اي مستشار ابيه يساعدني والله اني بأمس الحاجه لكم

اي مستشار ابيه يساعدني والله اني بأمس الحاجه لكم

السلام عليكم ورحمة الله وبركاته
بصراحه انا محتاجه لاي اخصائي نفسي او اي مستشار يساعدني انا في مشكله كبيره وحتاجه لهالمساعده وادعيلكم انشالله بالخير والسعاده انا تزوجت من 3 شهور وزواجي كان تقليدي اقصد اني ما اعرفه مجرد ان شافني يوم اللي يا يخطبني وبصراحه تمت الملجه على طول وفترة الملجه كانت بس 5 ايام وتزوجنا على طول والسبب ان يبي يسافر يكمل شهادة الدكتوراه المهم لاحظت عليه كثرت الخطوط الثانيه ايام الملجه ولما تزوجنا نفس الشي انا اللي ابعث مسجات وكلام الحب بس ما يبادلني هالكلام سافرنا والحين احنا بالخارج والله اني موفرته الجو الدراسي وحتى شوي وانسى شلون اتكلم كل هذا علشان ما ازعجه في دراسته توقعت في البدايه ان قعدته عالنت لساعات للدراسه بس تبين لي بيوم ان ما يدرس داخل على موقع mirc وطبعا معروف ان للكلام اللي ماله معنى والسوالف وبيوم نسى موبايله اضطريت اشوف لان اهو شككني فيه من البدايه وشفت مو رقم ولا رقمين ارقاااااااااااااام لبنات ومسجات منهم وبكمبيوتره مو بس ايميل واحد فاتح 6 ايميلات بنفس الوقت والله والله بشوف عيني اكثر من 50 بنت ولما فاتحته بهالموضوع صرخ بويهي وما قدرت ارد عليه وقلتله بنفس الوقت انت ليش بالجماع تريح نفسك بس ترى اللي معاك لها حق تخيلوا ان هذا وانا يسموني عروس لمدة شهر كامل ما لمس ايدي ولا فكر ان يجامعني كل هذا لاني طلبت ابسط حق من حقوقي ولاحظت عليه تم لفترة يمارس العادة السريه هذا وانا معاه بنفس البيت بعدها قالي ما ابي هاللبس اللي انتي لابسته وشنو لبسي وانا بالبيت اذا ما اتزين له اتزين لمنو كنت لابسه قصير بـــــــــس مو عارفه هل هذه مشكله قلت ان كل واحد متزوج يحب يشوف زوجته كاشخه قال انا ما احب وتقبلت منه الموضوع وانا ساكته وبعدها بكم يوم دخلت الغرفه لقيته يكلم بنت سألته ماحطلي أي اعتبار ولا قالي انا اسف هذه لحظة طيش مني تفاجأة يقول وحده من الطالبات اللي كنت ادرسهم قلتله ليش ما خليتني اكلمها صرخ بويهي وقالي تبين تفشليني هذه يعني ان مايبي ينهي الماضي اللي عنده بالعكس يبي يستمر بصراحه مشكلتي ياليت توقف عند هالكلام وبس المرأة شنو تحتاج محتاجه لكلمه حلوة والله والله والله اني من تزوجت ابسط كلمه واهي الله يعطيج العافيه ماقالها كلمة احبج ماقالها والله ان اذا زفني اظل ساكته مو عارفه شنو يبي اكثر من جذي مطيعه له بكل شي والله اني اذا قربت منه ابي اهمس باذنه او سوري على الكلمه ابي ابوسه يدزني بقوة ومو مره ولا مرتين اتبع معاي هالاسلوب أحس انه مريض وفيه نقص وللعلم مافيني شي اللي يكرهني الحمدلله بشهادة الناس اني جميله وماعلي قاصر ومن ناحية النظافة الترتيب والنظافة دايما على حسب الاصول يعني والله مو مقصره بشي ابي حل والله اني تعبت وانا ادور على احد يساعدني ولا تقولون اهلج اهلي كلمتهم وقلت لهم اوصلت للضرب دايما اسمع منهم تحملي ولا تفكرين بالطلاق أرجووووووووووووووووووووووكم والله انا بحاجه للمساعده

المصدر: نفساني

هلا بك عزيزتي :
لا أود أعطيك المسكنات المؤقتة و لكن بدون أي نقاش تحمدي ربك إنك لم تحملي منه و يأتيك أطفال من هدا الرجل , و أنا شعرت جدا بمعاناتك و لكن لا بد من إتخاذ الإجراء اللازم و هو الإنفصال ! نعم فهذا ليس كفؤ للزواج ولا يستحق مواصفاتك كما ذكرت و لا تقولين لي أهلي لا يرضون و يقولون لي تحملي لا عزيزتي هذه حياتك و أنت من يعاني و يشعر بألم و لا أقصد من هدا عدم حرص أهلك بالعكس هم من شدة حرصهم لا يريدون الطلاق و لكن لا بد أن يتفهموا الموضوع لعل ربي يوفقك بأفضل منه و بما تستحقين , كما قلت لك سارعي بحل موضوعك قبل أن تنجبي أطفال ليس لهم ذنب إلا أنه أب لهم و تندمي ذلك الوقت و تقولين لولا أطفالي فعلت و فعلت و فعلت ...............!!!!!!!!!!!!!!1
تمنياتي لك بالتوفيق و أتمنى أن لا تتضايقي من كلامي فهذه وجهة نظر لا أكثر و بإمكانك أن لا تأخذي بها .

مشكوره يا أ.رشا بصراحه كلامج مقنع بس شسوي مع اهلي انا متضايقه من تصرفهم معاي امي تهددني تقول ان تطلقتي راح احرمج من السياره والدوام والموبايل كل هذا لان راح يسموني مطلقه وانا ما اعتبر هالشي عيب بالعكس ياما بنات وبنات مظلومين وتطلقوا بسبب ان ازواجهم مو مريحينهم وفي العكس بالعكس يكون الريال جدا محترم بس البنت تكون بعدها ياهل وتبي تستانس بدون زوج والله انا اعترف بشغله اهو مو مخلي علي اي قاصر بالبيت اذا طلبت شي بسرعه يروح يجيبه بس تصرفاته مو طبيعيه اذا صارت هوشه بينا اول شي يسويه يشيل الموبايلات يخاف ادق على أهلي والحين افكر امي دايما تقولي كل الرياييل جذي تحملي دايما يكون لهم ماضي وفترة ويخلص دايما تسألني حملتي ولا لأ حاولي كل يوم اذا حملتي راح يصير اوكي انزين انا خايفه بالعكس لما يحصل شهادة الدكتوراه يتمادى بزياده وكل طالبه وده ان يكلمها وتكون له مو عارفه حاسه مخي ضربت فيوزاته ومو قادره افكر احس كل يوم بعد يوم ودي انتحر وافتك من هالدنيا ما احس ان ريال عمره 32 سنه شنو خله للمراهقين؟؟؟؟؟؟؟؟؟؟؟