راح انفصل من داومي الحقوووووووووني ==== > دشو هذا الموضوع خطه أوضح من اللي قبله

راح انفصل من داومي الحقوووووووووني ==== > دشو هذا الموضوع خطه أوضح من اللي قبله

السلام عليكم ..
ويعطيكم العافيه ..


بصراحه .. ما أدري شنو آلية وكيفية طرح المواضيع هنا .. لأني كنت اتصفح موقعكم من قبل سنه تقريبا .. ومجرد تصفح ما يتعدى الربع ساعه و أطلع ..



لكن .. الآآآن الوضع فعلا ما يحتمل التأخير ..



بإختصار يا اخواني ..

آنا كويتيه عمري 25 .. وتوني متخرجه من الجامعه .. كنت أدرس برى صارلي 6 سنين تقريبا .. ويا دوبي راجعه الكويت ..


المهم .. الحياة الوظيفيه أبدا ً مو غريبه علي ..
لأن من يومي 20 وآنا اشتغل وأدرس ولله الحمد والمنه ..


والحين لما تخرجت وجبت الشهاده ورجعت الكويت .. توظفت في مكان راقي .. والكل يطمح له ..


الشركه اللي اعمل فيها .. لها عدة فروع .. وهي تعتبر من اكبر الشركات بالوطن العربي ..

جبت لي واسطه .. و رحت أحس فرع ..
والامور كانت تمام التمام ..

وبعدين بدت أمور غريبه تظهر في حياتي ..



آنا كنت حاطه ببالي .. بس اتخرج وارجع الكويت بستانس و أفر الكويت فر .. وباخذ حريتي ومحد بيكلمني و و و و .. بس انصدمت بواقع خلاني اعزل نفسي نهائيا ..



تفاجأت إن الوالد مضيٌق علي جدا .. وامي بعد ..
وكل شوي يتصلون علي .. وينج .؟؟ تاخرتي ؟؟ وينج بالضبط ؟؟ حددي مكانج ...


آنا اسوق سياره من يوم عمري 18 .. وعادي ما أخاف ..



شاللي تغير ؟!!!!!!!! وشفيهم ؟؟؟


مره من المرات قال لي الوالد .. اذا وصلتي البيت لا تنزلين من سيارتج على طول .. دقي على البيت .. وخليهم يطلعون الشغاله ولما توصل عند سيارتج انزلي ..


قلت : ليش؟؟

قال :عشان تشيل اغراضج ..

مشت علي هالسالفه ..


بعدها بــ جم يوم ..
قال لي ابوي وهمن امي قالت .. لا تطلعين من البيت الصبح على طول ..
خلي الشغاله توصلج للسياره ..
قلت : لا تقولون بعد عشان اغراضي ... ترى كل اغراضي جنطة يد وبس ..
قالو : احنا جايبين شغالات ليش ؟؟ مو عشان ترتاحون ..
قلت : خلاص اوكي ..



ومشت علي هالسالفه ..


انا بصراحه دايم يضايقوني السيارات .. يعني واحد يتحرش بسيارته و يحدني .. واحد يطق لي هرنات ويمشي .. وتعودت على هالشي .. يعني لو احد يتحرش بالسياره صار شي مو غريب ..


ومره من المرات تنرفزت حدي ..


لحقني واحد بسيارته من دوامي إلى بيتي ..
ودوامي يبعد عن بيتي ساعه وربع تقريبا ..

ومشى معاي بالخط السريع والشوراع الفرعيه والإشارات ... حتى لما رحت اعبي بانزين راح معاي!!


اللي بط جبدي انه مصمم إلا يلحقني .. وكان عمره بآخر الثلاثينات او اول الاربعينات .. وشكله بشع ..


آنا اللي يشوفني ما يقول عمري 25 .. الناس عبالهم عمري 19 ..
يعني حتى لو يبي يتحرش ... ليش يلحقني وانا صغيره وإهو وايد عوووود !!



ولما وصلت البيت قلت لأهلي : ووووووووع شنووووووووو هذا .؟؟؟ شالناس الخايسين هذيل ..
قالو ليش: وقلت لهم السالفه بحسن نيه ..

ابوي وامي .. طالعو بعض .. و انصدمو و حققو معاي ..


قلت لهم : شنوووووووو بعد ؟؟ ناقصه انا تحقيق !!!


قالو .. اوصفيلنا سيارته .. شكله .. جم رقم السياره ..
قلت لهم : سيارته حيل عاديه .. وشكله كبير . ما انتبهت على رقم سيارته لأنه كان ملوع جبدي ..





ثاني يوم ...

داومت والامور عادي .. ونسيت السالفه اصلا ..

ونفس الشخص عارف وين مكاني .. وقعد ورا مكتبي .. من بداية الدوام الى نهاية الدوام .. و لحقني من الدوام للبيت ..




ثالث يوم ..


3 سيارات يوكن اسود .. ومظلله بحيث اني ما اشوف منو داخلها ..

يصفطون عند دوامي .. ولما انزل من سيارتي عشان ادخل باب الدوام .. يطقووون هرنات بشكل خيييييييييييالي ..

ولما طلعت من الدوام .. لقيتهم عند الباب .. وشايلين لوحات السياره ..



ما علمت احد ... و خشيت السالفه بقلبي ..


وتكرر هالأمر 3 ايام ..
ولما علمت ابوي ..
قال ابوي : انتي تبالغين ..

قلت : صح .. انا يمكن ابالغ ..
ونسيت السالفه ..


لما صار اليوم اللي بعده ...

اتصل علي ابوي الصبح .. قال : آنا بروح دوامج وبصفط بعيد .. وانتي تعالي الحين لأني اشوف 3 سيارات سودا وبدون لوحات مثل ما قلتي .. تعالي وبشوف يطقون هرنات او بس جذي واقفين ..

قلت : اوكي ..

تجهزت ورحت الدوام ..
وصار نفس الموقف ..


كنت ببجي .. لأني مت خوف .. واتصلت على ابوي .. قلت له : يبااااااااااا شفتهم ؟؟؟
قال : اي .. خلاص انسي السالفه انا اتصرف ..


وفعلا نسيت السالفه ..


ولما طلعت من الدوام ..
تفاجأت بـ دوريتين مرور .. يعني سيارات شرطه 2 ..


وحده منهم إصفطت عند سيارتي .. ووصلتني إلى نهاية المنطقه ..
والدورية الثانيه تلـف عند دوامي ..

ولما طلعت .. الشرطه كلهم يطالعوني ..


آنا قلت بقلبي : يمكن عينهم زايغه او يتحرشون مثل كل مره ..


وصلت البيت .. وابوي سألني في سيارات سودا ؟
قلت : لأ .. بس كانت في دوريتين .. وحده منهم الحقتني ..

قال : لا تخافين .. والدوريات هذي كل يوم بتكون موجوده .. وعادي ..

قلت : يبا ليش كبرت الموضوع .. عادي .. شباب ويتحرشون .. شكو تجيب دوريات ..


وامي خذتني وقالت لي سالفه بس بحيث ما اعلم احد ..
تقول : إن في هوشة على المناصب بدوام ابوي .. والهوشه تطورت بشكل كبير .. ووصلت حق ابوي رسايل تهديد وحطوها تحت باب بيتنا .. ورسايل تهديد على سياراتنا .. هذا غير اتصالات التهديد .. وكلهم يهددونه فيني .. كوني غاليه عند اهلي لأني اكبر وحده والبنت الوحيده .. وبالإسم قالوله إحنا راح نراويك ببنتك فلانه اللي تدرس بالجامعه الفلانيه والحين موظفه بالمكان الفلاني وقالو قسمي وشنو طبيعة عملي وتفاصيل سيارتي ..


آنا بصراحه خفت ..


وبعد فتره .. صرت اوسوس .. إن كل واحد يصفط سيارته يمي يعني انه يبي يخطفني ..


وكتمت مخاوفي و وساويسي ..




عقبها بشهور .. قال لي الوالد : احترسي يا بنتي .. وكوني نبيه .. ترى انا منتصر عليهم بحربي معاهم .. ومسألة الإنتقام او التخويف وارد ..


قلت: يباااااااااااااااااا شقصدك ؟؟؟؟؟؟؟؟؟؟


قال : لا تصيرين خبله .. قاعده اقولج انتبهي .. يعني مو تسوقين وانتي مغمضه .. شوفي تلفتي .. اذا حسيتي بأي شي غريب .. اتصلي علي على طول


قلت .. اوكي ..


بعد يومين من تحذير ابوي ..


صارت السيارات اللي شاكه فيها .. تحوٌط دوامي ..
وبشكل مريب وواضح ..


قلت لأحد رؤساء الأقسام .. بيني وبينك يا فلان .. اذا ممكن ابي اذا طلعت من الدوام توصلني عند سيارتي ..


قال : ابشري .. بس ليش ؟

قلت : لأن شباب الثانوية يتحرشون بالرايح والراد .. وما علمته بأي شي ..

وفعلا .. ما قصٌر .. وأحيانا يسوي روحه ما ينزل معاي عشان ما يخليني اخاف .. بس يرسل لي السكيرتي .. او يشوفني من دريشة المكتب الحد ما اركب سيارتي ..




نقلت من دوامي وما قلت لأهلي الأسباب ..



حاليا انا بفرع آخر ..

مميز من ناحية قربه عند بيتي .. والحوافز الماديه ما انقصت شي .. وصلاحياتي كلها عندي ولله الحمد ..


لكـــــــــــن ..


الموظفين كلهم يطالعوني كأني كائن فضائي ..


والكل يخز فيني .. واثنين منهم يلحقوني ..


واحد منهم صارت معاملته عندي .. ولما جيٌكت على بياناته .. اكتشفت انه كبر ابوي .. واعياله كبري ..!!!

هذا الشخص .. لو اغيٌر مكاني شوي .. قعد يدوٌرني .. ويطالعني ويسرح ..


ولما اصفط سيارتي .. يحاول يكون قريب يمي ..


المهم .. اهو قالبها نظرات فقط .. لكن نظرات ملفته للإنتباه ..


انا اتذكر لما شفته كان شاربه فيه شيب .. ما عدى اسبوعين .. وصبغ شواربه وباين انه يصبغها بشكل اسبوعي ولبسه مرتب ولازم يمر صوبي حتى لو بس يطالعني ويمشي ..



اما الشخص الثاني .. ما اعرف عنه اي شي.. لكنه شباب .. وهمن نظرات .. وباين انه ودي يكلمني بس مو عارف البدايه او شلون وعلى أي اساس وآنا بعد اسوي روحي ما اشوفه لا هذا ولا ذاك ..



تفاجأت من قبل 3 اسابيع من بنت .. عمرها يمكن 30 .. بس مادري اذا متزوجه او لأ .. وهذي مو تابعه لإدارتي نهاااائيا ً..

تتكلم بصوت عالي . . وقالت : انتي شسمج؟؟ شسمج؟؟
قلت:نعم؟

قال بصوت عااااااالي : شســــــــــــــــــــــــــــــمج؟؟؟؟؟


قلت : انا اسمي فلانه ... انتي شسمج ؟===> انتقلت العدوى

قالت لي اسمها وما عرفتها ..

قالت : انتي حضريه والا بدوية ؟؟
وكررت السؤال بصراخ

قلت : حبيبتي آمري ؟ اسأله شخصيه .. اسمحيلي .. وخزيتها من فوق لتحت ..
وراحت ..

شفتها راحت عند الموظفين .. وسولفت وياهم .. وإطلعت بالممر الخلفي مع الموظف اللي قلت لكم عنه ( الكبير بالسن واللي انا كبر اعياله )
ومن بعدها زادت النظرات .. !!!!!!!!!


ولما مريت صوبهم صدفه .. لقيت كل الموظفين يطالعوني بنظره كانهم سامعين عني كلااااااااااام .. ومصدووووووووووومين



آنا بصراحه ما يهموني الناس ..
لأني ولله الحمد ماشيه بطريق صح .. وعمري ما طالعت بالموظفين او عندي خرابيط بنات هاليومين ..

صحيح اني سافرت ودرس ولفيت العالم .. بس عندي قيم وقناعات ووازع ديني عسى الله يثبتنا ..


نسيت اقول شغله ..

بقسمي ...الإختلاط امر ضروري لحاجة العمل ..
بس بقسم هالبنت .. عييييييييييييب عندهم يصير اختلاط وفيها قبايل مثل ما يقولون


مشكلتي الحين ..


البنت هذي تلحقني بالدوام .. حتى لو انتهى دوامها تنطرني الحد ما اطلع !!!


وتطالعني بنظرات مو زينه .. وتبتسم ..!!!!!

صارت الحين تنطرني الصبح قبل لا اجي .. وبطلعة الدوام .. هذا غير اثناء الدوام تلاحقني !!!!!!



والموظف اللي قلت لكم عنه .. حتى لو انتهى دوامه ما يطلع ..

صار ينطرني اطلع .. بعدين يمشي بالممر اللي امشي انا فيه . عشان يصير وراي .. ونعبر الشارع مع بعض .. ويسوي روحه كأنه مو شايفني وعلى ابو انه صدفه ..



الشي الثاني ..
كل يوم القى سيارتين .. بكل سياره فيها 4 شباب .. وسياره تصير يمين سيارتي .. وسياره تصير يسارها!!!


أخاف يتلوووون إيدي ويخطفوني

آنا حيييييييييييييييييييييييل خايفه


من قبل اسبوعين .. واحد لحقني .. يمكن من المراجعين او الموظفين .. والله ما ادري لان عددنا كبير .. لحقني وصار بيني وبينه مجرد اشبار .. وفتح باب سيارته .. وظل يطالعني .. كان يسرع بخطواته عشان يكلم رفيجه عني ..
لما فتح سيارته .. رفيجه كان داخل السياره وظلو يطالعوني كأنهم يعرفوني .. وودهم يسووون شي .. يخطفوني .. يحطوني داخل السياره .. بس انا لقيت شايب يمشي باالطريق جان امشي وراه ولزقت فيه .. الحد ما وصلت سيارتي ..



صارلي 3 أيام .. كل يوم مضايقات بالسيارات الصبح وبعد ما اطلع من الدوام .. وكل سياره متروسه شباب .. وكلهم نظراتهم لي كانهم يعرفوني




آنا محد يدري من بنات الدوام او الموظفين اني كنت ادرس برى .. يعني لا تقولون انهم يمكن حاطين ببالهم صوره ذهنيه غلط ..


اللي يدرون عني 3 موظفين وزملائي بالقسم.. مكاتبنا يم بعض .. وناس الحمدلله محترمين ..



انا الحين صرت اخااااااااااااااف


فكرت اقدم استقالتي واكمل ماجستير .. بس جامعة الكويت ما تقبلني عشان معدلي .. يعني لازم اسافر برى ..

وابوي وامي الحين مو راضين يخلوني اسافر يقولون يخافون علي ..

وآنا الحين من بعد كل هالسوالف صرت آنا لا يمكن افكر ادرس برى نهاااااااااااااائيا ...
شلون يمكن يصير شي او يتحرشون فيني ...


الحين ما راح اداوم بعد شوي .. (( باقي ع الدوام 3 ساعات ))
و لا راح اداوم باجر


وهمن ما ابي اداوم بعد إجازة العيد ..


أهلي راح يسافرون يمكن الليله او باجر .. بس مابي اروح معاهم ..
اخاف اسافر وياهم .. وبعدين يطلعوني وآنا اقعد بالشقه بروحي ...وبعدين يصير شي ..

المصدر: نفساني

قلت لأبوي عن جزئيات بسيطه عن دوامي الحالي .. عصب وقال لي قدمي استقالتج ..

آنا ما قلت له عن الموظفين .. بس قلت له عن البنت وبجزئيات حيل بسيطه .. وقلت له في سياره ضايقتني .. وعصصصصصصب وااااااااااايد

قال : قدمي استقالتج وقدمي على مكان ثاني ..


قلت : وبكيفي بلقى وظيفه ؟؟؟؟؟ لازم واسطه .. وانت ماتبي تتنازل وتكلم الناس عشان يوظفوني ..
عصصصصصصصصصب وقال انسي اتوسط ..
قلت : يبااااااااااااااا خلاص قفل الموضوع .. آنا مابي اقدم استقالتي .. لأني احب يكون عندي فلوس واستقلاليه ماديه .. وانتحر اذا جيبي فضى ...

وكلم لي ناس عشان اروح حق فرع ثاني .. بس احنا عندنا التنافس على اقوى واسطه .. يعني سالفتي يمكن مطووٌله من ناحية النقل .. بس الحين الموضوع ما يحتمل وآنا شكلي مفصوله مفصوله



صرت اتأخر واداوم على الضحى .. وراتبي كله خصم .. وخاااااايفه حدي ..





و عندي غيابات بالدوام .. باقيلي 5 ايام اغيب فيهم وبعدين يفصلوني حسب اللوائح و القوانين ..


الحين شسوووووووووووووي ؟؟؟


اليوم وباجر بغيب .. يعني راح يبقالي 3 غيابات وأنفصل ...



آنا ماني قادره اطلع من البيت ..

آخر دوام لي كان يوم الثلاثا ..

اقسم بالله توني صابغه شعري . الحين لو تشوفون شعري كله ابيض من الخوف

واليوم اول ما تغديت رجعت كل اللي اكلته -تكرمون


انا انصدمت من مجتمع البنات اللي معاي بالدوام .. دون المستوى .. وناس الله يستر عليهم ..


دوامي القديم .. كانو الناس فيه راقين عكس هذيلا ..



الحين شسووووووووووووي؟


ماعندي حتى رصيد اجازات ولا رصيد طبيات ..






تكفووووووووون ابي حل .. اسمحولي .. ادري وايد طولت بالحجي .. بس والله العظيم السالفه ما قلتها لأحد .. لأني ما ابي اخرع اهلي .. ولا ابي اضيٌق خلقهم .. يعني من كلامي تحسون وحده كاتمه كل هالحجي بقلبها .. عشان جي سامحوني ..


اختكم / أوطان

يا جماعه


وين الردوووووووووووووووووووووود ؟؟؟

حررررررررام عليكم

تعبت بالكتاااااااااابه:(

اختي ابشري سيجيبكي الاخصائيين في حال حضورهم لا تستعجلين اختي ان شاء الله رح يجاوبوك في اقرب وقت
نرجو منك الانتظار قليلا و ما تشوفين غير الخير

وااااااااااااااايد طولو :(

اختي اوطان كما تعلمين ان للاخصائيين اوقات تواجد بالمنتدى فهم لديه اشغال ارجو ان تضعي هذا في الحسبان رح يردوا عليك ان شاء الله

مشكورة اختي

وسوري وايد لحوحه آنا

لكن مثل ما انتي شايفه .. الموضوع ما يحتمل التأخير

خصوصا اني ساحبه امس واليوم ع الدوام

من صجكم والله ؟
صارلي قرن منزله الموضوع .. واشوف الأخصائيين رايحين رادين ولا أحد عبٌرني


عموما
الشرهه علي اني داشه موقعكم

ولو عندي صلاحية حذف الموضوع
جان حذفت


سلاام يالمنتدى البايخ

ولو تبون توقفون عضويتي
عادي بالطقاق والله مو مهم

نعتذر اختى الفاضلة على التأخير ...

ولكن هذا بسبب ضغط عدد المواضيع على الاخصائيين ...

وهم مشكورين يفعلون قدر استطاعتهم فى تقديم المساعدة للاعضاء ....

وسنراسلهم لسرعة التواصل مع مشكلتك ...

نعتذر مرة اخرى ...

وكل عام وانت بخير .......

وانت بخير ..

خلاص ما يلزم

مو مهم

عيدك مبارك اخيتي

عدم ارد ليس تطنيشا لا والله

لكنك لم تحددي مشكلتك

كل ماتكلمتي عنه انك مراقبة وفي ناس بتلاحقك بالسيارات

وين المشكلة النفسية اللي مضايقاك يا اختاه

خدمتكم متعة لنا وراحتكم غايتنا

لكن ياريت توضحي المشكلة بالضبط

وساساعدك بكل ما استطعت

المشكله اختي اني صرت اخاف اطلع من البيت ..

وغبت الأيام اللي طافت عن دوامي لأني خايفه اطلع .. اخاف احد يمسكني من ايدي ويحطني بالسياره .. اخاف احد يخطفني .. صرت اشك بكل الناس اللي يمشون يمي ..



حتى اهلنا بالعيد ما رحت لهم ..
خايفه اطلع ..

وحتى السوق ما رحت شريت للعيد ..

خايفه أطلع ..



اللي حولي عبالهم انا مفضله الحياة الإنعزاليه .. لدرجة ان اهلي شرولي بدلة العيد على الرغم من اني كبيره وعندي راتب والحمدلله مقتدره من جميع النواحي ..


لكني خايفه ..


ايضا ..

احد زملائي بالعمل كان معجب فيني .. وتقرب مني رغبة ً في معرفة ما اذا كنت مخطوبه ام لا .. وكان كثيرا ما يسألني عن والدي وعمله ..

فقلت له : هل تعرفه معرفه شخصيه ؟

قال : لأأ . ولكن صديقي يعمل لديه ..

قلت لوالدتي هذا الامر بكل تفصيل ولم اخفي شيئا ..
فقالت لي ربما يكون صديقه من اعداء والدك ..

فصديته بكل بشاعه لدرجة إنه كرهني ..


هذا الكلام في مكان عملي القديم


وانتهى كل شي