موضوع

موضوع

بسم الله الرحمن الرحيم

السلام عليكم ورحمة الله وبركاته..

الصراحه مني عارفه كيف اكتب او اتكلم بالموضوع لاني اول مره بحياتي اشارك احد مشاكل لي او بالاخص بالموضوع اللي صار لي ..

يعني انا ممكن اغلب الغرض من اني اتكلمت بالموضوع هو حاجتي لاني اشارك شخص وبالاخص شخص ممكن يفيدني رأيه باللي ما اتكلمت فيه مع احد من اللي حولي..

انا مريت بتجربه احيانا اصفها بالسيئه لانها كسرتني ومني قادره اجبر حالي للحين وهي لها مدة والمفروض اعديها من حياتي ..واحيانا اصفها انها مو بهذا السوء لاني المفروض اتغير واتوقف من عطائي اللي ماله حدود ..وهو قبل وبعد كل شي الحمدلله يارب على كل شي

انا من اكثر من ثلاث سنوات اتعرفت على شخص والحمدلله بطريقه ما تمس من احترامي لنفسي ولا لاسم اهلي وقبل كل شي ما تغضب رب العالمين لكن انا حبيته وما ادري اقول هو حبني او لا بس انا بتكلم من طرفي انا ..مر الوقت واتفقنا على الزواج على الرغم من كل اختلاف يجمعنا من كل النواحي
الحب اعمى
المهم انخطبنا ..مشاكلنا ماكان لها اول ولا اخر لكن ما ادري تمسكي فيه كان وش هدفه ..هو اني حبيته انا اعترف حبيته من كل مافيني وما اتكلم عن انسانه مراهقه او انسانه تتوهم يعني الحمدلله انا الكل يشير برزانتي وشخصيتي الراكزه لكن الحمدلله مكتوب ..اتملكنا وكثرت مشاكلنا اللي مارضت تنتهي لحد ما انا قررت اني ما اقدر اكثر من كذا قويت لحظتها وانهيت كل شي ..بس بعد كل من يوم ضعفت مع اني بكل قناعتي ادري اني ما اقدر عليه بس ما قدرت اكمل اللي بديت فيه..لكن انتهى كل شي والحمدلله يارب

المشكله اللي اواجهها اني عجزت اتعدى اللي صار وحياتي تمشي ..كلي تغيرت صرت احس اني انفع امثل بهوليوود من كثر ما انا ابين قدام اللي حولي اني لا عديت كل شي لكن انا من جوا مني انا ..لا ثقتي فنفسي هي ..لا روحي وتفائلي وحبي للدنيا وتمسكي فيها نفسه..لا انا هي انا
فكرت كثير اني اراجع دكتور الصراحه ابي اتكلم مع احد يساعدني ..لكن قلة خبرتي في الاطباء الصراحه عندنا في السعوديه ما ساعدتني حاولت وانا مسافره خارج السعودية لكني ما قدرت ولا الظروف هيئت لي..عجزت اتعدا اللي صار لي كل شي فراسي ينعاد كل مكان كل كلمه كل لحظه .مع انه مرت مده تعتبر مده كافيه اني اتعدا اللي صار بس مو قادره..
الشي اللي احسه متعبني احس ان قلبي انكسر ومو شي انا اتهيئه لا انا حاولت اعدي حياتي ما اوقفها حاولت اكمل دراستي طبيعي حاولت احقق كل حلم اتمنيت اسويه معاه ..وسويته بدونه بس ما قدرت يعني سبحان الله اذا انقال انه شخص ميت وهو حي كلمه ما تنفهم للبعض انا احس اني امر فيها بكل ما لها من معنى
يعني الحمدلله يارب انا انسانه ايماني بالله قوي والحمدلله يارب ملجأي الوحيد اللي دايم التجأ له هو خضوعي لرب العالمين ..بس من بعد الله اتمنى من اللي عنده خبره وقدره انه يتكلم معاي كأخت له وله شور او نصح لا يبخل علي فيه لاني جد احتاج له..

واسفه طولت بكلامي..

المصدر: نفساني

الاخت الكريمه ماعرفتك كل عام وانتي بالف خير
بجد عرضك لما مريتي فيه يوحي لي بانك الحمد لله تخطيتي تلك المرحله القاسيه التى عشتيها والحمد لله على كل حال ايمانك بالله كبير .. وعسى ان تكرهوا شيئا وهو خير لكم
طبيعي ان اي انسان يمر في اي ذكرى لاشك انها تلازمه فتره كبيره بحياته ولاكن الحمد لله لابد على الانسان ان ينسى او يتناسى مامر فيه الله سبحانه وتعالى اعطانا نعمة النسيان وثقي اختي الكريمه ان هناك الاف الشباب الافضل والاميز من ذلك الشخص الذي ارتبطتي فيه دام حياتك معاه كانت كلها مشاكل وخلافات وانتم فقط في فترة الخطوبه تخيلي لو تم الزواج ماذا كنتو ا صدقيني كان تفاقمت مشكلتكم وكان من الصعب السيطره عليها او حلها

احمدي الله كثيرا بان تخلصتي من ذلك الكابوس في بداية الطريق وهذا من حسن حظك
2 / ثقي ان الانسان لن ياخذ الى نصيبه المكتوب له
3 / تاكدي بانك على خلق وجميله وهناك الاف الشباب الافضل والاحسن من ذلك الشخص فاجعلى ثقتك بالله كبيره ولاتياسي
4/ تاكدي ان الانسان هو الذي يضع الام نفسه هو وليس الاخيرين حينما يبقى رهين الماضي
5 / فكري بمستقبلك واتركي الماضي فكري في دراستك زوج المستقبل اهتمي بصحتك اشغلى نفسك بالقراءه الرياضه اي شي ينسيكي الماضي

6 / ثقي بان كل واحد منا لديه اكثر من مشكلتك بالاف المرات لاكننا نطبق الحكمه التاليه (اضحك لدنيا تضحك لك)


دمتى بالف خير

الله يجزاك خير أ.عيسى
وصدقني انا ما جا فلحظه من اللحظات اللي استسلمت فيها لفشلي هذا او هالعقبه اللي مريت فيها بالعكس حياتي جالسه تمشي بمجراها الطبيعي ولا فكرت بلحظه اني بوقفها بسبب اللي مريت فيه ..ان كان مو عشاني فهو عشان اهلي اللي ما مرت لحظه فحياتي الا كانو واقفين معاي فيها ويدعموني بكل ما يقدرون..
اشكرك استاذ والله يسهل عليك دربك