خآلتي بتروح مننا وإحنا مو قادرين نسوي شيء:(

خآلتي بتروح مننا وإحنا مو قادرين نسوي شيء:(

السلام عليكم ورحمة الله وبركاته

انا بحكي قصة خالتي ع طول واتمنى الاقي الحل عندكم او تفسير لحالتها بسس

::

خالتي من النوع المررح مرره ماشاء الله .. دخلت الثانوية العامة السنه اللي فاتت وهي الوضع عندها عادي مو ناقله هم النسبة لانها اخر همها الدنيا لكن ع اخر الامتحانات يوم الاثنين ..

جت الامتحانات وهي ماتنام كويس او نقوول ماتنام ابد اخر اسبوع .. وهي ماقد سهرت حدها بعد صلاة الفجر وتنام من لم كانت صغيره ماجربت السهر

يوم الاثنين دخلت امتحان الادب وحلت لكن القصيده اللي طالبتها المعلمه ماكتبتها كتبت قصيده ثانيه

وع نهاية الدوام تخانقت مع صديقتها وطلعت زعلانه من المدرسه وجت للبيت لوحدها مشي والبيت بعييد وصلت البيت حصلت الباب مسكر ومااحد يفتح لها وطلعت لبيت خالي اللي بجنب بيتهم وكلمت خالتي تفتح الباب لها وهي وضعها مو طبيعي

بالليل راحت لهم امي وتقول انها ساكته ودموعها تنزل ولا تتكلم ..

وخالاتي ملاحظين انها متغيره ..

شكينا انو احد تعرض لها وهي راجعه .. لكن مافي دليل واحد جسمها سليم وملابسها سليمه

جت لها صديقتها تكلمها لكن لا حياة لمن تناددي بعدين صارت تقول انو كل اللي فيني من فلانه .. والبنت احلفت انها ماسوت لها شيء

وصارت حيآتها ززفت ودينها للمستشفى وماتنام الا بأبر

يوم الاربعاء كلمتني قالت انها تبغى تتكلم معي وفرحنا قلنا راح نعرف شنو فيها

لكن اللي شفته انها ماتكلمت ولا قالت شيء حاولت فيها تنام ولا رضت اخذتها مع خالي للمستشفى والله الذي لا اله الا هو اعطوها مع المغذي ابرتين منوم ولا نامت وكانت تناظر لخالي وتقول لا اله الا الله<< او استغفر الله مااذكر بالظبط ايهم وتلف ع المممرضه تقول لاحول ولا قوة الا بالله وتكررها واحيانا تقولها وهي منفعله وتققوم من السرير يادوب يلحقو عليها الممرضات يمسكوها وتصصرخ نناديها ولا ترد صارت بدون وعي تكرر هالحركه

جبنا لها شيخ وجلس يقرى عليها ولا هدت جابو واحد ثاني وصار يضربها وماادري شنو انا انرعبت منه شكيت انو شيخ وصار يكتم نفسسها وقال انو فيها شيء متلبسها والعياذ بالله وجننها بالضرب وهي تعبت ونامت وصارت تتكلم عادي
طلعوها من المستشفى 4 العصر ورجعت لها الحاله

والمغرب رجعناها لنفس الشيخ وصار يقرى عليها بمكبرات ويضربها تشنجت وصارت تتبول ع نفسسها وطلعوها من عنده

والشيخ هذا طلع ممنوع من انو يقرأ ع الناس لكن ماعرفنا .. المهم رجعت للبيت والله العالم بحالنا يومهاقرى عليها خالي وهدت اعصبها وفك عنها التشنج لكن مازالت تصيح
وظلت حالتها حاله وبعدها اخذناه ع شيخ قرايته كانت كويسسسه وطلعت من عنده حالتها احسن صارت تجلس معانا لكن قال لنا لا تعطونها وجه اذا صارت تسوي حركاتها المعتاده وعطوها حريتها .. واذا سوت شيء غلط مثل تكسر صحون او شيء خانقوها..

وتحسنت ولله الحمد

لكن قبل نوديها ع الشيخ سوت حركه غريييبه مرره

كانو مجتمعين تحت فبيت جدي وطلعت هي تجري فوق ع بيت خالي وهو مافي احد به .. الا الخادمه وتخذ صحن تعبي فيه مويه وتتوجه للخادمه ويطيح منها وينكسر .. كررت هالشي اكثر من مره .. خافو من الخادمه .. واكشفو عليها يحسبوها رجال لكن خاب الظن .. اخذها ولد خالي وهو ظابط وحقق معاها اذا كانت مسويه لها شيء انكرت .. بعدين اغرينها ب 10 الاف بس تتكلم اذا كانت مسويه شيء .. وقالت انها ماسوت شيء ولا سحرتها .. جلدوها و قالت ماسوت شيء

ثاني يوم خخالتي صارت تكتب بورقه اسم خادمة خالي وسسهم بعده اسم ولد خالي الصغير
واسم خادمة خالتي وسهم وولد خالتي الصغير

..

سفرنا الخادمتين ولا تبين انهم مسويات شيء حتى مع القراءه ماقالو فيها شيء ..

رجع حال خالتي طبيعي .. وصارت تتذكر كل شيء يصير معها وتحكي لنا ..

صدق خف مرحها شوي لكن احسسن بكثير من اول


برمضان قررو ياخذونها عمره بعد ماربنا عافاها وهذا كان بعد 3 اشهر من موضوعها .. وهي ماقد سافرت حتى لو سافروا خالاتي هي ترفض لانها تكره السفر وتخاف منه .. اخذوها وهي موافقه عادي

بعد يومين صارت تكلم امي وهي تصيح تقول لها خليهم يطلعوني من المركز انا مخنوقه وزحمه .. رجعت لها حالتها لانها ماتنام و شافت الناس والزحمه وهي حتى قبل ماتسافر ماتختلط حيل بالناس .. يعني بحدود عايلتنا .. وصديقاتها بس

رجعت لها حالتها .. لكن اخف بكثييييييييييير من اول .. بس صارت تكره جدتي اللي هي امها وبس تصرخ عليها .. وبعد 10 ايام صارت تمام

والحين بعد سنه رجعت لها الحاله من يومين او كانت من فتره بس ماانتبهنا والسالفه بسبب انها خافت وانصدمت بخادمة ولد خالي مسكوها بقضية كبيره واحنا كنا واثقين فيها من 9 سنوات عشان كذا انصدمت وخافت وزادت حالة خالتي هاليومين

لكن هالمره بس تضضضحك بهستيريآ .. ونفس الشيء من يومين مانامت وتعاند خوالي تعلي صوت التلفزيون واللاب والجوال .. بس تزعجهم .. لم يدخل خالي الكبير تسكت ولا تسوي شيء .. اليوم صرخت ع جدتي تقول لها ياحيوانه وجدتي قامت تخانقها لانها احترمتها وقالت خالتي انا ماقلت لك حيوانه ليش تخانقين .. ياناس والله حالتها حاله تضحك بهسستيريا من ثلاث ايام ماوقفت ضحك ولا نامت !! :frown:


وانا مااتوقع انو سحر ولا عين .. لانو لم كان يقرى عليها الشيخ كانت تردد معه الايات عادي وهي محافظه ع صلاتها والقران يوميا تقرا منه

تكفوووون عطوني الحل قبل يصير فيها شيء

:frown:

المصدر: نفساني

أختي بريق الأمل

خالتك غالبا عندها اضطراب وجداني ثنائي القطب ربما

مع اعراض ذهانية أو ربما فصام وجداني

ويصعب معرفة هذه الحالات دون مشاهدة وتقييم المريض

ولا يجوز احضار من يقرأ ويضرب فهذا والله ليس علاج ابدا

انصحكم بأخذه لطبيب فاهم والأخذ بتوجيهاته

يعطيك العافيه

لكن اللي مستغربين منه هالحاله ماتجيها الا اذا خافت من شيء وتجيها فتره بعدين بس تصير تقدر تنام تخف عنها .. شوي شوي لين تختفي كل هالاعراض :(