|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
23-08-2008, 07:32 AM | #1 | |||
عضو جديد
|
ارجوووووووكم ما تنسون تردون عليا انا في حالة؟؟؟
السلام عليكم
انا مشكلتي كبيرة ومو لاقيه حل عمري الآن 26 سنة ولسه ما اتزوجت المشكلة من اولها لمن كنت صغيرة تقريبا 11 سنة او 12 سنة اعجبت بشخص من اقاربنا ما ادري وقته اش حسيت حب والا اعجاب والا مجرد صداقة طفولة المهم كبرت وكبر الحب بداخلي ولمن صار عمر 18 سنة قررت اني اتصل عليه واقوله اني احبك فالاول ارسلت رسالة بس وبعدها حب يستفسر مين اللي ارسل الرسالة وصارت بين رسايل لحد ما قلت له انا مين هو يعرفني لانه بينا قرابه وصلة رحم استمرت علاقتنا سنين وقتها كل ما انخطبت ارفض كل شخص لاني ما اقدر اتخيل اني اعيش مع شخص غيره احبه حب جنون وكانت الفترة هذي كلها مجرد مكالمات ما صار بينا اي مقابلات ولا يعرف حتى ملامح وجهي بعدها تقريبا بسنتين عرفت يوم عقد قرانه انه ملك وانا محد قالي لا هو ولا احد من اهلي ما عرفت الا نفس اليوم واستغربت واتذكرت انه فالفترة الاخيرة اسلوبه معي كان جاف ولمن حاولت اتصل فيه ما يرد على اتصالاتي ولا رسايلي تعبت وانهرت وما صارت انام طول اليوم وانا ابكي وحالتي النفسي ادهورت ما عاد اخرج ولا عاد ابغى الناس غير جالسة بالغرفة وابكي وقرب يوم زواجه كان اليوم من اوله لآخره عذاب طول اليوم وانا ابكي طبعا راحو اهلي عشان يحضرون وانا ما رحت جلست وانا ابكي دم ووقت الزفه اتصلت على وحده من اخواتي عشان اسمع الزفة اسمعها وانا ابكي كرهت عمري وكرهت الحب كله حاولت انساه ما قدرت حاولت وماقدرت مرت الايام ثقيلة وكلها الم اتوفت والدتي ولا فكرة يكلمني زادت الالام آلام وعذاب بعدها بفترة سمعت بخبر ولادة طفل له ارسلت له رسالة ابارك له رجعنا نتكلم مع بعض وبعدهاا بفترة شهرين تركني ما يرد على اتصالاتي ولا رسايل ورجعت اعاني من جديد صرت ما انام فاليوم انا ساعه ومتقطعة وبالكثير ساعه صرت اخذ حبوب منومة عشان انام وعشان ما اصحى لاني اذا صحيت اتذكره وارجع احس بالعذاب والالم اتصلت على دكتور نفساني وجلس يتكلم معايا وقالي لازم تنسينه ولازم ولازم ....... وشوه صورته قدامي تركت الدكتور لانه ما اعطاني علاج لاجل انساه انا ما ابغى صورته تتشوه بعيوني انا اعرفه انسان رائع قليلة فيه انا ابغى انساه كلمت دكتور علاج بالتنويم المغناطيسي او الايحاء وقالي الدكتور انا اسوي لك جلسات علاج بالايحاء وراح تنسينه نهائي راح ينذكر اسمه امامك ولا كأن شي انذكر ولان الدكتور مو بنفس مدينتي ما قدرت اسافر له هذا استمر الحبوب المنومة والعذاب تقريبا سنتين من تركني وانا احاول كل يوم اتصل فيه بعدها بفترة سنتين رجع اتصل بي واكتشفت انه غير رقمه وما قالي ورجعنا نتكلم مع بعض بس الحب زاد اكثر و اكثر الآن جاء له مولود ثاني وما قالي اكتشفت بنفسي وزعلت وانعاد العذاب من جديد الآن له اكثر من شهر مطنشني بس هالمرة ما حاولت اتصل فيه طلبي ابغى انساه واخرجه من قلبي و من حياتي ومن عقلي ابغاه يكون شخص عادي وما اتأثر بأي شي يجي من ناحيته ابغى ارج ابني حياتي وان شاء الله لمن انخطب اتزوج بس ما اقدر ابغى علاج لو حبوب اخذها تشيله من ذاكرتي حتى لو افقد ذاكرتي وارجع ابنيهامن جديد ارجوووووووكم ما تنسون تردون عليا وليا طلب يا ليت بعد الرد على مشكلتي يتم حذف الموضوع رجاء المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|