معآك ..

انا عندي قاعده أطبقها في حيآتي :

إن لم تكن ذئب أكلتك الذئاب ..

طبعاً كلامي هذا قبل مادخل في جو الإكتئاب اللعين ..

بحكم الضربات القاصمه إلي جتني من الرهاب والوسواس ..

هذي أعطتني قوه وخلت تعاملي مع الناس مبني على القوه ..

لإني ماحب أكون بنظر أحد ضعيف ..

الطيبه الزائده والمبالغه في الطيبه والإهتمام هذي ماعندي ..

عنيد ورأسي يابس ..

ماحب أحد يستغفلني .. الإستغفال هذا ماحبه وحتى إلى الآن ..

كان نظامي إلي طيب معي أصير طيب معاه , وإلي يعاديني أنسفه نسف ..

طبعاً أنا أتكلم بشكل عام مع النآس .. مع أهلي لا طبعاً .. حبوب وأسمع الكلام وماعندي غير كلمه حاضر

لآكن لابد من الخلافات البسيطه بين أفراد الأسره , نزعل من بعض , ونرجع اليوم الثآني سمن ع عسل , وهذي موجوده في كل بيت , وهذي بهآرأت الحياه ..

لإن مافي أنسان مثالي بالحياه ..

لاكن مع الوالد والوالده , قدر الإمكان أحاول أكون بار فيهم ولا أزعلهم , والله يسامحنا ويغفر لنا زلآتنا ..

أكيد بعد كل الكلآم هذا رح تقول هذا شكله بلطجي هههههههه

لا بلطجي ولا غيره ..

إنت تعيش في مجتمع مآيرحم , والنآس إلي فيه ماترحم , والقوي هنا يأكل الضعيف ..

رح تقول كيف عندك رهآب وهذا كله يطلع منك ..

أنا الرهاب إلي عندي يكون في مواقف محدده ..

يعني ع سبيل المثآل :

مآحب أكون في وسط أنظار مجموعة من النآس , ألقي كلمه أمام مجموعه .. يعني شغلات زي كذآ ..

بعد ماجاني الإكتئاب , أو عسر المزآج .. سميه إلي تسميه ..

بدأت أهدي الوضع .. حسيت بمعاناة الإكتئاب ومرارة هذا المرض ..

صرت كل ماشوف شخص ساكت , أو هاديء , أو متضايق , أفكر إن عنده إكتئاب ومافي أحد يحس فيه

والله بلا مبالغه أقولك الكلآم هذآ .. صرت أقول بيني وبين نفسي , يمكن هذا قاعد يعاني من الإكتئاب بصمت ولآحد دأري عنه ..

يعني مع الرهآب والوسوآس .. كنت أتجاهل هذي المشآعر نهآئياً ولا أفكر فيها ..

سبحآن الله يوم جاء الإكتئاب قلب الموازين كلهآ .. صرت أعطف على النآس

ياعمي لو أشوف قطوه مريضه يمكن أدخلها بيتنا ..

وسـلآمتكــ عينـي ..

وأعتذر عن الإطـآله

صامدة رغم المحن معجب بهذا

لا اجابيات حتى الآن سوى الكثير من السلبيات عايش ولااستحق العيش...ايش فائدتي من الدنيا؟؟؟