ساعدوني بمشكلتي

ساعدوني بمشكلتي

السلام عليكم ورحمه الله وبركاته ...
حبيبتي ماما فوزيه ... وكل المستشارين
الله يخليكم طولو بالكم علي واقرو كل مشكلي وقولو لي كيف احلها .. صدق هي طويله بس هذي معاناة 7 سنين .. حاولات كثير اني ادق ع د. فوزيه ببرنامج سيرة الحب ولا يلقط معي ابد ... ف ساعدوني ..
انا بنت عمري 22 سنه ادرس طب بشري ب مصر سنه خامسه.. من عايله معروفه وغنيه كثير والحمد لله بس ماهو ورث .. ابوي تعب لغايه ما وصل للي هو فيه ..
ترتيبي الاصغر بين 5 اخوان واخوات ..وكلهم دكاتره ..و والوالد معه ماجستير وامي ثانويه وربه منزل ..
انا احب شخص لي 7 سنين من عرفته ,, واخر سنتين وحنا فكرنا جد انه نتزوج لانه خلاص لمتي ...
هالشخص الي احبه من نفس جنسيتي ولكن من مذهب غير مذهب عمره 26 سنه, و والده متوفي من قبل 4 سنوات وكان يدرس هندسه وبعد ماتوفي والده اظطر انه يطلع عشان يشتغل ويصرف ع امه , ا اشتغل ب بنك براتب ع قده وقد شهادته ,,
هو اصغر اخوانه ..بس كلهم متزوجين وكل واحد عايش مع عياله ومالهم شغل بأمهم وهو الي يصرف ع امه وهو الي عايش معاها الان بشقه بعد ما باعو بيتهم عشان الورث ,,
طبعا السبب الاساسي الي خلاه انه يترك دراسته كان من اصرار من امه انها تبيه قربها , وهي يجيها راتب ,, وهو بعد يجيه طالما هو يدرس ,.,,بس حنت فوق راسه لغايه ما ترك دراسته لان المنطقه الي يدرس فيها تبعد ساعتين عنها فكان يجي بالويك اند بس , , انا طبعا كنت احاول اخليه يكمل بس مااقدرت ..
قعدت ادور ع جامعات او اي شي انتساب لاني ماابيه من غير شهادات ثانيه لنفسه لعمره لمستقبله .. ف لقيت الجامعه العربيه المفتوحه ورحت وحنيت فوق راسه ورحت معاه و دفعت انا اول ترم له هناك عشان راتبه كان تو مانزل .. قسم بالله اني انا الي احل واجباته واسهر ع ابحاثه لانه ماعنده وقت مع البنك يطلع 10 بالليل ينام ليوم ثاني عشان دوامه 7 :30 وربي عاذرته ..يعني انا مريحته ,, اقعد ادرسه بالتلفون الخص له وارسل الملخصات عشان تهون عليه دراسته ,, هو بقسم دراه اعمال الان ..
وماشي ,, لكن السنه هو ياخذها بسنتين لانه مايقدر ياخذ اكثر من مادتين بالكورس لانه مايقدر يستأذن من الدوام ..ف 4 سنين تصير 8 سنين ...وله سنه ونص الان بس خلص ..
وهو عنده اهل متشدددين مره من ناحيه المذهب .. وعندهم ياخذ كافره ويهوديه بس انه ما يخذ من مذهبي ابدا لانه في نظرهم حنا كفار ..
وامه بعد كانت رافضه وحالفه عليه انه مايخذني ...بس انا والله مع اني انهنت كم مره منها بس والله كنت احاول اتقرب لها .. كنت اجيب لها هدايا .. وبالمناسبات ارسل لها مسجات ولا قصرت ابد ..لغايه ما بيوم هي الي دقت علي بمصر ,, تبي طلبات من هنا .. قلت الحمد لله ومن عقب وصارت تدق كل يوم وتسولف معي وتقول والله لو هو الي ما تقدم لك انا الي بغصبه عليك ...و رحت مره عندها البيت عشان اعطيها اغراضها الي وصتني عليها ,, صدق رمت كم كلمه تجرح بس قلت عادي ...
هذا من ناحيته هو ..
من ناحيتي انا امي و وحده من خواتي يدرون عن معرفتي فيه ... وبالذات امي قريبه حيل ومااخبي عنها شئ ..
ومره قال لي حبيبي انه لازم امه تشوف امي عشان يتعارفون ولتطمن امه انه جاد صدق ما يلعب فيني .. وقال لامه ..في البدايه رفضت وقالت لا ,, بس حاول يقنعها وبالفعل طلعنا احنا الاربعه ع عشاء ...بس لغايه ما طلعنا امه ما قلت ولا شي من ناحيه انها تبيني لولدها قدام امي!!!و ولدها استغرب كثير من هالتصرف وانه كان الهدف من العشا هالشي وليه ماقالته !!!
وعدت هالسالفه ومشت ...
وبرمضان الي راح تكلم مع امه متي يجون يتقدمون , قعدت تحلف مليون يمين وانها رح تتبرا منه لو تزوجني!!!لاني من مذهب ثاني!!وقعد يبكي ويترجاها ولا هي راضيه ..طبعا انا من عرفت انهرت وبكيت بكي 3 ايام ... رابع يوم دق علي قال لي لحظه الا امه تكلمني تعتذر مني !!تقول هذا ابليس لعب بينا وان شاء الله انتي له وهو لك!!!
وعدت هالسالفه ...بس من عقبها انقطعت اتصالات امه الي كانت قبل ,,
عقبها تكلمت مع اختي اني بخليه يتقدم ع الصيف فقعدت تصارخ انه كيف تخلين شخص مثل هذا ماعنده شهاده يتقدم لك وانتي دكتوره!!مافي اي تزوان بينكم..لا فكري ولا اجتماعي .. وقعدت تقول لي من فين رح يعيشك من راتبه...الي هو عباره عن فاتورة جوالك!!
وقالت كلام كسر فيني شغلات كثير ... وللامانه هو مايقصر معاي وربي من يجيه القرش يا انه يجمعه لزواجنا او يحطه بهديه فيها القيمه لي .. ماتمر مناسبه الا وهو جايب لي بسبب ولا من غير هدايا ..
وربي اني احبه ومااقدر اعيش من غيره ...اختي اخر كلامها انه اذا مابقا له الا سنه ع التخرج خليه بتقدم الان لا!!!
مع ان اختي متزوجه شخص من جنسيه غير ومذهب غير بس ماشاء الله عليه متعلم وربي منعم عليه وكانو يحبون بعض ...
مشكلتي ماهي وحده ... عده مشاكل ...
ابوي الي مدري كيف اقوله ان احب هالشخص او كيف حتي اقوله اني اعرفه!!
بالعلم ان ابوي يحب اختي هذي كثير ويسمع رايها دوم ... ولو هي ظلت ع موقفها لا يمكن انا اتزوج
..اختي واصرارها اني مااخذه كل ماقلت لها انه سوا شي كويس ماعجبها
امه .. وتصرفاتها الغريبه .وانها يوم راضيه علي ويوم لا.. ((هي عندها امراض نفسيه بس بالضبط مدري وش هي وتسنخدم فاليوم))
اخوانه المتشددين الي حالفين يقاطعونه لو اخذني
الفرق المادي الي تتكلم عنه اختي ..
تكفون ساعدوني من حيرتي ..

المصدر: نفساني