|
((خاص)).. الى الدكتوره فوزيه الدريع
السلام عليكم
اول شي اسمحيلي على لغتي العاميه لاني مو ذاك الزود بالفصحى
حبيت اخذ رايج بمشكلتي لانه رايج يهمني كونج دكتوره وعارفه الحياة اكثر مني
مشكلتي اني عرفت واحد تقريبا من سنتين امه ماتت بولادته وصرت له الام والابو وكل شي صرت ماافارقه ولا دقيقه وكنا نحلم انه نعيش مع بعض لي اخر العمر محد يفرقنا وبهذي السنتين عقب ماخلصت وتخرجت من الثانويه حب انه يتقدم لي بس المشكله في ابوه فتح له الموضوع وماوافق كون ابوه مادي ويحب يزوج عياله زواج مصالح رفض هالزواج بدون سبب والسبب الوحيد اللي قاله اني حضريه واهو بدوي وانا ماشوف انه هالسبب مقنع المهم انه عقب هالسالفه ماقعد قي البيت وسكن عند جده حاول الجد بكل الطرق انه يوصل لنتيجه لكن عناد الابو زاد
انا مابي اسوي مشاكل بين عايلته وافرقهم عشاني بس يادكتوره مافي ايديني حل
سمعت من اخوه مره لما حاولت اني ابتعد عنه ويعيش حياته انه حاول الانتحار وانا قريت هالخبر بالصور بالجريده وانا الحين ماني عارفه شنو اسوي
خاطبني من قبل اسبوع واحد والحين ينطرون ردي بس انا يادكتوره مااتخيل نفسي اعيش مع انسان غير اللي حبيته بكل مافيني ولا اقدر اضحى بحياة انسان اهو كلشي بحياتي اسفه على الاطاله وياليت تفيديني بهالموضوع؟؟
|
22-02-2006, 11:05 PM
