ارجو حل لمشكلتي

ارجو حل لمشكلتي

السلام عليكم

شلونكم .. وشخباركم ؟ :)

انا عضوة جديدة .. وسجلت عشان تحلوون مشكلتي :(

ماعرف من وين ابدأ .. مشكلتي اني ســـــــاكته دايم :(

داايم ساكتة.. مع كل الناس .. ماعدا المقربين جدا

وخجوووووووولة خجل لا يطاااااااااااق :confused:

ومشكلتي هاذي تسبب لي احرااج كثير :( بالذات اذا أحد سألني أي سؤال أو كلمني.. وجهي يحمر واحتاس وطبعا ما ارد عليه

ما تصدقون لو اقول لكم .. انه اذا احد سلم علي .. او حتى قال لي كيف حالك .. ما ارد عليه :rolleyes:

واللي ما يعرفني راح يحسب ان سكوتي تكبر أو غرور :(

غير عن كذا .. كرهت الطلعة من البيت .. عشان ما اقابل ناس واكيد بيتكلمون معاي واصير بموقف محرج

والحالة هاذي عندي من زمااان ..وكل سنة عن سنة تزييد :eek: اذكر لما كنت صغيرة كنت هادية .. بس كنت اتكلم .. لكن الحين ابببببببد مافيه أي كلام

حتى تعودت الناس ينادوني الساكتة ..يمزحون طبعا .. ما يدرون اني لما اسمع هاذي الكلمة اتضاايق

وانقهر .. ليه انا كذا !!!

حقي دايما ضايع بسبب الخجل هذا .. وللعلم أنا طالبة أول سنة بالجامعة

والحين بيخلص التيرم الأول وانا لحد الآن ما تعرفت على أي طالبة معاااي !!!! طبعا بسبب هذا السكووت

وادمنت الانترنت .. لأني فيه اقدر اتكلم بدون أي خجل .. حتى علاقاتي وصداقاتي في النت .. اكثر منها برا النت

اكيد بتقولون هذا من سوء معاملة أهلك .. او من موقف بالطفولة أثر عليك

لكن لأ بالعكس أهلي ماشفت احسن من معاملتهم .. ما اعرف ايش السبب لهاذي الحالة !! أو ايش العلاج !!

من جد قرفت من نفسي .. احس اني ولا شي بهاذي الدنيا !

ياليت تساعدوني يعطيكم العافية :(

المصدر: نفساني

السلام عليكم ورحمة الله وبركاتة..

أختي الكريمة أعرف أن ما تعانيه قد سبب لك الضيق حرمك من أشياء مثل تكوين صداقات في الجامعة الرد على الآخرين ومشاركتهم الحديث لكن ولله الحمد يوجد علاج ما عليكي هو التوكل على الله وزيارة أخصائية نفسية لأخذ معلومات تفصيله والتحديد بشكل دقيق ثم وضع خطه علاجيه ومتابعتها مع الاخصائية .. مثلا ذكرتي ان لديك خجل وحقوقك تضيع فيه مهارات تتعلمينها بإذن الله تفيدك ايضا نحتاج معرفه السبب وراء الصمت ماهي الفكرة التي وراء هذا الصمت فالانسان " مشاعر وأفكار وسلوك" كلها يؤثر ويتأثر ببعضه لذلك من خلال تعاونك مع المختص ستصلا للفكرة وتعدل بطرق علميه تحتاج لتعلم مهارة التفكير العقلاني .. الخ اتكلي على الله يا اختي الكريمة واعملي بالاسباب وفقنا الله واياكي...والسلام عليكم.