أحب ولد خالي وانا على ذمة رجل

أحب ولد خالي وانا على ذمة رجل

السلام عليكم

معاكم سيدة عمرها 27 وعندي ولدين اكبر واحد 4 سنوات والاصغر سنتين

زوجي انسان ما فيه مثله من الدوام للبيت للمسجد ما يغازل ولا يشرب ولا يسوي اي شي حراام ورومانسي وطيب وما مقصر معاي بشي

وفوق كل هذا يحبني لدرجة انه ما يتخيل اطلع من حياته


نعم انا كم مرة طلبت منه اني ابتعد عنه بس ماشي سبب مقنع اقدر اقوله لامي وابوي عن هذا الرجل الصالح

لان الكل شاهد على اخلاقه

ولد خالي سبب ضيقي من واحنا صغار نلعب مع بعض والكل يقول فلانة لفلان لين كبرنا تعلقنا ببعض اكثر لكن ما اعترفنا بحب بعض لانا ما كنا نعرف حقيقة مشاعر كل واحد فينا ولما دخلت الجامعة حسيت اني كبرت وتعودت كل ما ارجع البيت الاقيه واقف عند الباب ويقول لامي وينها وانا اركض فرحانة لانه كان يسال عني ويهتم فيني ومع الايام ربعتي اللي هي اخت زوجي حاليا قالت لي اخوها شافني مرة في بيتهم وحب يتقدم لي من خلال ربيعتي ما قالت عني لاهلها
على طول قلت لولد خالي الخبر علشان يحس ويعترف
اذكر الكلمة اللي قالها اهم شي يكون يحبج وتم يطالعني ومشى

ما فهمت هل يعني اذا الريال يحبني عادي اتزوجه؟تضايقت واتصل فيني وقال لي انه حلمني بطيح من حفرة لكن هو مسك ايدي

فما رفت لشو هو يبغي يوصل لين قلت له الناس بيون خلاص واذا الريال ما ينعاب باخذه وبعدين اختفى انخطبت 9 شهور وكنت اتعرف على خطيبي اليديد ونسيت ولد خالي تقريبا ولما صارت الملكة رجع ولد خالي يسال عني وانا من الفرحة ركضت له وشافني وقالي صرت احلى واايد من قبل قلت له ليش ياي الحين قالي شافني بالسينما مع خواتي واته اشتاق لسوالفي ورجعت اتصالتنا وكل مرة يجي بيتنا واقوله مشاكلي ويا زوجي واللي انا اختلقها علشان يتركني
وفي يوم طرشت له مسج كتبت فيه احبك احبك وااايد واليوم اللي بعده بعث لي على انه اخوه شاف المسج

كرهت نفسي هذيك الساعة واتزوجت وابتعدت عنه وخاصة اني زوجي من امارة ثانية ما كنت اشوف امي غير بالشهر مرة

وهو تزوج بعد وعنده ولدين وللحين يسال عني كل ما اروح لاهلي امي تقولي ولد خالج يسال عنج ويسلم عليج
اتضايق ونفس الوقت استانس لانه ما نساني وبعد خمس سنوات من زواجي يعني من شهر رحت بيتهم لاني وايد احلمه واشتاق له وخاطري اشوفه لكني ما شفته ورحت من قريب كان خطوبة اخته وبعد ما شفته

تضايقت ليش افكر فيه وليش اشتاق له ابغي انساه ما اقدر احلمه كل يوم وحتى لو انا نسيته امي تذكرني فيه

ارجوكم ساعدوني ما اعرف كيف اقدر انساه وانا احبه والله احبه

المصدر: نفساني

مساااء الورد المديني

اختي الغاليه merah

ابارك لكي زواجك و اصلح الله حالك و جمع بين قلب زوجك و قلبك و حفظ لكي اولادكي

غاليتي :

ليتك تكلمتي عن زوجك بقدر ما تكلمتي عن ابن خالك , لم تصفي شيئ من مشاعرك تجاه ابو اولادك و زوجك !!!

ابعدي تفكيرك تماما عن ابن خالك و تذكري انك كنت امامه غير مرتيطه !!!

و إن حصل و تذكرتيه او ذكرك به احد ادعي له بالتوفيق و السعاده

ثم اثني على زوجك لأنه هو من يستحق ذلك اعترفي بفضائله و بحبك له لأنه هو صاحب هذا الحب و هو الوحيد الذي يستاهله استمري في ذلك

حت يقتنع تفكيرك بواقعك الجميل و يبتعد عن خيالات الماضي

لم تعترفي بحبك لزوجك رغم كل حسناته التي ذكرتيها لأنك حابه تعيشي على ذكرى ابن الخال و قد تكوني اوهمتي نفسك بان حياتك معه افضل من حياتك الآآن .........

غاليتي ابعدي عنك الأوهام و مامعنى الحب بدون ارتباط عاطفي و إلتصاق جسدي ؟؟؟

حياتك هي نعمى الحياه و زوجك الوحيد هو من يستحق حبك

ابن الخال له حياته الخاصه و سؤاله عنكي من باب صلة الرحم فقط لا غير ولابد ان تشعري انتِ بذلك فقط صلة الرحم ولا غيرها .

اتمنى لكي حياه سعيده مع زوجك و اطفالك

و الأهم من ذلك راحة البال

دعواتي لكي بالسعاده