|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الأطفال لطرح الأسئلة الخاصة بمشاكل الأطـفـال الـنـفـسـية ويقتصر الرد على المشكلات من المختصين النفسيين والتربويين |
|
|
أدوات الموضوع |
22-04-2011, 02:58 AM
|
#1 | ||||
|
عضو جديد
|
ابني وحيد
مرحبا ..
عندي ولد عمره 10 سنين الله يحميه .. هو وحيد بدون اخ او اخت ..حاولت كتير اني اجيب له اخوات بناء على طلبه لكني ربي ما راد لي .. المشكلة انه دايما يحكي بالموضوع و يتهمني بالتقصير و اني انا السبب انه وحيد مع اني انا و ابوه بالنسبة اله اخوات و اصدقاء و كل شي بده..و كمان مو مقصرة معاه دايما عنده صديقه بالبيت يلعب معاه و بخله يصاحب اولاد كتير و بعزمهم لعندي و بدللهم .. بس اوقات بيمل لوحده و ببلش يبكي لاني ما فيني العب معاه بالعابه .. و مؤخرا صار ما يسمع كلمتي او كلمة ابوه و صار عنيد و ازا منعته عن شي يتهمني باني ما بحبه لازم اوافق بكل شي عشان يرضى هالشي مو صح ... اوقات في اشياء مو لازم اوافق عليها متل السهر او اللعب بالشارع لوقت متاخر او الخروج باي وقت للنزهة ..انا قلبي عم يتقطع دايما بسايره و ما بقسى عليه و بتحمل غضبه و بكلمه بكل هدوء و بعرفه انه اخطأ و هو بيندم و بيعتذر و يحلف ما رح يعيدها .بعد كم يوم بيرجع نفس الشي ..خايفة عليه كتير خايفة يكون عنده مشكلة نفسية .. هو متفوق بالبمدرسة و زكي و محبوب من الكل و شخصيته قوية ..شو لي عم يصير مو عارفة ..اوقات بستعمل معه القوة بيصير يبكي و يقول اني ما بهتم فيه ..و كمان ازا كان عنا ضيوف و معهم اولاد صغار بيغار منهم ازا حكيت معهم كلام حلو ...و هو متأكد اني بحبه اول واحد بالعالم و مو حارمته حبي و اهتمامي ابدا ... و دايما بده اخده مشاوير و اشتريله كل شي بيطلبه و بحاول افهمه انه ما في امكانية اجيب له شي كمان بيصير يبكي ...بطلب من المشرفين يطمنوني و يقولو لي شو اسوي ؟؟؟؟؟؟ مع جزيل الشكر المصدر: نفساني
|
||||
|
|
|
22-04-2011, 07:37 AM
|
#2 | |
|
مستشار
|
أختي دموع الزهر:
لا تخافي ولا تحملي هم. ابنك بخير وهو طماع مو أكثر تعود ابنك على الدلال باعتبار انه وحيد وباعتبار انكم بتحبوه انتي وأبوه ومابتقصروا معاه وبيطلب منكم زيادة مثله مثل اي طفل لا يفهم معنى كلمة "كفاية" وانصحك انتي وابوه بالصرامة معاه بالتدريج وان لا تتجاوز صرامة التعليم والتهذيب والتوقف عن الشعور بالذنب تجاهه وتجاه وحدته فهذا أمر الله وعليه ان يتكيف مع واقعه بأي وسيلة كانت الله يحفظه لكم ويجعله قرة عين ويوفقه في مستقبله وبره لكما |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
