زوجي يبي يتزوج ...

زوجي يبي يتزوج ...

°ˆ~*¤®§(*§*)§®¤*~ˆ°بسم الله الرحمن الرحيم ..°ˆ~*¤®§(*§*)§®¤*~ˆ°

السلام عليكم ورحمة الله وبركاته ..
أود اني اشيد بردود جميع الاستشاريين الرائعين في المنتدى ..
وانا بصراحة تعبت وقلت مالي بعد الله الا انتم ..

[line]
انا امرأة عمري 21 وزوجي 25 سنة , صار لي متزوجة ثلالث سنين تقريبا وعندي ولد عمره سنة ونصف ..

تزوجت زواج تقليدي لا انا اعرف زوجي ولا هو يعرفني .. من بداية زواجنا اكتشفت ان له علاقات هاتفية مع البنات ..
وبعد فترة اكتشفت انه يشاهد المناظر الاباحية من افلام ولقطات وصور وغيره وغيره ..انا حبيته ومن كل قلبي , حتى بعد ماعرفت عنه هالاشياء وقلت يمكن انه يتغير لو حاولت معاه بالنصيحة .. ومثل مايقولون يكبر ويعقل ..
بس كل يوم كان يمر علينا كانت تزيد علاقاته اكثر وأكثر .. وهو يضيع اكثر وأكثر ..
كنت أسأله اذا انا مقصرة بشيء يقولي انتي ماتسمعين كلامي ..وسمعنا الكلام ورجعت وسألته ورد علي بنفس الرد ..هذا كان العذر الوحيد اللي دايما يردده ..
كان يبيني اطيعه مثل الخادمة ..مبـــــــــاشرة ومن دون اي رد او مناقشة او اي كلام ..يبيني انفذ كل اللي هو يبيه ويلغي اي راي لي ..اصلا هو مايكلف نفسه عشان يسمع رايي شنو ..
لقيت منه الاهمال .. والضرب .. واشياء كثيرة ..
في السنة الاخيرة زادت جرأته .. و تطورت علاقاته مع البنات بحيث انه صار يطلع يقابلهم ..
يتعرف على بنات من دول قريبة ويواعدهم ويسافر عشان يقابلهم ..وطبعا كان بينهم لمسات وقبلات ..
والحين بعد كل صبري معاه واني ماقلت لأي أحد من أهلي ..
يبي يتزوج علي وحدة من اللي كان يطلع معاهم من دول شرق آسيا ويبي يطلعني من الشقة اللي ساكنين فيها بحجة ان الايجار مكلف ويسكنني في غرفة انا وابني في منزل اهله الشعبي القديم ..
ويبي يتأجر للزوجة الجديدة شقة ..


ساعدوني واللي يرحم والديكم
انا الحين افكر جديا جديا بالطلاق بس ولدي كاسر ظهري ..
انا مابي كرامتي تنهان اكثر من كذا ..


[line]
آسفة على الاطالة ..
بس ابي مساعدة عاجلة أرجوكم

المصدر: نفساني

عزيزتي ..انا بصراحه اشعر باني لم أفهم المشكله ولم تتضح الصوره لدي..لهذا رجائي بأن تساعدني لأستطيع مساعدتك...
*أنت تحدثت عن سلوكيات زوجك وعلاقاته...ولم تذكري كيف كشفتيها ...كيف عرفتي بأنه يسافر ليقابلهن وأنه يتبادل القبل ووووو كيف أنت متأكده منذلك؟
تحدثتي عن الخيانه لكن ذكرتي أن سبب خلافاتك معه هو تسلطه عليك ورغبته بأن تنفذي ولا تناقشي.
ذكرتي الخيانه ثم ذكرتي الضرب.......ما حكايته؟
ماذا فعلت وما موقفك لما عرفتي بخيانته لك...؟
اين اهلك من الصوره؟ وما رأيهم وما موقفهم من الموضوع؟
بإنتظارك

السلام عليكم ..

اشكر الاخصائية نورة بالتفضل والرد علي ... وأنا بدوري سأجيب على الأسئلة التي طرحتيها ..

في بداية الأمر كنت اكتشفها صدفة .. عند استعمالي لجهاز الكمبيوتر ..

او عند استعمالي هاتفه ..

انا بطبعي فضولية واحب اطالع بغرض التسلية .. بعلمه طبعا .. فلما كنت اشوف ايميل او مسج مصدره بنت اصارحه واسأله .. واتناقش معاه ونتفق على انه يقطع علاقته مع هالبنت .. بس بعد فترة اكتشف انه مازال على هالعلاقة...

مرة بعد مرة .. ووعد بعد وعد ... لحد ما انعدمت ثقتي فيه نهائيا ..

صرت اشك فيه دايما ومستحيل اصدق انه يجي يوم من غير مايكون له علاقة مع بنت .. لانه مايقدر يعيش في هالحالة ..
فكنت اتقصى وراه .. في الايميل والجوال وأي شيء اقدر عليه من غير علمه طبعا ..
طبعا كنت احاول اني اسأله اسئلة بحيث اني اخليه يعترف بس من غير مايحس اني كنت عارفة بهالشيء لكن .. ما اسرعه في تأليف الروايات والقصص ..
اصبح الكذب شيء مثل الاكسجين يسري في دمه ..
لكن الايميلات كانت كافية بفضح كل شيء ..
وعند السفر ماكان يقولي الا بعد مايسافر .. يتصل علي ويقولي ترى انا في المكان الفلاني ..

اما اهلي ففي بداية زواجي لجأت لهم ..لكني قلت خلني احل مشاكلي بنفسي وكل بيت وله اسراره ومايصير كل مشكلة امر فيها الجأ لهم ..اعتقدت ان رايي كان صح ..
لما تدخلوا اهلي في الموضوع تحسنت احواله لفترة .. ثم رجع للي كان عليه ..
في الفترة الاخيرة صار يبي اي حجة عشان اروح بيت اهلي ..عشان كذا لما زادت المشاكل ماكنت ابي اطلع لاني ان طلعت مارديت ..
وهذا اكبر غلط ارتكبته في حياتي ..وهو عدم مشاركة اهلي في مشاكلي ...

اتمنى اني اكون رديت على التساؤلات المطروحة ..

اما عن كلام الاخ الانسان ..

فانا لم اكن اتجاهل اخطائه .. حاولت اتناقش معاه لكنه مايهتم للنقاشات .. وماكنت اقدر امنعه من السفر لان جوازه بالسيارة وفي اي وقت يبي يسافر يسافر من غير اي علم لي..
لما يوصل يتصل يقولي .. ولما كان يقولي واحاول معاه انه يترك السفر يعاند ويركب راسه..
على العموم شكرا على النصائح القيمة ..وتراني عن جد اشك انه مسحور ..
الله المستعان ..

عذرا على الإطالة ...
وشكرا

عزيزتي..حان الوقت لتصحيح الغلط الذي ارتكبتيه وهو السماح لزوجك بخيانتك والكذب عليك ...... طوال هذه السنوات
لقد حان الوقت ليتوقف كل ذاك...حان الوقت....
أنت دربتيه وعلمتيه بأن بإمكانه ان يخونك..وبكذبه أو كذبتين أو وعد غير صادق يعدي الموضوع... هل فكرتي ماذا كان سيفعل لو كنت أنت من يقوم بذلك
دخلي أناس كفيلين بوقفه ...وتعليمه كيف يحترم بنات الناس ويصون شرفه وشرفها....
عزيزتي...انتبهي لنفسك...فهناك تاكثير من النساء المصابات بأمراض جنسيه خطيره بسبب أزواجهم...أحمي نفسك واجعليه يستخدم الوسائل المناسبه لذاك...
ويجب أن يكون هناك موقف حازم منك ومن أهلك...وربما أيضاً أهله...فهذه خيانه....
وهذا راي
وقلبي معك...انا مستعده للمساعده بأي وقت.