|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
07-03-2011, 09:44 PM
|
#1 | ||||
|
عضو
|
هذه مشكلتي اريد حلا عاجلا...
السلام عليكم ورحمة الله وبركاته
مشكلتي : انا عمري 25 سنه بنت عايشه بنعمه من ربي وفضل وماينقصني شي كل شي ابيه الحمدالله اقدر اجيبه مادتي بفضل ربي معقوله ودراستي الحمد الله زينه اخذت الباكالوريوس وانا الان ادرس بمرحلة الماجستير يمكن الجانب المتعب في حياتي ان اهلي متنافرين وبينهم مشاكل سببت القطيعة بينهم وامي وابوي على طول بينهم مشاكل باستمرار اشوف امي تعاني ولا اقدر اسوي لها شي واشوف ابوي يفضل اخواني من زوجته الاولى علينا ويقدمهم علينا بكل شي غير انه عصبي مره مره يدخل يهاوش ويطلع يهاوش انا ما انكر انه في جوانب كثير ممتازه وقلبه طيب مهما حصل منه لكن بعض تصرفاته الاخيره صارت تسبب متاعب لنا وخاصه بعد المشاكل الي حصلت بين امي وبين خواتي من ابوي انا جالسه احاول اتكيف مع هذي المشاكل خاصه وان هذا شي مستمر وماله حل الا برحمة ربي بس مشكلتي اني اتعب كثير ونفسيتي تنعدم بسبب هذا الجو المتكهرب على طول اتضايق كثير لما اشوف ابوي يفرق بالمعامله بيننا وبين اخواني هذا غير السمنه الي متعبتني مره ماقدرت اسيطر على وزني والمشكله اني لما اتنرفز واتضايق اتجه للاكل بشراهه حتى انسى وانبسط يمكن شي ثاني متعب نفسيتي ان كل بنات العايله الي بسني متزوجات ومعهم اطفال وانا لسا ماتزوجت هذي الامور مسببه لي ضيقه وحزن لكنه شي وقتي احزن بوقته ثم انساه لكن الي انا ابي له حل هو ان نفسيتي مقفله حتى لو بدون مشاكل تلاقيني طول الوقت معبسه ومكشره ماقدر افرد وجهي حتى الي يشوفني دايم يقول ليه طول الوقت معبسه تلاقيني اذا طلعت للناس احاول اني اكون طبيعيه بقد ماقدر وباحيان كثيره ماقدر الي يناظرني يعرف اني مقفله ومزاجي مو مضبوط واذا احد سأل اقول من النوم مانمت زين وماقدر انبسط بشكل طبيعي حتى بالامور الي عادة الناس تنبسط فيها انا ممكن اني مانبسط ابد او انبسط شوي ثم على طول تقفل نفسيتي حتى لو مافيه سبب للقفله اقرب مثال انا احب اطلع مع البنات نتمشى وكذا لكن من اركب السياره وانا قلبي منقبض ونفسي تضيق وماقدر استانس زين تلاقيني بس اول الوقت نفسيتي زينه ثم على طول اقفل امور محدده بس الي استمتع فيها واقدر اني احس براحه وانا اسويها لكن باقي الوقت تلاقي قلبي منقبض ونفسي على راس خشمي مثل مانقول ونومي مره مضطرب ماخذ كفايتي من النوم بشكل طبيعي تلاقيني طول اليوم وانا فيني النوم بس ماقدر انام ومكسله اغلب اليوم مافي نشاط ابد او تلاقيني انام اليوم كله ولا احس بكفايه وهذا شي متعبني مره ويمكن اغلب ضيقتي وسوء نفسيتي بسبب النوم واضطرابه هذا غير الصياح والبكي الي بدون سبب ادور ادنى شي واجلس اصيح عليه يمكن باليوم الواحد ابكي مرتين ثلاث ولو بدون سبب حقيقي غير النرفزه والهواش مع الي حولي تلاقيني متوتره طول الوقت حتى لو كان كلام عادي تلاقي اني اتكلم بصوت مرتفع كاني اتهاوش وكمان العصبيه الشديده بشكل ماقدر اتحكم باعصابي ولما اعصب ممكن اكسر اي شي قدامي مره كسرت التحف الي بغرفتي ومره خربت الموكيت ومره علبه كريم يدين حديد جلست اضرب فيها لحد ماصارت مثل الكوره الصغيره وغيره وغيره وغير هذا اني اتعب كثير لما ابي شي وماقدر احصل عليه او ابي مكان ولا اقدر اروح له او منعني الوالد من شي اتوتر واتنرفز وممكن اجلس يومين ثلاث وانا ابكي وتعبانه فأنا ودي اتخلص من هذا الشي ودي ينشرح صدري وأكون اقل شي عاديه مو لازم مبسوطه اقل شي اكون بوضع طبيعي واتغلب على حزني ومشاكلي واواجهها بقوه واتحكم بعصبيتي الي مسببه لي مشاكل كثير هل هذا ممكن اتجاوزه بدون طبيب او انه شي يحتاج علاج وتدخل وزياره طبيب نفسي انا ماااااااادري المصدر: نفساني
|
||||
|
|
|
07-03-2011, 09:54 PM
|
#2 | |
|
مستشار
|
أختي رؤى:
والله انصحك بزيارة طبيب نفسي لأن صحيح عندك أعراض اكتآبية لكن ممكن يكون عندك اضطراب الشخصية الحدية وربما يكون عندك اضطراب وجداني ثنائي القطب مختلط المشاعر ويمكن المصطلحات هذي جديدة عليكي لكن الشخصية الحدية هو اضطراب يمتاز بالمزاج الاكتآبي والنرفزة وايذاء النفس والعناد والاضطراب الوجداني ثنائي القطب هو الذي يأتي مرة بصورة اكتآب ومرة بصورة هوس وفرح شديد أو توتر وقلق وأحيانا تكون النوبة مختلطة توتر وعصبية وقلة نوم مع اكتآب وبكاء وحزن. الصورة تتضح لو راجعتي طبيب وعمل لك تقييم شامل راجعي وتعالي قولي لنا ايش التشخيص والعلاج وان شاء الله نقدر نتابع معك ونقدم لك النصايح والاستشارات ونجاوب على اسئلتك وربنا يشفيكي |
|
|
|
|
07-03-2011, 11:06 PM
|
#4 | |
|
مستشار
|
مافهمتيني اختي رؤى، أو أنا ماوضحت لك
انا تكلمت عن 3 أمراض مختلفة وأقول يمكن واحد منها عندك، وجايز اكون غلطان ويكون عندك حاجة مختلفة علشان كذا انصحك بمراجعة طبيب وعمل تقييم نفسي بالمقابلة وليس في منتدى فالصورة ستكون أوضح وسيتمكن من عمل التشخيص المناسب واعطائك العلاج المناسب وسامحيني اذا خوفتك بغير قصد |
|
|
|
|
07-03-2011, 11:49 PM
|
#5 | |
|
عضو
|
لو سمحت ليت تعطيني تعاريف مبسطه لهذي المصطلحات مشان استوعبها بس لان بصراحه حالتي مو لهذي الدرجه المرعبه ولاعندي هذي الاعراض الي ذكرتها بنفس الصوره هذي
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
