زوجي مريض نفسي ؟ وكيف أتعامل معه ؟

زوجي مريض نفسي ؟ وكيف أتعامل معه ؟

السلام عليكم

لي موضوعين من قبل هذا الموضوع في قسم المشاكل الزوجية عرضت فيها مشاكلي مع زوجي ..

الآن طلقني زوجي .. وكل مره أتصل على استشاريين لمشاكل الزوجية و احكي لهم قصتي وقصة طلاقي وتصرفاته بعدها يقولون هذا مريض نفسي ؟!!!!

وحتى اصلاح ذات البين قالوا لازم نستدعيه عشان يخضع لاختبارات نفسيه !!!

طيب ..

انا الآن أبي أعرف بالضبط ايش المرض النفسي اللي فيه ؟؟ وكيف اتعامل معه ؟؟

القصة كالتالي :

انا عمري 26 هو 36
شهادتي جامعية بامتياز كنت مرشحه للاعادة والان معلمةحكومية
شهادته ثاني ثانوي و عمله محل خاص ورث من ابوه وعنده ورث من ابوه

شخصيته
عصبي جدا جدا .. مدخن .. غيور .. لسانه حاد وقذر جدا خاصة وقت الغضب .. يضرب بعنف وقت الغضب الا انني حطيت له حد ومن بعدها تاب وما عاد للضرب من جديد .. أهم شي عنده سعادته لا يهتم بسعادة من حوله وان كانوا اقرب الناس اليه .. لا يبدي مشاعر الحب لي الا نادر لأنه يعتبر هذا الشيء ينقص رجولته .. مندفع في قراراته .. كلمته هي اللتي تمشي .. ان أخطأ لا يعترف بالخطأ ويواصل خطأه وان كان فيه مشاكل المهم مايكون غلطان عند الناس ..

شخصيتي
ذكية جدا .. هادئة وعاطفية وحساسة .. التراكمات اللي اجمعها بصبري على الالم والجرح تطلع بعد فترة على شكل بركان من الغضب .. اطمح لاهتمام الكل فيني خاصة زوجي .. اجتماعية .. جريئة نوعا ما .. احب التغير دائما .. حنونه على اطفالي و رومانسية جدا ..

لدينا ولد (سنتين) بنت (9 شهور)

حدث الطلاق (وهي الطلقة الاولى) بسبب مشادة كلامية بيني وبينه كشفت فيها اوراقه وبأنه كان قبل الزواج على علاقة مع العديد من النساء .. وانه عند سفره لاحد الدول قبل فتره كان يتردد على اماكن اختلاط وما الى ذلك

( علما بأني اعلم بكل ذلك ولم اخبره الا عند تلك المشادة الكلامية بيني وبينه حيث وصلنا الى درجه كبيرة من الغضب)

المهم

منذ تلك اللحظة انا التزمت الصمت بعد ان رمى يمين الطلاق

اما هو .. انظروا ماذا فعل بعدها سأرتبها على شكل نقاط لاختصر بقية الاحداث :

- طردني بعدها بيوم من بيتي ورفضت

- طلبت والدته ان ينام في المجلس بعيدا عني وعن اطفالي حتى يهدأ

- جاء بعدها ونام بالصاله قريبا منا

- اصبح يتشاجر مع الخادمه

- منذ اليوم الذي تطلقنا به وهو لم ينم فكنت اخرج للدوام واراه يجلس بالصاله واعود وتقول لي الخادمه بأنه لم ينم ويواصل الى اليوم التالي

- يذهب الى بيت اهله ويلقي عليهم محاضرة من السب والشتم والذم فيني رغم علمهم بأخلاقي ودفاعهم عني امامه الا انه يواصل كلامه امامهم

- بعد اسبوع حدث خلاف بينه وبين الخادمه تطور الى ان طردني غصبا عني مع اطفالي فذهبت الى بيت اهلي

-خلال طردي اجتمع مع أمي في بيتي وامامي وامام امه بدأ يسب ويذم ولكن انظروا معي الى بعض الجمل الغريبة التي قالها لعلها تساعدكم في معرفة مرض هذا الشخص :
(انا لو اني كملت دراستي كان اخذت الاول على المدرسة)
(لما فصلت من الثانوية المعلمين صاحوا عشاني)
(بعد الثانويه درست في معهد واخذت الاول على كل الدفعه اللي معي)
(انا سألت الشيخ كيف ارجعها وقال لي لازم مهر جديد وانا ماادفع ريال واحد عشانها )
(حنا عيال فلان بن فلان حنا رجاجيل اذا ما تعرفونا )

<<< علي فكرة عايلتهم اقل مستوى من عايلتنا وهذا شي معروف في مجتمعنا

- بعدها بيومين احضر جميع اغراضي بيت اهلي وجمعها في أكياس نفايات !!

-ولدي عنده فرط حركه وتشتت انتباه فأخذت له موعد وارسلت اوراقه لما جاء ابوه ياخذهم زيارة بعد يومين عشان يوديه ويعالجه

- بعد اسبوع اتصلت امه تقول لما شافوا ولدك الدكاتره قالوا الولد مافيه شي بس امه لازم تترك العمل وتاخذ اجازة عشان تربيه وتهتم فيه وماتخليه عند الخدامه !!!!

<<< معقوله الدكاتره يقولون هالكلام ؟!!!

- بعدها باسبوع اخذ عيالي زياره واتصل على امي وظل نص ساعه يتكلم فيني ويقول هي مي ام لان ولدي مايتكلم الا اندنوسي ولازم تودي الشغاله وهي تترك عملها عشان تربيه لأنها ماتعرف تربي وقال بعطيكم فرصة اسبوعين اذا ماتكلم زي الناس بحرمكم منه !!!

<< علي فكره انا جدا مهتمه بعيالي ولله الحمد لكن ولدي عند فرط حركه وراثي من ابوه واظن فرط الحركه اللي عند ابوه تحول الى سلوك عدواني واجرامي مثل ماقريت مره في أحد الصحف ..

-طبعا اهلي وقتها عصبوا وقالوا خلاص ياخذ ولده يربيه وانا طبعا وافقت

-رجعت امي اتصلت عليه واعطته الشنطه عند الباب وقام يصارخ بصورة هستيرية ويقول هذي مي ملابسه كامله

- قالت امي هات البنت وبروح اجيب الملابس

- مارضى وكان في حالة عصبية شديدة وركب سيارته

- ابوي طلع وصك الباب في وجهه وطفى الانوار

-رجع و اتصل على امي .. وماردت .. ارسل مسج يقول لها انا رجعت واقف على بابكم عطوني باقي الملابس ؟!!!!

- اخذت عهد على نفسي اني راح اخلي عيالي وما راح اتصل اسأل عنهم وانه هو اذا تعب يجيبهم من نفسه

<< هو يشتغل طول اليوم وامه كبيرة وتعبانه وماعنده خوات وولدي حركي جدا وبيت اهله جديد !! يعني الوضع غير محتمل ؟!!!!

- بعد اسبوع اتصلت امه مندهشه تقول ليش مااتصلتوا تسألون وقالت الولد عنده ويجيبه لي بس بالنهار وانا اللي ماسكه البنت عندي ..

- ملاحظة مهمه ان ورقة الطلاق ما جابها الى الان وانا باقي لي شهر وانتهي من العده واهلي ناوين بمجرد ما اطلع من العده ياخذون الورقة منه والعيال بشكل قانوني

يتبع

المصدر: نفساني

- لما قالت امي لامه والاخير معاه ردت امه وقالت : هو يبي التفاهم مع الرجال ...

يعني ماقال خلاص الورقة بتوصلها وانتهينا مثل ما يعملون باقي الازواج !!!

هذا وش يبي مني ؟؟


آسفة طولت عليكم ... الان مر ثلاثة اسابيع على اخذهم لعيالي .. وانا صابره ومابي اتصرف .. الا لين اعرف الان ايش اللي يخليه يتحمل وجود عياله عنده طول هالفتره ؟؟ وايش طريقة تفكيره الان ؟؟


هو راعي سهر وطلعات ما كان يقعد في البيت وماكان يوافق يمسك ولده لو ساعه لانه حركي حتى البقاله مايرضى يوديه معاه !!!


هل كل هذا انتقام عشان يحرمني منهم ؟؟؟ وليش ؟؟؟ معقوله مايدري اني قانونيا اقدر اخذهم بسهوله ؟؟؟

علي فكره هو جنونه المحاكم ودايم يقولي ياويلك تفكرين في يوم تشتكين علي في المحكمه مهب انا اللي تشتكي علي حرمه في المحاكم !!

هو يغار من اخواني ... ويكره اهلي يقول ما يقدروني رغم انهم ما ضروه بشي !!!


هل عنده احساس بالنقص ؟؟


هل تصرفي صحيح بسكوتي عنه ؟؟؟

علي فكره لما جاب اغراضي بيت اهلي اتصلت عليه ومارد وارسلت له رسالة اعتذار وما رد !!!


الرجال هذا انا متأكده انه يحبني ... لكن تصرفاته لها أسباب نفسيه ...

مستشارين المشاكل الزوجيه مارضوا يتفاعلون معي قالوا لي يبغالك مستشارين نفسيين يعلمونك كيف تتعاملين معاه ؟؟؟ لأن عنده تناقض غريب بتصرفاته ؟؟


ارشدوني وجزاكم الله خيرا