|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
08-04-2007, 06:34 PM
|
#1 | ||||
|
عضو جديد
|
محبان لكن مختلفان إني محتار
السلام عليكم ورحمة الله وبركاته
أنا متزوج منذ 9 أشهر ولا أبناء حتى الان مشكلتنا أنا وزوجتي أنه لا يوجد توافق بيننا .. لا توافق ديني ولا فكري ولا ولا ... نحن نختلف عن بعض كثير فعلى سبيل المثال وأهمها هو التوافق الديني .. أنا متدين بطبعي وعندي مسلمات لا أتنازل عنها أما زوجتي فهي متساهلة إن صح التعبير ... فهي تستغرب تشددي وأنا أستغرب تساهلها .. يعني بصراحة أنا تعبت لي 9 أشهر ما يمر أسبوع إلا وتكون هناك مشكلة وانا حاولت أصلح الوضع لكن ما فيه فايده ... يعني أعطيك أمثلة أوضح لك الصورة .. أول ما رجعنا من شهر العسل هي قاعده تسولف لي طبيعي أنها تجلس مع أخواتها مع ولد خالتها وهي كاشفة وجهها أنا انصدمت وفهمتها بالحسنى أن هذا ما يجوز وثانيا أنا ما أرضى الشي هذا ..... المهم بعد نقاش طويل وعدتني خير لكن هي مستغربه أنا ليش أضغط عليها الموضوع عادي تقول كل قاريبها كذا وهي ما هي شاذه عنهم ... ونطلع من مشكلة إلى مشكلة بسبب الفرق الكبير في مستوى التدين وعدم التوافق الديني ... أول ما أخذتها تحط كحله وتطلع معاي وبعد نقاشات طويلة وحوسه رضخت بس اقتنعت هالمره ... بعدها لقيتها حاطه مسكره وتقول ما تبين ... قلت لها حطي الي ودك تحطين بس اذا حطيتي غطي عيونك ... المهم المسكره نوع من الزينه ... وحتى على صعيد الأفكار هي مهووسه بالماركات وستار أكاديمي والأغاني وانا ما أرضى بيتي 24 ساعه التلفزيون أغاني ... طبعا حذفت كل قنوات الفيديو كليب وهي مستغربة ليش أنا - معقد - كذا أنا أفكر أربي عيالي مستقبلا على العلم والتدين وبر الوالدين وهي تفكر تعلمهم الماركات والأغاني والرقص ... المهم عندها انها تصلي الصلوات وبس والباقي لا تصير معقد في أكثر من مره فكرت في الانفصال لاستحالة العيش معها للبون الشاسع في مستوى التدين في التفكير في النظرة المستقبلية في الحياة الاقتصادية والمالية في الاهتمامات والهوايات في الحياة الاجتماعية وأسلوب العيش أنا غييييييييييييييييييييييييييييييييييييييير وهي غيييييييييييييييييييييييييييييييييييييييير وهي اكذلك كانت فكرت أكثر من مرة في الانفصال لكن قلنا خنحاول نتأقلم أنا يوم خطبتها ما سألت عنها زين وهم برضو ما سألوا عني زين المشكلة الحاصلة الان أني أحس أني ضاغط عليها في أمور كثيرة وهي بعد حاسه أني قاعد أضغط عليها وما تدري إلى متى بتتحمل طبعا هي تحبني كثير لكنها ترى صعوبة الحياة معي كثير وأنا أحبها لكن بدرجة أقل وكل ما عاندتني في موضوع يقل حبها في قلبي . مع أني كنت أحبها أول الزواج الحين أنا ما أقدر أمشي وأغير كل ما أشوف شي أغيره فيها ... هي تحس اني لما أقول لها الله يعافيك لا تلبسين بنطلون جنز واحنا طالعين ولا تعلمين كذا وكذا تحس أني أتحكم فيها طبعا هي كانت في بيتها الفتاة المدللة التي لا يرفض لها والدها طلب وهذا بشهادة جدتها ... والله أني صابر مع هالمخلوقة ألي ما ني قادر أصبر على أطباعها وهي صابره علي وماندري إلى متى بنصبر هي كان ودها تتزوج إنسان متحرر يخليها تكشف وجهها ويجيب لها سواق ويسفرها وتروح للسوق لوحدها ... هذا فارس أحلامها وانا كنت أتمنى إنسانه متدينة قنوعه عندها أنشطة اجتماعية وأفكار راقية واهتمامات عاليه ... هي انصدمت فيني وأنا انصدمت فيها حتى دراستها بفلوس وانا قاعد أدفع ألف ورا ألف ... والله لو أعد ساعات الوناسه معها من تزوجنا تنعد على الأصابع .. أنا متزوج عشان أتكدر كل ساعه طبعا انا استشرت والدي في الموضوع وقال لي لا انتبه ترجعها ... زوجك ان شاء الله بتتغير مع الوقت بس انت لا تخاف .. ويقول بنات الناس مو لعبه تفتحهم بعدين تقول بطلت قلت له مو أحسن من أني أظلمها وأظلم نفسي أنا الان حائر ولا أدري شسوي أخاف أتركها على ذمتي وتحمل ويجني ولد وقتها ما اقدر اسوي شي .. واخاف أطلقها وأظلمها حيث أني أنا المسؤول فلم أسأل عنها جيدا قبل الخطبة وأخاف أتركها وأندم بعد سنين بعد ما تزيد الاختلافات حول تربية الابناء ...وغير ذلك هي أكثر من مره قالت احنا ما نصلح لبعض وأنا أؤيد كلامها .. ولو قلت لي أرضي ربك وما عليك منها .. أقول لك تنكد عيشتي اذا نصحتها ولا رفضت لها طلب المصدر: نفساني
|
||||
|
|
|
09-04-2007, 05:44 PM
|
#2 | |
|
عضو جديد
|
أنا الان أحس أني توهقت بهالزواج وانا قايل لامي من أول من تصلح لي الا وحده متدينة .. وانا من فترة الملكة وانا اشوف اشياء تصدمني من حجابها الا نغمة جوالها ووو لكن تعرف مع ثورة الحب بعد فترة انسى واغوص في عالم الحب
طبعا من أول ما شفت حجابها يوم الزواج انصدمت ، وبعدها سافرنا وشفت بما لا يدع مجال للشك مستوى تدينها وانها مدمنة سماع أغاني وانها منفتحه جدا هي وخالاتها وعماتها وكثير منهن يفتحن وجوههن وانها كانت تقعد مع ولد خالتها البالغ 18 سنة وتصافحه بعد وتسولف معه على الماسنجر والتلفون وانهم يروحون مع السواق لحالهم كل أربعاء يدخلون العصر وما يطلعون الا بالليل انا كأنك معطيني كف على وجهي ... اول ما رجعت من شهر العسل كنت متضايق وكنت حاس وقتها اني توهقت وبقوه .. وانهم هي واهلها ما يصلحون لنا ... فصرت اعملها طبيعي ولا اجبرها على شي او امنع عنها شي ... وهي تحسب اني دموقراطي بعدها باسبوعين يوم عرفت الاشياء هذي كله بديت أفرض عليها الأشياء الي تقتضيها المرجله والدين لكن إلى متى : طبايعهم غير عنا تماما وحياتهم غير عن حياتنا ... وانا صراحه ما اتوقع اني أقدر أصبر ... جالس أدور قواسم مشتركه بيننا ماني لاقي ... يعني من رجعت من شهر العسل وانا متضايق وحاس اني توهقت لكن قلت خلنا نحاول يمكن ينصلح الحال وتتعدل المهم ما فيه فايده بعد 9 شهور احس ان احنا نختلف في كل نقطه .... وصحتي تدهورت وبين فترة وفترة افقد الشهيه ويعتفس نومي هي تربية الابناء مستقبلا مختلفين فيها حتى العمل انا معارض انها تشتغل ببنك وهي ودها وبقوه ... صراحه ما اقدر امنعها من كل شي انا طفشت .. أغلب الأشياء الي تطلبها ما تناسبني صراحه انا ما متعود على حفلات دي جي وحفلات عيد ميلاد وحفلة عيد الأم وانفتاحية بهالشكل .. وهي ما تعودت ان احد يرفض لها هالامور ... والله يا أستاذ حنا عندنا الي يسوي هالحفلات الناس الي ما يعرفون الأصول .. حتى المنفتحين من جماعتنا ما يسوون هالامور .. ساعدوني ماذا افعل فقد توهقت |
|
|
|
|
09-04-2007, 09:17 PM
|
#3 | |
|
عضو جديد
|
طبعا هذه الأيام نجن نعيش فترة ترقب ... هي تحس أني أطبخ شي من ورائها وانا محتار ولا أرتاح حتى أتخذ قرار ..
المهم أعاملها هالأيام بالحسنى يعني أجيب طلبات البيت وأوديها للجامعة وما أغضب أو أنفعل لكن المعاملة بيننا بارده وما فيها أي عواطف .. اليوم دار هذا الحوار بيننا وهي بادرت وسألتني إن كنتُ ندمت يوماً على الزواج منها فرفضتُ أن أجيب قبلها .. فأجابت هي أنها نادمة على أنها لم تسأل عني جيداً قبل الزواج وانها نادمه جدا على هذا التسرع منها ... المهم أنا تهربت من الإجابة وأخبرتها أني أحبها لكن الاختلافات بيننا كثيرة في أشياء كثيرة ولا أحد منا يريد أن يتنازل ... فقالت لي لماذا لا تتنازل انت فكل الرجال يتنازلون وتمشي الحياة ... انتَ الذي تُصَعب الأمور علينا وتريد أن تخلق المشاكل .. طبعا عندها أوقفت النقاش وقلت لها ما عندي مشكلة نناقش لكن بدون تبادل للاتهامات ... بعدها بخمس دقايق دمعت عينها فعطيتها منديل وهدأتُ من روعها وذكرت الله عليها ... هي بين فترة وفترة تقول ما أدري إلى متى بأصبر ... وانا أتمنى في أي لحظة أن تطلب هي الطلاق .. وانا اعرفها ما هي من النوع الصبورة ما تتحمل وهي كذلك تقول انها لن تلتزم بما يرضيني إلى الأبد ولن تعمل شئ إلا بقناعتها ... وانا أشاركها الرأي في أمور كثيرة لكن كل يوم تطلع لي بسالفة غريبة أنا ما اتعودت عليها في بيئتي ... مرة تبي تسوي شفط دهون ومرة تقشير جلد ومره أبي ما ادري ايش واذا قلتلها حسافة نضيع فلوسنا تقول معقولة ما عندك فلوس .. وانا بصراحه معلم وراتبي على قدي 6400 ريال ... أعطيها 500 ريال كل شهر وأسدد فاتورة جوالها بحدود 400 ريال وأطلعها كل يوم جمعة واعشيها بمطعم فاخر وبين فترة وفترة أوديها نشرب قهوة بكوفي شوب ... وما عمرها قالت ودي أروح أزور صديقة لي وقلتها لا .. دايما أوديها على أن مشاويرها متعبة وبعيدة ولكن مع ذلك دايما تقول ياليتك تاجر ولا غني وتتطنز على سيارتي دايما أنها سيئة وتقول انها انصدمت بسيارتي وتقو ل الأشياء هذي في حالتها الطبيعيه واحنا مو متزاعلين ... يعني تتكلم من جد والله بصراحه أحس أني قاعد أضيع وقتي وشبابي وصحتي وأموالي مع وحده لا تقدر أبداً ... المهم قاعده تجيني الام بالبطن هالاوقات ... والله ما أدري ليش كان الله في عوني أتمنى ان تردوا على قريبا لأني ما أبي أتخذ قرار الا بعد استشارة مختص ثم استخارة |
|
|
|
|
09-04-2007, 09:28 PM
|
#4 | |
|
عضو جديد
|
والله أحيانا أقول الحمد لله على قسمة الله وما فيه زوجه كاملة واحيانا أقول لا تقص على نفسك وتجبر نفسك أنك تعيش مع وحده مو مقتنع فيها تماما .. يعني أشوف أشياء يشيب لها راسي وأكتم في صدري ...
|
|
|
|
|
09-04-2007, 10:49 PM
|
#5 | |
|
عضو نشط
|
الأخ الكريم
ارجو ان يكون أول اهتماماتك هو نفسك فانظر وين راحتك , وارم ورى ظهرك العادات والتقاليد وعيب وبنات الناس مولعبة و و و و من هالكلام الي يجعل الشخص ينضغط على حساب نفسه وراحته وبالاخير ينفجر وربما بعد فوات الآوان ان لا اقول لك دعها أو ابقها انت وحدك الذي تستطيع ان تختار - فكر قرر استخر ربك وفرج الله همك ســـــــــامي |
|
|
|
|
11-04-2007, 06:13 PM
|
#6 | |
|
عضو جديد
|
الرجاء من الأستاذ القحطاني الرد لو تكرم
شكرا يا أخي سامي على ردك المقنع
الي حاصل انه مو بس عدم توافق ديني ولكن اختلاف كبير في العادت والطباع .. أعطيك مثال ..... أبوها يجلس يسولف نص ساعه مع زوجة أخوه وضحك وكركره .. وأبوها يجلس مع خالاتها في مكان واحد ويسولف معاهم وطناز وسعة صدر وضحك ويتذكرون أيام أول ... وأمها برضو تجلس مع أخوان زوجها وتسولف ويشربون الشاي ساعه نص ساعه عادي .. تعرف هذا التصرف بالنسبة لي ولجماعتي ايش : فاحشة منكره . طيب هي متعوده تسلم على أزواج خالاتها وياخذون ويعطون بزياده شوي ... كلمتها تقول أنت ليش تضغط علي كذا .. ليش تبيني أكون شاذه عن أخواتي وقريباتي لكنها بعدين تقول ان شاء الله لكن على مضض .. المهم بين فترة وفتره تهدد أنها ما رحت تمشي على أسلوبي في العيش والحياة إلى الأبد لأني في نظرها معقد ... طيب الحين دائما تصفني وعائلتي بغريبي الأطوار واننا مثال آخر انا قايلها مستقبلا لو بعد عشرين سنه ماني جايب سواق .. تقول بسيطه أطلع أنا وعيالي يوديني سواق أهلي ... نروح نتعشى ونتمشى ونغير جو ... قلتلها ل هذا ما يناسبني ولا يمشي عندي تقول الله يعينك على المشاوير أجل ... يا أستاذي البنت هذي مو عارفه تتكيف مع حياتي أبداً المهم حنا بعد الخطبه بكم يوم اتصلت وحده على أمي وقالت لها : الله يهديك يا أم سابع وش الي جاكم وأخذتو منهم .. هذولا ما فيهم شي لكن ما يصلحون لكم ، حياتهم غير ومتحررين جدا ... أمي اعتقدت ان هذي الحرمه حاسده وتبي تفشل الخطبه فما أخذت بكلامها ... أتكلم لك عن النواحي العاطفية : أنا يوم خطبتها كنت معجب خاصة الجمال وكنت مغتر بجمالها وكشختها لكن من بعد الزواج ومن بعد ما شفت ما عاد احمل لها حب في قلبي ... يعني اذا طلعت من البيت ما ودي أرجع واذا سافرت ما أشتاق لها ولا أفكر فيها واذا جا الوقت اني أجيبها من بيت أهلها يجيني هم وغم بس ما أبين لها .. طبعا هذا الشعور بدا يجني من بعد الرجوع من شهر العسل مباشرة وحتى الان ... شوف أنا مو حاقد عليها ولا شي ولكن ودي أطلق سراحها .. كانت تمر علينا أحيانا أسبوعين وأكثر بدون جماع والسبب برود وخلافات .. هذا وحنا تونا متزوجين انا من اشهر الثاني زواج كنت متحمس أني باقدر أغير واعدل واخليها تمشي باذن الله على طريقتنا واسلوبنا لكني ما قدرت صراحه وتقريبا من الشهر الخامس زواج كنت أتمنى أنها تطلب الطلاق في أي لحظه وحتى الان أعرف الطلاق مر وجرح في جسد الحياة الزوجية ... لكني لا أعتقد أني بمقدوري تحمل هذه الفروقات الاجتماعية والدينية الكبيرة ... يعني يبي لي لو طلقت يبي لي أنسى كم شهر بعدين أدور زوجه ثانيه كم شهر ولكن |
|
|
|
|
13-04-2007, 10:51 AM
|
#8 | |
|
عضو نشط
|
ياخي الكريم
حكم مشاعرك وعقلك والنظر اهدي المرأة التي ستعيش معها متوافقين؟؟ ام لا ولا ترجع للماضي والخطبة و و الان انت متزوج وهده زوجتك حدد انت هل ستتوافقون ام لا واحسم الموضوع فالامر كما يبدو واضح لك انكم مختلفين في اشياء كثيرة وفقك الله ســـــــــــــامي |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
