الى أ.ع ع الصبيحي الاولاد متعبيني
انا دائما اعمل بنصايحك لاني اشوف واقراء عن التعامل مع الاولاد بس ماعندي صبر خاصه وزوجي يصرخ علي قدامهم ويضربني رغم اني احترمه قدامهم والشكله يقول لهم احترموا امكم ..عندي البنت كبيره وحبوبه وطيبه لكن يويلي لو اقول ان تصرفاتك خطأ تنقلب وتصارخ وتقولي ليش أنت احسن عندها صفة الغرور والكبرياء ..مثل ابوها..واحنا شايلين الكلافه بينا في البيت اهي اقرب وحده في البيت لابوها ودائما مع بعض فرح وضحك لكن فجئه يعصب على شيء ويمكن يكون تافه وهي ما تسكت وتتنازل حتى لو يضربها .بعديرجعوا طبيعي لكن من دون تنازل .واما الاولاد واحد12سنه والثاني اقل من3طيبين ومريحين بس عندهم صفة ارسل ولا استقبل وعنيدين الكبير متعبني في الدراسه ما يبي يذاكر حتى لوجيته بالطيب واوعده بتنفيذ طلاباته يبي ياخد ما يعطي وسلاحه البكاء وانتوا ليش جايبيني وبالعقاب مو دائما اقدر لاني اعطي عقاب مثلا ما خلص مذاكره او تهاون في الصلاه وهو مهمل في نظافته وترتيبه وأقول لاتطلع مع ابوك اهو يعاندوياخذني بطيب وابوه يقولي. مشي الحال مالي كلمه.يخليني اصارخ واضطر العنه والعن نفسي واضربه ولازم يرد يرفع ايده حتى لو ما ضرب الهم انه حط ايده علي عشان يحس ان ردلي الضربه صحيح اذا قلت انا زعلانه ماراح اكلمك يقول ما ابي اموت وانتي زعلانه .والله احبه بس عنيد ويقهرني .واما الوالد الحنون لحظه طيب ومافي مثله في النصائح والتوجيه والإخبار بعاقبة الامور فجئه يسب يلعن يضرب ضرب ما تتصوره يمكن يصير السبب يستحقه ويمكن سبب تافه .حتى الصغير اموت عليه وعلى كلامه لكن بعد عنيد بطلع واقول البس ولم العابك يعاند اقول له انا زعلانه وانت معاقب واجلسه على كرسي وبطلع من دونك يصيح ويقول اسف واحبك ابين له غلطه بس ما ينفذ الي طلبته يمكن مع الصبر لكن مااصبر يخلين اضربه وصارخ عليه غصب عني ماامسك نفسي غير تدخل ابوه وان هذي الطرق عنده ما تنفع دائما مضايق منهم ومن طلباتهم حتى وهم يلعبون..مادري ليش جايب اولاد؟.حتى الصغير يضربه .بلشتكم معاي وادري انا ثرثاره الله يعينكم علي.. الكبيره يمكن اقدر عليها بس ما ابي اضيع خاصه الصغير ويصير مثل اخوه.
|