ارجوكم ساعدوني

ارجوكم ساعدوني

السلام عليكم و رحمه الله وبركاته
انا مش عارفه ابداء مشكلتي منين بس انا مكتئبه اوي وحالتي النفسيه مدمره انا مشكلتي هي زوجي احنا متزوجين من 3 سنين و عندنا بنوته جميله عندها سنتين كنا عايشين حياه هاديه و جميله مليئه بذكر الله و القيام و قراءه القرأن بس من حوالي شهر مش عارفه ايه الي حصل الدنيا حاسه انها بتتهد من حواليا ما كنش في حد في الدنيا بيريحني اما اتكلم معاه غير هو انادلوقتي بقت اتعب اكتر لما بتكلم معاه يا تري احنا اتحسدنا و لا حد مالي دماغه باي كلام هو كل مشكلته معايا اني مليانه شويها بس انا بعمل رجيم بجد المره دي و ناويه ما فشلش لنفسي اولا لان الموضوع ده عملي عدم ثقه في نفسيي بس المشكله انه بيضغط عليا بشكل سخيف كل يوم يسالني خسيتي اد اي عملتي رياضه النهارده الاسئله دي بجد بتنرفزني بس الي زود المشكله ان اهله دايما يسخروا مني مع العلم اني مهندسه ومن اسره كريمه و كل الناس الي حواليا بقول لي اني جميله و الحمد لله ملتزمه يعني فيا الموصفات الي يتمنها اي رجل وبالرغم من كده حاسه اني علي طول مش عجباه و دايما هو و اهله يحسسوني ان مليون واحده هتموت عليه و عايزه مش مهم اهله بس هو ليه يجرحني كده ده انا عمري ماحولت ازعله عمري ما طلبت منه حاجه دايما بحاول اعمل كل الي في وسعي علشان اسعده هو معقوله الاحسان يقابل بكل هذا الجحود انا تعبانه اوي ياريت حد يفدني ارجوكم

المصدر: نفساني

اختي العزيزة
هوني على نفسك فالأمر أبسط مما تتخيلين بكثير فزوجك لا يريد مضايقتك بل يسعى لتشجيعك على انقاص وزنك لأنه يحبك ويريد أن يراك ي احسن صورة وأن يكتفي بك ولا ينظر لغيرك وهذا امر جميل يستحق الاحتفال بدلا من الض1يق ولا مجال للحديث عن حسد او ما شابه ذلك فكل ما في الامر انك تعاملت بحساسية زائدة واتمنى ان تضعي خطة لانقاص الوزن وممارسة الرياضة لتستردي رشاقتك ولا تفقدينها أبدا وأن تنعمي بحب زوجك لك وتطردي وساسو الشيطان الذي يسعد بالايقاع بين الزوجين وافرحي بتشجيع زوجك لأنه دليل على الحب والاهتمام وابتسمي للدنيا واسعدي بزواجك وبامومتك
وفقك ربي واسعدك
نجلاء محفوظ
كاتبة ومستشارة اجتماعية
ورئيس القسم الادبي المناوب بجريدة الاهرام