ارجوا مساعدتى فى موضوع زواجى ؟؟

ارجوا مساعدتى فى موضوع زواجى ؟؟

بسم الله الرحمن الرحيم

لا اعرف من اين ابدا وماذا اكتب ولكن بصدق ان افى مازق كبير بداية فى احدىة اليالى اتصلت على زوجة اخى واخبرتنى ان هناك بنت جيدة وذكرتها لى بخير وانهم سوف يقبلون بى زوج بها المهم فى طلبت من اخى انة يتصل بهم ولكن اخى طلب منى ان لا اخبر اهلى وسوف يحدد يوم ونذهب لكى نرى النظرة الشرعية وكل هذا من ورى اهلى وعند دوخلى احسست بشعور عادى جدا ولم احس بنجذاب لها وعند خروجى غصب على اخى بهم وانا كنت مو مقتنع ولكن سايرتة وتمت الخطبة وتفاجأ اهلى بالموضوع ورفض اهل العروسة ان يرها اهلى المهم تمت الخطبة والملكة بسرعة وانا احس انى منى مقتنع ولم اتمكن حتى من الحديث معها كانوا اهلها يمنعونى بالأمس بعد الحاح من اخوى واهلى بظرورة اتمام الزواج ذهبت معهم لتحديد موعد الزواج واتفقنا على كل شى ولكن عندما دخلت عليها احسست بنفور وعدم ارتياح ماذا اعمل وجهونى اريد ان انهى الموضوع انا متضايق منة ومابيها والكل من اهلى يتوعدنى اذا تركتها احس انى تاية وخايف من اهلى ويش رح يصير انا عارف انى تأخرت فى الرفض بس بصدق هية متعلمة واهلها ناس طيبين ومعروفين بس منى مرتاح وجهونى ارجوككم خبرونى ويش اعمل احس بطفش وزهق وتعب من الموضوع هذا ابى ارتاح

المصدر: نفساني

مرحبا أخوي من الاحسن أنك تتركها وما تظلمها معاك مدام انك مو مرتاح لها وما تدري لعل يكون فيها خير لك واصل في الاستخارة والدعاء والله يكتبلك الي فيه الخير ...................

المفروض الواحد اذا كان مريض يتعالج قلب يفكر في الزواج

والله شي يخنق وش دخل البنت هذي الحين بالله عليك

وش ذنبها قالت لك تعال اخطبني عشان تطلقني

شف اخوي البنت لو طلقتها راح تستوعب بما انها متعلمه وتدري انك مو كفوها

بس انصحك تستخير قبل وتدعي الله يشرح صدرك وييسر امرك

وانصحك لو تتصل فيها وتحاول <تطقها ميانه معها>

لحد ماتحبها وتدخل مزاجك وانصحك ماتستعجل تتزوج وانت متردد ولا تقول اهلي

انت رجال والموضوع يخصك تقدرتأجل على كيفك بس لاتتهور وتطلق بسرعه

معليش اخوي احس بتحيز ضدك مدري ليش؟

ايش هذا الكلام ياعروس الاحزان انتي مخطئه يا اختي لو كمل معاها راح تطور الامور ويطلقها في الاخر وش ذنبها تصير مطلقه ومعاها اولاد الحين ماصارشي اخوي عزم وطلقها بعد استخاره اكثر من مره ولما تتاكد من صدق مشاعرك اخوي لازم يكون عندك راي انت منت طفل يسرون بك زي هواهم رجال وعاقل وبكامل قواك اخوي مصلحتك اهم شي وخل عندك عزم وانصحك اخيبنصيحه انت انسان عاقل بس عندك مشكله انك ما تقدر تاخذ قرار وموضوع زواجك هذا اخي تقدم لعياده نفسيه يساعدونك ويعطونك التوجيه السليم العياده مو للمرض وبس حتى المقدمين على الزواج يتجهون لنصحهم انت مولاقي احد ينصحك بعقلانيه شو ي روح وتوكل على الله وادع لي وشكرا اذا احتجت نصيحه مالك الا اخوك المفتاح

اخي العزيز
ليه انت مو مرتاح لها؟؟؟ من كلامك انه ما صار بينكم اي مناقشات او اي احتكاك سوى النظره الشرعيه
وان من رأيي ان الحاله اللي انت فيها لها سبب واحد فقط انك مو مقتنع بفكره الزواج ومو متحمس للفكره
هاذا اللي خلاك تكر البنت
والحل برأيي هو ان تأجل الموضوع والاستخاره والدعاء
وان اوافق الاخ المفتاح انك تروح لعياده نفسيه تستشيرهم
وفي الختام اتمنى لك وجميع المسلمين حياه زوجيه سعيده باذن الله عز وجل

مو غلط انك تنسحب اذانت مو حاس انك قد المسؤليه عادي الموضوع انسحب بكل دبلماسيه بطريقه ماتجرح الطرف الآخر وهي خلي دمك ثقيل على اهلها من كثر الطلبات في تاخير او تقديم الزواج وناقش مواضيع تافه علشان يملون منك ويحسون انك تافه والفكه منك غنيمه وصدقني راح يعطونك المهر كامل بس بعد ميقولون الحمدلله الي ماتوهقنا معه وبعدين تنسحب من الاول افضل من التقدم الي مراحل متاخره