ارجوكم ساعدونى بسرعة

ارجوكم ساعدونى بسرعة

انا اسمى ايمن و عمرى 18 سنة ومن مصر و آدى حكايتى
انا من وانا صغير وانا وحيد مش مختلط اوى كان لية صحاب لاكن عزلوا وبقيت وحيد فضيلت على الحال ده 3 سنين و مع ال 3 سنين دول دموع و دموع كتيرة كمان من الوحدة مكنتش عارف اختلط مع حد كنت متعود ان الناس هى ألى تكلمنى كان اى حد يهزر معايه هزار تريئقة كنت اخدها بجد وساعات لما كان اى حد من صحابى يزعئلى او يترىء عليا فى حاجة مش عارفها كنت اروح زعلان من الكلية و ساعات لو الحكاية فيها احراج الدموع تنزل المهم فضيلت من غير صحاب ومع الوحدة الدموع كترت لدرجة انى مرة صحيت الصبح عشان اروح الجامعة بكيت لما روحت الجامعة واتعرفت شوية لاقيت انى صحابى بئو مشغولين فكنت اقعد لوحدى فى الكافيتريا المهم ألى بقا يحصلى
لما بقيت اقعد لوحدى فى مكان فى ناس لما الاقى الناس وخصوصا البنات بيبصوا عليا
اعرق,واعد ابلع ريقى لغايت لما يدوروا وشهم وكمان بقيت مش عارف اتحكم فى تفكيرى
يعنى لما كنت بصلى كنت اقعد افكر فى امور الجواز و البنات و الجنس و كنت احاول اركز شوية كنت بركز بس كنت ارجع تانى فكنت اسيب الصلى و بعد كدة ابتدت الأمور تزيد لما امشى قدام ناس غريبة الأقينى امشى مشية مش كويسة و لما روحت العب كمال اجسام فضيلت شهرين العب بحماس و جيت فى الشهر التالت انا مش عارف اللى حقولهولكم دة حتفهموا بس ارجوكم تقدروا اللى انا فيه كنت افكر ازاى اشيل البار فاماكنتش اعرف كان يتقل عليا و مرة وقع عليا و اخيرا حاجة قريبة انا ناوى انشاء الله ادخل مشروع غنائى المهم انا الأول كنت بعرف اغانى وكنت بهز الحنجرة انتوا طبعا عارفين اللى بيغنى لازم يهز حنجرته دلوقتى بقيت اغنى اه و هزها لاكن لفترة معينة يعنى وانا بغنى بقيت افكر ازاى اهز الحنجرة بقيت اه بس بعد كده اتعب كنت الأول بغنى لفترات طويلة من غير ما افكر فى كدة لاكن من ساعت ما بقى يحصلى الكلام ده وانا بقيت اتعب و اسكت كنت انزل دموع من حالى ده و اقول يارب اشفينى مش عارف ايه الحكاية دى و مرة كنت بذاكر وبسمع لنفسى روحت وانا بسمع افكر هل انا فوت حاجة ولا لأ و ابقى مش واثق واقوم سايب المذاكرة مش عارف اللى حاصلى يا خونة انا اتجننت ولا ايه مش عارف ومرة اقريبة الجامعة اللى انا فيها كانت عاملة حافلة لما لأقتنى لوحدى ولاقيت كل واحد فى الحفلة معاه حبيبته او صحبته كنت حنزل دموع المهم لما رجعت البيت اعت اسمع اغانى ومع الأغانى الدموع تنزل بغزارة و افكر فى حبيبتى اللى مش راضية بيا واللى انا عايز اغنى و اتشهر و يبقى معايا فلوس يمكن تبصلى ساعتها كنت ابكى عليها كتيير كانت اى واحدة تكلمنى افرح اوى ولما كانت وحدة تبصلى بطريقة وحشة او تكلمنى بطريقة وحشة كنت ازعل اوى ولو فيها جرح ابكى مش عارف ايه حكايت اى حاجة احبها او احط دماغى فيها الاقينى افكر ازاى اجيبها وبعد كدة مقدرش اجيبها زى الغنى وكمال الأجسام اللى قولتلكوم عليها المهم انككم تشوفولى موضوعى ده بسرعة عشان انا داخل على مشروع غنائى ان شاء الله و انا مش عايز افشل فى حاجة عارفها يعنى ربنا اعطانى موهبة مش عايز حالتى النفسية تضيعها ارجو طرح موضوعى فى الصفحة الرئيسية و تشوفولى حل بسرعة عشان انجح بأذن الله فى مشروعى هذا ولكم جزيل الشكر

المصدر: نفساني