|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
23-06-2003, 07:39 AM | #1 | |||
عضـو مُـبـدع
|
حصيصه في شارع التحليه
السلام عليكم ورحمة الله وبركاته,,,,,,
حصيصه في شارع التحليه اولا ::: الشخصيات: حصيصه=بطله السالفه وراعيه الروفر. نوير=راعيه بر وقنص معها هايلكس 2003. سوير = عربجيه الحاره وفزعتهم معها اوبل. هي ناس=محل تصوير في الرياض. ثانيا::: السالفه: هالموضوع حبيت يكون خاص في سواقه البنات بما ان حنا الشباب تختلف درجاتنا في سوقتنا للسياره برضه البنات لهن اشكالهن في السواقه عشان كذا بطله السالفه هي الانسه حصيصه اللي تعتبر احسن طاره في الحاره طبعا حصيصه هذي بعد ما نجحت وتخرجت من الثانويه طقت لها امها موتر يحبه قلبها من النوع البناتي وعلى طول طارت عجتها للغرابي بتركب انواع الزينه من تضليله موف الى جنوط فوشيه وانصدمت بان كل هالحاجات مهيب عندهم ورجعت من المحلات بعد ما هاش عليها العامل حق الزينه:انتي في مزنونه(انبسطت تحسبه يقولها مزيونه) في فكر كولر زينه سيم سيم ميك اب يالله روووه مافي تزليل مافي زنط((جنط))لين انها بغت تزنطه من القهر. عقبها قررت حصيصه انها تسوي اللي ما يتسوى وانها تثبت رجولتها وتنسف شعرها وراها وتقلبها سامري في شوارع الرياض راحت اقرب محطه وعبت فول((لو راحت اقرب بوفيه وعبت فول ارخص ))هع بايخه . المهم مرت ربعها من بنات الحاره وركبتهن وراحت تدور في كل عاير وتشطف الليموزينات وكل لفه لازم تزحف الموتر وخويتها يتراقصن في مرتبه ورا ((بالطول والعرض حصيصه تهز الارض)) شافوها مجموعه شباب وجاز لهم الوضع وتقاطرت سعابيل اديترهم ولحقوها وخذ يا مطاردات من شارع لشارع لين حجروهن في سكه ضيقه بين سيارتين ((سكه التايهين)) عاد الشباب بيتحرشون بهن ومادروا الا وحصيصه تنزل عليهم بمفك العجل وعصا العفريته وتنطلهن على قزازتهم اللي تكسرت ويو شافت بينزلون قامت تشر لسيارتين جايه وخافوا تعلم عليهم وتتهمهم بالمحارش ونحاشوا وهي النحشه ويوم وقفت السياره قالت حصيصه:::مابي الا سلامتك يا وجه العنز شف ذولي يحتكون بي تفاهم معهم وراحت ركبت موترها وفحطت وقتها دق جوال حصيصه والاها خويتها نوير راعيه الددسن تقول لها انها بتكشت بالثمامه ومعها العده كلها مركبتن شنطه في الصندوق حقت بر وحاطه فيها((((مكياج وبودي كير واستشوار وحاطه دافور وردي )))) وعلمتهم انها تحتريهم هناك قد طقت الرواق وكلش قالت مابدهاش يابنت يلزمنا نروح زهمت على العربيجيه سوير وقالت لها تخاويها وهم بالطريق معهم الرافور سقطت عليهم كامري تسوقها وحده وشطفتهم وعطتهم غمزيتين بالاشاره يعني بدري عليكم وتنجن حصيصه وتمعط شوشتها من القهر وتكتم لام الدعسه وخذ يا مساقط على الدائري وكل ما وصلو حول الكامري قامت سوير وطلعت راسها مع الدريشه وهي تطلع لسانها وما درو الا وراعيه الكامري تحدهم على الرصيف لين اعترض الموتر بحصيصه وخلاها تزحف لين خشبت الكبري:(وبعد ما جت الدوريه وحققو في الحادث حطو الخطا 99%على الكبري و1%على حصيصه ومدام الدعوى عوافي مع ان الحادث يخلي الواحد يقول يا كافي قررت حصيصهانها تاخذ حقها حتى لو طال الزمن المهم جا اجتماع بين حصيصه وسوير ونوير في احد الكوفي شوبات وبعد ما طلعوا ركبو سيارة النوري الهايلكس الغمارتين وراحوا لشارع التحليه بغرض التمشي والاستهبال ومشغلين اغنيه مايكل جاكسون مشكلنـــــــــي ومطولين عليها والافي واحد من الشباب موقف عندهم شكله قاط معهم بالموتر ويقعد يطالع فيهم وحاط يده تحت دقنه ويتلص فيهم التفت حصيصه على نوير قايلتن لها وش يبي ذا هو خشمه الي كنه نقانق عارمها تكروني التفت عليه سوير العربجيه وقالت:::هذي سياره ترى مهيب محل هي ناس رد عليها الولد وقال وش هي ناس انا قاعد اطالع احلى ناس وما كمل كلامه الا وشريط خذاني الشوق حق نوال ماخذن لفه على خشته وتفتح الاشاره والا يوم جاهم الذيب الازرق يقوووول :::عووووو: <:::: وش جاه هذه ذا قام يخور عفوااا المهم والا يوم شافو ذيك الكامري قدامهم مشكوك فيها ويوم قربوا فزت حصيصه من مكانها وبوبزت على المرتبه ويديها على الطبلون واااااع هذي هي الحماره اللي حدتني لين طبع الروج حقي في سمينت الكبري والله اها هي جعلها الماحي هي وقرونها نفس اللوحه وتدحج الطبلون لين انكسرت حقت البيبسي وتبدا اللحظات المثيره ويبدا الدم حق جيمس بوند يمشي في عروقهم راحوا وراها بدون لا تدري عشان ما تخاف وتنحاش ويوم وقفت عند محل مناسبات ونزلت والا هذولي ربعنا في وجهها طبعا هي ما عرفتهم وقفوا قدام وجهها حصيصه معها معصاد الجريش وسوير معها مغرفة الفول ونوير معها ملقاط الجمر جايبته من الشنطه(((هي ما تشيش ابد))) المهم قالت لهم نعم وش تبون واقفين قدامي غرض حاجه؟؟ ردو عليها بصوت واحد:::: عندنا مناسبه سعيده وبنحتفل في وجهك وتبدا الهوشه والطق والطقيق وتمعيط الشوش ونوير من زود النذاله بالملقاط خشمها وتقبص لين غدا احمر كنه طماطتن طايحتن في سيراميك. طبعا الشباب ما صدقو خبر اجتمعوا عشان يفكون النزاع ومنهم اللي لقط الغنايم اللي عباره عن شباصات مختلطه بالدم وبكلات موف كلها يبي يحتفظون بها للذكرى وبعد دقايق جت اللومينا تسوقها الملازمه جهير وبعد التحقيقات واخذ الرخص ودتهم للحجز وهناك صار تنازلات وحوسه وطلعت حصيصه ومن معها بكفاله وتعهد انها ما تسبب مشاكل ولا تحرش بباقي السيارات حتى لو اخطو عليها واحب اضيف ان حصيصه كانت رابطه على التنده ورده زهريه من بريدي وشكرا اخوكم سامي الحربي المصدر: نفساني
|
|||
|
23-06-2003, 09:44 AM | #2 |
عضـو مُـبـدع
|
احلى وش هذى القصة
تراك ظالم البنات هم رقيقات مو عفشات وبعدين شفيك على اللون الموف شكلك تحبة بس تراه لون العبيد والسلام ختام |
|
25-06-2003, 06:20 AM | #3 |
عضـو مُـبـدع
|
وعليكم السلام ورحمة الله وبركاته,,,,,,
حمد لله على السلامه كيف اختباراتك والله اني استنى رجعتك عشان انزل موضوع عاشقة الرياح والسارس والله نور المنتدى بعودتك بس انا ما احب اللون الموف مع انه يعجبني وانا ماقلت ان البنات عفشات لكن هذا احتمال كبير لواقعهم بعد السواقه ولا تقوليني كلام ما قلته وانا ماني ظالم <=========== زعلت ههههههههههههههههه بعدين حلوة شهادتك في حق البنات ذكرتيني بالمثل اللي يقول والله بلاش المشرف راح يحذفها هههههههههههههههههههههههه خفتي صح بس جهزي نفسك راح اشن عليكم حمله انتي وعاشقه بس انجوحوا واعطوني خبر وعلى فكره انتي تذكريني بالعربجيه حقت القصه سوير هههههههههههههههه@هههههههههههههههه لا تزعلي امزح حياك الله وشكرا لمرورك وعلى مشاركتكي وتشبيهي ب(( ال نقرو)) حياك مرة اخرى اخوكي سامي الحربي |
|
27-06-2003, 01:09 PM | #4 |
عـضو أسـاسـي
|
أعوذ بالله...
إيش فيك على وردتي... والله البنات...نواعم مثل ماقات أختي.. لاتتكلم عليهم.. لأن نحن لك بالمرصاد.... عاشقة الرياح..القاتلة... |
|
28-06-2003, 01:11 AM | #5 |
عضـو مُـبـدع
|
وعليكم السلام
الله يسلمك لا تفرح مانى قايلة المنتدى منور باصحابة اصلا مو منور الا بوجودى انا وعاشقة وبس وبعدين جرب تطرح الموضوع وتشوف حنا لك بالمرصاد وبعدين تشبهنى بسويرة وانت ما يحتاج عارف نفسك يا سم سم وبعدين زعلت اشرب ما البحر وبعدين لا تقولنى كلام ما قلتة وحنا جاهزين لوقف الهجوم هههههههههههههههههه امزح بس لا تصدق نفسك كثير نتواجة ونشوف من الى يغلب يا سامى في هوليود مشكور اخوى الله يحيك ولا شكر على واجب ابنتكم الوردة |
|
03-08-2003, 09:53 PM | #6 |
عضـو مُـبـدع
|
ههههههههههههههههههههههه
معليش ممكن تاخرت الا اكيد تاخرت بس عاد حكم الزمن المهم حياكم الله وشكرا على المشااااركه وانا اصغر منك كيف تقولين ابنتي <======== اصغر اعضاء نفساني يا جده ورده هههههههههههههههههه لا تزعلي لااا ابدا لا تحاولي الزعل مرفووووض اخوكم سامي الحربي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|