اهل الزوج

اهل الزوج

السلام عليكم اشكركم على هذا الباب وما يتميز به من سرية فأنا احتاج الى السرية المشكلة ان زوجي اكبر اخواته ووالديه على قيد الحياة قبل الزواج كان دائما يحكي لي عن اهتمامه بأخوتة وامة وتلبية طلباتهم وكنت اقول اللي ملوش خير في اهله مالوش خير في حد وزي ما بيحب اهله جدا هيحبني جدا وهو فعلا كان بيحبني موت لكن للاسف حبه لاهله اقوى بكتير وممكن يضحى بي انا واولاده الاثنين من اجلهم مع انهم بيستغلوه ماديا ونفسيا جدا جدا جدا وشئ واضح زي الشمس واكتشف ده كذا مرة من امه حتي اصغر اخوتة بيعرفوا يضحكوا عليه وهو اعترف اكثر من مرة انهم كدابين جدا المشكلة انه عايزني اكون زيهم هو قال لي حاولي تضحكي عليا علشان ترضيني وانا لو هاموت مش هنافق او اكدب وبيبان عليا لاني صريحة جدا ومبحبش الكدب ولا الحال المايل ده مش عاجب اهلة وكانو بيحاولو كتير بشتي الطرق يوقعوني في اى غلط علشان يمسكو عليا غلطة مش عارفين يجننوا اكتر ويحاولو يوقعو بيني وبينه بالكذب وافتعال القصص وهو يصدقهم وعارف انهم كدابين بس علشان ميقولوش بتحب مراتك اكثر مننا هو مسخر نفسه لهم والمشكلة انه عايز يسخرني انا كمان لهم وانا مش اقدرة انسي اللي عملوه واللي لسة بيعملوة المشكلة ان جوزي مش محسسهم بحبه لي واني مش مهمه عندة لدجرة اني او اولادي ممكن نمرض بالشهر ومحدش فيهم يسال عننا حتى ابوه وامه وبعد كده ممكن يجو يباتوا عندنا بالثلاثة ايام وانا طبعا بموت من التعب من كثرة طلباتهم وهم عارفين ان عندي انزلاق ولايهمهم يعني عندهم مجرد شغالة وجوزي مش بيزعل انهم مبيسئلوش عليا وبيقولي هم طبعهم كده مبيسئلوش على حد حتى انا مع اني عند حدوث اي ظرف سار وحزين دايما اكون جمبهم ولو بالتليفون يوميا وهما ابدا مش ممكن انا احس ان جوزي بيستخسر فيا حاجات كتير من اجلهم انا مش عارف اعمل معاه ايه انا لسة باقي في قلبي له شوية حب خايفة الحب دة يموت وينتهي وهو مش مساعدني علشان ازود رصيده في الحب ولما الومه يقولي انت انا حته مني لازم تشيلي معي الحمل ده جميل لكن اكتشف اني بشيل الحمل في الضراء فقط والسراء لاهله وانا بتنسي وحصل ده في مواقف كثيرة ليس موقف واحد ولما الشغل كانماشي ومعاه فلوس فكر في الزواج وقالي هذا الكلام على ان يصديقتة هو دايما يصارحني بعلاقتة الاخري يعني بعد ما استحملتة وهو مديون عند الزواج بعد تسع سنوات لما ربنا يسر له الامور فكر في نفسه بس كالعادة وبعد شهر بدا يخسر كل اللي عمله واحدة واحدة وشغله واقف ودايما كان يمن عليا ويقولي انتي عايشة عيشة متحلميش بيها وكنت اقوله احنا بدانا مع بعض ده رزقي ورزق اولادي كان يسخر كني دلوقي بيخسر كل شغله على فكرة والله والله والله بشهادة كل اللي اعرفهم انا زوجة كويسة جدا وبحب بيتي واولادي وطلباتي محدودة جدا للضروري وبعلم اولادي دايما القناعة والرضا بالقليل وعدم الطمعوكان في بض الاوقات يقع بلسانه ويقولي اصحابي بيحسدوني عليكي طب ليه بيعمل كده علشان انا كنت قنوعة زيادة عن اللزوم في كل شئ من البداية واني معتزة بكرامتي وشخصيتي ولا اريد ان اغيرها للاسؤ كما يريد اهله انا مكتئبة جدا وخايفة حياتي تنتهي معاه مش عارفة اعمل ايه انا عندي 34 سنة وهو عنده 38 سنة وتم الزواج عن حب وعني ولدين علي وعمر ارجو الرد باسرع وقت

المصدر: نفساني