اذا تعتبروني وحده منكم واختا لكم مثل ماانا اشعر تجاهكم قولوا لي الحقبقه

اذا تعتبروني وحده منكم واختا لكم مثل ماانا اشعر تجاهكم قولوا لي الحقبقه

السلام عليكم صار لي فتره بنفساني ولا اخفي عليكم اني ارتحت بس هناك شي دائما يقتل الفرحه عندي ويصيبني برعب شديد هو هل هناك علاقه بين الاغماء ووجود الكهرباء ونوبات الهلع يمكن صارلي اسبوع او اكثر احس اني اخذ النفس بالقوه بس وقت النوم احس اني جدا متضايقه مدري من ايش بس فعلا انا خايفه ومتوتره اكتب لكم وانا ابكي مابي اولادي يشفوني بس غصب عني من جد غصب عني لااملك شيا حيال هذا الشي سوى البكاء والبكاء احس مااحد فاهمني نفسي اروح لجزيره مهجوره مافيها احد من البشر وابكي واصرخ عشان مااحد يتالم من اللي اسويه وخاصه اولادي عمري كله وحياتي انا من دونهم ولاشي وهم كذلك يارب افرجها من عندك يارب مليت من كل شي مليت اتصنع الفرح وانا كل وقتي تفكير بتفكير دائما اشوف نقط سوداء امام عيوني لما اشوف اي شي بس ما اقول الا حسبي الله على اللي كان السبب بكل اللي انا فيه

المصدر: نفساني

احساسي صدقيني اللي فيك من الهلع والقلق
القلق يسوي اشياء اكثر صدقيني
طيب ليش ماتستمرين على الرقيه
وترقين نفسك عند شيخ وترقين نفسك بنفسك
الرقيه علاج واقوى علاج

الله يشفيك
والله والله يجيني اشياء اكثر
امس ماقدرت انام الا بمهدئ قوي الحمدلله على كل حال
ودايم احس ببقع سوداء لما اناظر شي

أختي الكريمة هدئي من روعك .حسب ماقرات مرة ان 20%من المصابين بنوبات الهلع يصابون بالاغماء ولكن انتي تعاني من نوبات الهلع ونوبة كابة كبرى هذا براي الرجاء ثم الرجاء ان تراجعي طبيبك هذا أفضل حل وان تنسي الذي كان السبب بكل الذي انتي فيه مثلما قلتي لانه لاأحد يتعذب مثلك

اﻷخت الكريمة
الشعور باﻹغماء جزء من تعريف الهلع.

هل هناك علاقه بين الاغماء ووجود الكهرباء ونوبات الهلع

الاغماء له علاقه بزيادة كهرباء المخ وهو الي يسمى الصرع..والصرع هذا حاله بسيطه وتتعالج بالادويه بكل سهوله..وقد قلتلك يا اختي عن اخوي الي كان عنده اغماء بسبب زيادة كهرباء الدماغ واستخدم الادويه وهو الان زي الحصان وبكامل صحته وعافيته

والعلاقه بين الهلع والاغماء قليله جدا ونادرا ما يحصل اغماء بسبب نوبة هلع


وقلتلك يا ختي من قبل اذا حسيتي باي تعب نفسي شديد او اذا جتك نوبة الهلع استخدمي الحبه المهدئه مثل الزانكس وانتي برتاحين على طول باذن الله

واتمنى يا اختي احساسي يكون تفكيرك ايجابي وتكوني متفائله وايجابيه

لانه صدقني لما يكون تفكيرك سلبي ومتشائمه دائما راح تتعبين اكثر والسلبيه والتشائم راح تخلي العلاج صعب جدا

وفي المقابل التفكير الايجابي والتفائل قادرين باذن الله انهم يعالجون المرض بشكل كامل ويسهلون العلاج بشكل اكبر باذن الله

السلام عليكم ورحمة الله وبركاته

فديتك اختي نور ليت التعب في عدوينــك ولا فيــك ..

اول شي يا اختي نور جعل ربي يحفظك ثاني شي لاتضغطي على نفسك فوق المستطآع ..

لآن التكليف ع النفس يجهد الواحد .. وذ1 شي معروف ونآزل في القران ..

كمآ في قوله تعآلىَ ( لا يكلف الله نفسآ إلأ وسعهآ ) ..

يعني ذ1 يدل لو كلفنآ انفسنآ فوق وسعهآ راح نتعب .. وذ1 شي معروف كلنا نتعب ..

بس نحتسب الاجر عند الله سبحآنه وتعالى ..

انا اقول لك اول شي وش الي تحسيه اول شي ..
1 - ضيق النفس وذ1 شي معروف وطبيعي وكلنآ نعآني منه هو والغصه الي في الحلق ..

كيف يسير النفس ضيق ؟

من كثرة التوتر والخوف يعني شوفي لك انسان سارت له صدمه وخآيف اول شي يشهق .. لان من الخوف توتر الجهاز التنفسي عنده وذ1 كلنآ مآرين فيه ونحمد لله ..

ثآني شي كثرة التفكير ذبحتـك .. لا تفكري في كل ليه تجهدي عقلك ؟

اذا جات فكره قولي لعقلك وقف ذي الفكر راح تجدي انها توقف وكل ما رجعت لك قولي لعقلك يوقفهآ ..

راح تحصلي بعد مرور اسبوع انها بدت تتلاشى بس يبي لك شويت صبر مو تعلني انهيآرك بسرعه ..

اما عن الاغماء انتي رحتي لـ : الدكتوره وهي قالت لك من اعراض الهلع بس انتي للحين مو مصدقه ..

ذ1 يدل معك وسواس هو الي يخوفك وهو الي يقلب حآلك فوق تحت ..

ونسال الله لك الشفاء العآجل يآرب .. ولاتجهدي نفسك فديت روحـك

السلام عليكم اول شي انا من العصر ماني قادره اتحكم بنفسي تنزل دموعي غصب عني مااحب احد يشوفني وانا ابكي مااحب اي احد يشفق علي دائما انا قويه اتحمل اي ظرف مهما كانت قسوته والمه بس هاذي المره اصبحت ضعيفه اي شي يخوفني يعني اي احد يقول لي عادي اللي صار معك ارتاح يوم يومين وبعدين انتكس اكثر من اول احس الطبيبه حقتي بلهاء اسفه على الوصف بس هاذا اللي انا اشعر فيه وانا اصلا من المدينه بس حظي الردي جابني مدينة القرود اقصد الورود الطايف احس ماني مرتاحه فيها مره لاني ماانتمي لها ولا ابي ابغى ارجع لامي مليت من كل شي تصدقون بالله صرت اكل وبنهب شديد حتى لو مااشعر بالجوع مدري بس خايفه خايفه اخاف وقت النوم اخاف احيانا اكون عاديه فجاه كان شي يحركني ويسري شي بجسمي اشعر فيه على طول احس اني بموت صارلي قبل شوي من الخوف نمت عشان ماافكر اذكر برمضان العام كنت اصحي من نومي وانا ابكي وابي اطلع برا وكان زوجي يقفل باب الشقه وكنت اصرخ خليني اطلع لو مت انت المسؤل افكاري مشتته نفسي ارجع زي ماكنت او على الاقل ارتاح شوي من الافكار الهدامه اصعب شي بالحياه ان تكون نفسيتك بالحظيظ انا قررت اني انفصل عن زوجي لاني صرت اخاف منه بسبب اول مااغمى علي رميت نفسي بحظنه ولما فقت كان يناديني نور نور وكاني كنت بحلم او مادري وين كنت صرخت بوجه وهربت ومن ذاك اليوم ليومنا هاذا وانا مااحب اجلس بجنبه لازم يكون بيننا مسافه هو راضي بس انا لا لو فيه طبيب او طبيبه شاطره بالمدينه احد يقولي عليها ماابي اطباء الطايف

السلام عليكم ورحمة الله وبركاته

حيـآك اختي نور مره ..

لبى قلبك والله :(

القصه مو قصة انتي ضعيفه اول من ذ1 الكلآم ,, كلنآ قد الموقف ..

بس ذ1 شي بيننا وبين نفسنآ يعني نعاني من خوف ونعاني من الاشياء الي تعاني منها ..

بنسبه للبكاء .. كلنآ نبكي سواء رجآل او بنآت .. وانا بكيت الي جفت دموعي ..

شي عادي اي احد معه حالت هلع يبكي وهو طيب ..

بس يا اختي نور شتتي تفكيرك حآولي مآتفكري ..

اذا ع الموت كلنآ نفكر فيه وكل يوم ننآظر في اهلنآ نقول نبي نموت الليله ..

ونحط راسنآ ع المخده مو ضآمنين نصحى اليوم الثاني ..

وكثير من في هذ1 المنتتدى يعآنون .. بس ربك الي يعلم فينآ ..

الاشياء الي تحسي فيهآ تتحرك في جسمك ذ1 كله وهم × وهم ..

لانك لو رحتي كشفتي صدقيني ماتحصلي شي لانهآ مو امراض عضويه ..

ذ1 كله يسير فينآ وبس حمد لله ماشين في حيآتنآ تقولي تغيرنآ ..

اي والله تغيرت شي كثير لا سعاده لها طعم لا فرحـه لهآ طعم لا روحه ولا جيه ..

بنسبه لي انا كل شي سار ابيض واسود ههههههههه . وقسم حاله .

بس باقي عندي امل اني العن خير الهلع ذ1 . اليوم جالس في البيت لحالي يآ اتجنن ..

يا اعقل هههههههههه وربي مليت من القلق والخوف ذ1 ..

اما عن دكتور والله انصحك في دكتور في مكه عندنآ مره شآطر والله ..

اسمه ابراهيم تركستآني .. في مجمع الصفوه في العزيزيه .

انصحك لو تقدري تجي مكه المكرمه تكشفي عنده ترى انصحك فيه ويجونه الناس من كل محل ..

الله يشفيك اختي نور ويصبرك ..

اختي احساسي


انا بختصر الكلام في قاعده بسيطه جدا لو طبقتيها بترتاحين من اشياء كثير



(اي عرض غريب تحسين فيه هو من اعراض الهلع)

حطي هالقاعده في بالك وبترتاحين ان شاء الله

بالنسبه للاغماء هو بسبب زيادة الخوف الناتج عن النوبه علشان كذا يحدث الاغماء


لانه من المعروف ان اي انسان يخاف او تصير له روعه فجاه في الغالب يغمى عليه

هذي هي الحقيقه اختي احساسي


يعني باختصار ومثل ماقلنا عن الهلع انه ماراح يصيبك منه شي

اجل لا تخافين من الاعراض الوهميه اختي


دمتي في حفظ الله

اختي احساسي اذا ما لقيتي نتيجه عند طبيبه معينه غيرها وروحي لطبيب او طبيبه اخرى وان شاء الله بتلاقيين نتيجه عندهم..والاطباء مالهم علاقه بمدنيه معينه ممكن تحصلين اطباء ممتازين في الطايف

واذا حاسه يا اختي ان وجودك في المدينه عند والدتك افضل فالافضل انك ترجعين المدينه اذا تقدرين لانه اكيد انك بتحسين بالطمانينه اكثر عند والدتك


ومثل ما قلتلك اختي اذا حسيتي بنوبة الهلع او اي تعب نفسي خذي الحبه المهدئه وان شاء راح تهدين خلال دقائق؟
انتي هل تاخذين الحبه المهدئه لما تحسين بتعب؟؟

وايضا السيروكسات دواء ممتاز وراح يفيدك بشكل كبير وانتظري عليه كم اسبوع وبتظهر نتائجه الفعاله باذن الله

بصراحه لا مااخذ الحبه لاني اخاف منها

بصراحه لا مااخذ الحبه لاني اخاف منها

يا اختي العزيزه اقسم لك بالله العظيم ان الحبوب المهدئه اااااااااااااامنه جدا وما لها اي مضاعفات.. لا تخافين منها ابدا... حرام انك تقعدين تعانيين وتتعذبين وتتألمين وعندك الحبه المهدئه ممكن تريحك وما تاخذينها

اختي احساسي الحبه المهدئه مثل البنادول

الواحد اذا حس ان راسه يوجعه ياخذ بنادول عشان يسكن الام الراس..ولما ياخذ البنادول بيختفي الالم خلال دقائق

ايضا الحبوب المهدئه الواحد لما يحس باي تعب نفسي ياخذ حبه وحده وراح يروح التعب حلال دقائق باذن الله

اختي احساسي الحبوب المهدئه مستحيل تسبب التعود الا اذا تناولها الشخص بشكل كبير وكميات كبيره ولمده طويله مثلا 6 حبات في اليوم لمدة شهرين..اما الاستخدام العادي لها والاستخدام عند الضروره ما يسبب التعود ابدااااااااا ومالها اي مضاعفات

انا لي 7 سنوات من بدات معايه نوبات الهلع واستخدم الحبوب المهدئه عند الضروره وما حصلي اي تعود ولا اي مضاعفات


يا اختي احساسي تصدقين ان الطبيب النفسي الي اروح يقول انه هو احيانا يستخدم الحبوب المهدئه بسبب ضغوط العمل..يعني حتى الاطباء يستخدمونها عادي

تعرفين ان الحبوب المهدئه منتشره في اوروبا مثل البنادول وبسبب ضغط العمل وساعات العمل الطويله للعمال في اوروبا يستخدون احيانا حبه مهدئه عشان يقدرون يشتغلون بشكل افضل


صدقيني يا اختي احساسي ان الحبوب المهدئه امنه وهي جزء رئيسي من العلاج ... واتمنى في ردك القادم انك توعديني انك اذا حسيتي بنوبة هلع او اي تعب نفسي راح تستخدمين الحبه المهدئه باذن الله

اختي احساسي الله يشفيك
صدقيني لاتصعبين المسأله على نفسك وهي صغيره
ومثل ماقالوا لك الاخوان انه اي عرض غريب فهو من نوبات الهلع صدقيني
اصلا والله لو تجلسين تفكرين تشوفين ان علاج نوبات الهلع في يدنا
طردي الافكار السلبيه كلها وحاولي تفكرين بايجابيه
تحديها لاتخافين منها اذا حسيتي انها بتجيك لاتقاومينها قولي لها تعالي حياك مو خايفه منك
دايما ثبتي في عقلك ان اي دوخه او الام او اي شي كلها بسبب نوبات الهلع ومافي احد مات منها
طلعي شوفي الدنيا غيري جو لما تحسين انك بتكبين تذكري انه الله منعم عليك باولاد ربي يخليهم لك حاولي تشغلين نفسك فيهم سامحيني طولت عليك
شدي حيلك وربي وياك :)