كمل معي دكتور ياسر المزروع........

كمل معي دكتور ياسر المزروع........

دكتور امس ابوي جاني وطلب انه يكلمني بحكم اني حابسه نفسي في غرفتي وما اكلم احد......قلت يمكن يحسون شوي؟؟ قالي يا بنتي لاتزعلين مني انا احبج والله لو انتي مكاني بتسوين مثلي ويمكن اكثر....قلتله ليش بنات عمي وخوالي يداومون واهلم ما سوو مثلك ماقلولهم نحن نخاف عليكم كان كل الناس اقعدت في بيوتها وخلاص قال انا مالي خص في احد ومومسؤول عنهم كل واحد حر في حياته..... قلتله اللين اللحين اصلا مافي ثقه والا ما سويت اللي سويته؟؟ طبعا غير السالفه وقالي الدنيا ما اوقفت على مكتب وداوم انا ما امانع انج تردين تدرسين ؟؟؟ تخيل قالي عيدي الثانويه وبعدها ادخلي الجامعه يعني احسبها على كلامه اللين ما اخلص يكون عمري 31 قلتله الدنيا تغيرت وين عايش انت المناهج والقوانين وانا مخلصه الثانويه سنه 2000 قال الدراسه مالها عمر احسن بعد 5 سنوات مثلا يكون عندج بكالريوس والا ثانويه!!! مادخل مزاجي هالموضوع ما اتخيل نفسي ارجع ادرس ثانويه احس انه شي يفشل الناس بتضحك علي؟؟ هذا اذا جبت نسبه واذا اصلا اقبلوني في الجامعه وطبعا انا ما اقدر اكلم اي احد انه يدخل في الموضوع مثلا جدي ابوي بيزعل وبيقول تعاندني ما سكتت مصره عالوظيفه وبتكبر السالفه وانا ما ابا مشاكل يكفي خلاص طفشت والله ان نفسيتي دمراااااااااانه لاحول ولاقوة الا بالله وفي نفس الوقت ابا ارضي ابوي ما اقدر انه يزعل وفي نفسي الوظيفه لكن الله مو كاتبلي ابد مكتوب عليا الشقى

دكتور عطني الحل؟؟

المصدر: نفساني

أختي : feedback

ثقي با الله أولا وأخيرا وسترين بعد العسر يسرا , بأذن الله
أختي العزيزه ان من ترك شيء لله عوضه الله خير من ذالك . لربما كان في تركك للوظيفه خير ورزق لك ومع هذا فهو طاعة لوالديك وأنت بأذن الله مأجورة على ذالك .


تذكري مقولة والدك انه يحبك فكثيرون من هم فاقدي هذه الكلمة . أن رضى الولدين هو المكسب الحقيقي في هذه الحياة ولن تندمي أنشاء الله في طاعتهم .

وتذكري دائما أن لا تحزني ولا تيأسي ولا تفقدي الامل فأنا على يقين بأنك قادرة على التغلب على ماتمرين به .فنحن دائما اقوى من الظروف

أكثري من الدعاء والاعمال الصالحة وسيذهب الله عنك الهم والحزن ويفرج الله كربك بأذن الله

أدعو الله العلي القدير أن ييسر أمرك أنه سميع مجيب الدعاء ...,,,,,,,,