انا صعبانه علي نفسي

انا صعبانه علي نفسي

السلام عليكم
انا بكتب لكم مشكلتي الي مكدرتني ومعكره حياتي....يمكن ما الاقي عندكم الحل لكن انا محتاجه افضفض واسمع ارائكم
انا زوجي مو متفرغ لي نهائيا
دايما قاعده بروحي بالبيت واذا احتجت منه شي او في قلبي سالفه ابي اقولها له صدقوني انه ما في حل الا التليفون!! والله ما اجذب عليكم وهذا اذا كان فاضي ويقدر يرد على التليفون!!
انتوا شوفوا روتينه اليومي وحكموا....
عنده دوام صبح وعصر من الساعه 7 الصبح الى الساعه 7 بالليل وعنده ساعتين استراحه بين الدوامين يستغلها ويروح فيها النادي الرياضي واذا مداه الوقت مر البيت غلشان ياكل لقمته وهو واقف ويمشي ..ولما يخلص دوامه يروح لمكتبه الخاص وما يرجع البيت الا 11 او 12 بالليل وحزتها يبي ينام على طول لانه يكون ميت من التعب
ايام الويك اند يستغلها بالنوم علشان يعوض تعب الاسبوع واذا قعد يروح الدوانيه واذا كان مزاجه زين ممكن يطلعنا انا والياهال ساعة زمان واثناء هالطلعه تلفونه النقال ما يسكت وبالاخيرر يقول خلاص انا مشغول لازم ارجعكم البيت
انا اقوم بكل شي اوصل الياهال المدارس و اشتري ماجلة البيت واودي الطبيب حتى السياره اوديها البنشر اذا اختربت لان ماعنده وقت
دايما تعبان ودايما يوعد ويخلف لانه ما عنده وقت لي...
دايما اقول له وفر من وقتك شوي حقي وحق الياهال ويقول لي ان شالله وبعدين ما اشوف شي...
انا انسانه لي حقوقي وما ابي عيني تروح يمين ولا يسار ...حتى التزين واللبس ما عاد لي خلقه لاني راح البسه حق منو مافي احد؟؟انا محتاجه احد اسولف معاه ويسمعني احد اشكي له همي واسولف له عن طموحي واحلامي..انا متاكده انه ما يعرف شخصيتي لانه اصلا ما حاول يقعد معاي ويفهمني دايما مشغول عني..
انا احبه واتمنى في يوم يحس بقيمتي وبالمجهود الجبار الي انا مسويته علشان احافظ على البيت و العيال ...ساعات افكر اقول بروح اصد عنه بيت اهلي شوي هلشان يفقدني ويحس بقيمتي وبنفس الوقت مابي احسس اهلي انه مهملني
هذا غير سفراته الي ما يطوف شهر الا ويسافر بحجة ان هذه السفرات ملزمه عليه لخدمة عمله الخاص بالاضافه الى سفرات اخرى تخص دراسته بالانتساب بالخارج واحيانا تصل مدة غيابه الى الشهر
احس انه اناني وما يفكر الا بنفسه وليلحين متعود على حياة العزوبيه..انا تعبت من النقاش معاه الي ما يعطي نتيجه
يا جماعه عطوني حلولكم اشلون اخليه يلتفت لي
انا ادري انه ريال مستقيم ويعرف ربه وما اشك فيه انه يعرف غيري لكمن اشلون اخليه يلتفت لي؟؟

المصدر: نفساني

هلا فيك عزيزتي :
فهمت و شعرت بك ولكن ألاحظ تناقض بكلامك عن زوجك فطالما أنك تعرفين إنه يخاف الله و رجل مسقيم فصدقيني بمناقشتك له سوف يتغير غإ كان يخاف الله على قولك لأن الرجل المسؤول سوف يعرف حقوق زوجته و ما له وما عليه , فدعي لغة الحوار بينكما هي التي تحكم حياتك , غإختاري الوقت المناسب و لا تدعي أي من مشاعرك مخفية عنه ولا بد من توضيح كل ما تعانين بهو بكل ما ترغبين به و بما تودين و فكري بأشياء ترغبه بالجلوس معك مثلا تغيير أشياء من مكانها أو تغير نمط ترتبك لتسريحة شعرك أو ملابسك , وتفائلي خير بإذن الله

جزاك الله خيرا
لكن لا فائده من النقاش فهو دائما يؤدي الى غضبه !
وانا الان خائفه جدا لانه سيسافر عني لمدة طويله

هلا بك عزيزتي :
طالما أنه يغضب من مجرد النقاش كيف بتكملين حياتك معه أرجوك فكري بنفسك و حبيها لكي تحبي الاخرين و لا تخفي عن أهلك وضعك لأنه سوف يأتي يوم تندمين فيه على ذلك أرجوك و لا تحملي نفسك أكبر من طاقتها فأنت أنثىىىىىىىىىىىىىىى!
تمنياتي لك بالتوفيق .