![]() |
|
![]() |
|
![]() |
||||||||
|
||||||||||
![]() |
![]() |
![]() |
عيادة مشاكل الأطفال لطرح الأسئلة الخاصة بمشاكل الأطـفـال الـنـفـسـية ويقتصر الرد على المشكلات من المختصين النفسيين والتربويين |
|
أدوات الموضوع |
![]() |
#1 | |||
عضو جديد
![]() |
عمرها 8 سنوات و مطفشة اللي حوالينها
السلام عليكم ......ايها الاطباء الفاضلين
اود ان اذكر لكم مشكلة ابنت اختي لعلي اجد حلا لأختي المسكينة مع ابنتها ابنت اختي عمرها 8 سنوات في اولى ابتدائي(رسبت واعادت السنة) طبعا امها ما علمتها انها عادت السنة ونقلتها الى مدرسة ثانية حتى لا يسخروا منها بنات الصف اللذين نجحوا معها وحتى هي لا تتعقد (مو ناقصين) مشكلتها فيها خووووووف مو طبيعي فظيعة مرهقة امها ماسكة فيها 24 ساعة اختي ما تقدر تسكر على نفسها باب الغرفة شوي علشان تغير ملابسها على طول البنت ترجف وتخبط في الباب وحتى اذا جت اختي تتحمم ترجف عليها الباب وتبكي (مرات نحس انها تبي تلفت الانتباة ومرات نقول صادقة ) وحتى هي مستحيل تنام الا وامها عندها في الغرفة ولو انها ما تنام في غرفة لحالها معاها اخوانها اثنين اصغر منها 6سنوات والثاني 5سنوات معها في نفس الغرفة بس لازم امها عندها ........دايم لاصقه في امها وحتى اذا جت امها تكلم بالتلفون تقعد تتسمع لها ما تروح .....للامانة تقعد بعيد شوي عن امها لكن في نفس الصالة ما تعرف تندمج مع اخوانها في اللعب دايم تتضارب معهم وحتى اذا اجتمعت مع بنات مثلها ما تندمج في اللعب معهم او عند التلفزيون تجلس معهم تجلس عند امها .........وعنيييييييدة مرة مرة مرة وتقول لا ماني مسوية كذا وماعليها من احد ما تستحي من احد غريب زي الاطفال تقول لا وما همها في احد اختي متأذية من اخلاقها فظيعة ما كأنها طفلة (مشفوحة) يعني كأنها ما قد شافت خير ابد تاكل وماتعطي اخوانها وتاخذ الشي وتنحاش فية ماتبي احد يشاركها ولو ان اهلها ما يقصرون عنها ابد ما يبونها تفشلهم عند الناس يشترون لها اللي تبي وتكذب كثييييييير مرة تكذب ماكأن فيها براءة الاطفال وحتى انا خالتها ما تخاف زي الاطفال انها تخرب غرفتي وتفتح وتحوس واقولها ترى بزعل عليك واللة ما همها ....... نشجعها ونمدحها عند الناس ونقول شاطرة تسمع الكلام لا تسوين كذا ......ماكأنها طفلة احس انها تفهم ان هذا تشجيع علشان تسوي الشي اللي تطلبة امها منها وتعاند امها نادر مرة تضربها بس هي تجبر امها انها تضربها في بعض الاحيان تخرب ما كياجات امها في الموكيت !!!! تنهبل امها تقولها ياشاطرة ياحبيبتي ما يبنفع معاها تاخذ الاغراض منها بالقوة ياللة ياللة وتعاند تاخذ وتكب في الموكيت لمن تضربها امها وتبكي وكذا مع اخوانها الكبار اختي تقولنا هذي استشارية استفزاز ماندري لية كذا ؟؟؟؟؟؟؟؟؟؟؟؟؟ ما تغير ملابسها بنفسها ....ياللة ياللة شي بسيط تقولها امها وتشجعها بس ما ينفع مرات تتركها تقول انتي لبسي نفسك وتروح وتخليها ......تقعد تبكي و اذا قربوا منها اخوانها الصغار تضربهم وتتطلع بملاسها الداخلية عند اخوانها الكبار وماتعرف العيب لمن امها تظطر ترجع لها وتصرخ عليها وحتى اخوانها لو قالوا لها عيب ماهمها في احد ترد عليهم بكلام استفزازي لمن يضربونها !!!!!!!!!!! اختي قالت لأولادها لا احد يضربها واذا استفزتكم نادوني بس لا تضربونها (بس هم يضلون صغار 12 سنة و14 و17 سنة) هي بنت وحيدة بين اولاد اولادها الكبار على انهم اولاد بس ينقال عنهم مؤدبين بس هذي مسكينة الاخلاق رايحة فيها .......... اختي منهبلة ......... مع مع البنات اللي في عمرها ينهبلون منها ما يحبونها تلعب معهم تخرب عليهم اللعب كل شوي تتزعل عليهم وماتنفذ اللعبة معهم صح لمن يطلعونها برا اللعبة وماهمها ترجع عند امها تتسمع سوالف الحريم حتى اذا ودتها امها الطبيب ينهبل منها الطبيب ما يخليها يكشف عليها فيها ربو البنت بس الحمد اللة تكبر ويخف بس حتى البخار بالقوة يحطة لها الطبيب وش يسون فيها يخلونها تموت؟!! حتى احنى خالاتها نحس ان ضغطنا يوصل مليون تستفز مرة وعنيدة واللة ندعي لأختي المسكينة نقول اللة يصبرك (طبعا مو قدام البنت) اختي تقول من بعد ما جبت الولد اللي اصغر منها وهي متغيرة اول كانت مؤدبة ولطيفة ........... ولو ان العز لها يشترون لها ويحظنون فيها ويمدحونها بس سبحان اللة ماندري وش الحل معها المشكلة اخوانها اللي اصغر منها بدؤا يقلدونها اختي بتنهبل تقول بأموت من هالأطفال مو ناقصة وحدة يكملون علي الاثنين اللي اصغر منها تقول كل عيالي على انهم اولاد بس هذي البنت عن 10 اولاد اللة يحلل اخوانها مو زيها المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|