ابيكم معي باللحظه هذي

السلام عليكم .....
انا اعتبرها قمة الشجاعة ان تمسك الكيبورد وتكتب مشاعرك في لحظة الهلع ..... ما حدا يفهم هذه المشاعر الا الذي مر بها ... بس والله تكنيك الرسم رائع ....... انا صرت اعمل مع نفسي رهان انه اذا استغفرت ربي 1000 مرة ان شاء الله ما تيجيني النوبة وشايف الامور ماشية الى الان .... يعني 50 % تحسن ... الله يحفظكم جميعاً ويشفينا انه نعم المولى ونعم النصير .....امين

بصراحه اول مره تجيني هالشجاعه واكتب وانا فيني نوبة الهلع
الظروف حدتني اكتب كنت من تجيني النوبه ارتمي بحضن امي او زوجي باللحظه هذي ماكنت ابي امي تشوفني لانه حدها تعبانه وزوجي ماكان فيه مسافر. فجيتم ببالي ودخلت كتبت لانه اخاااااااااااف اكون بروحي باللحظه هذي لازم يكون حدئ بجنبي

احس اني تعبانه باللحظه هذي وماقدر اخذ نفس ومعدتي تعورني وفكرة الموت تجي وتروح. وكنت اناظر فيلم في واحد مات وع طول جاتني النوبه اني بموووت وجلست اقراء ايات قرانيه وحاطه يدي ع صدري واحس بقلبي بيوقف

يارب شلون اتخلص من هالتفكير ذابحني مو مخليني اعيش حياتي الطبيعيه
كل مابي اسووي شي فكره الموت براسي حتئ كنت ابي اسافر هونت قلت ببالي لو سافرت اكيد هي السفريه الاخيره لي
تعبت من هالوسواس
من اجي انام ماقدر انام احس اني بموت حتئ خلاص اغمض عيوني بنام ومن ادش بنومتي اقوم مفزوعه وكان قلبي وقف
الي عنده هالاحاسيس وتعالج منها يفيدني
?

اختي صبرا يالله انا اسفة لتأخري في الرد عليك
بس اول شيء ارحب بك معنا و اتمنى ان يكتب الله لك الشفاء عاجلا غير آجل و انا متفائلة لك من خلال اسمك الرائع فهو شعار جميل فمن اعطاه الله الصبر سيعطيه باذنه الفرج لذلك اطمئني
اما عن احساسك فقد مر عليا قبلك و عشت معه المر و لكن رحمة الله وسعتني بشفائه بعد اان كنت قد اسيئست و لكن الله على كل شيء قدير
حاولي تشغلي وقتك بالاستغفار و الاعمال
و طمنيني عنك

مجرد افكار وجدت مساحات في عقلك واخذت تعدوا كالجياد ...
شرايك فيني وانا مثقف ؟؟ ههههههه
هالفكرة هي اكثر الأفكار اللي مرتني .. والحمد لله خفت كثير وقريبا تتلاشى بحول الله ( بدون أدوية )?

أختي العزيزة صدقيني ان نوبات الهلع مجرد فكرة تستحوذ علينا في لحظة ضعف او ظرف ما حاولي تغيرين تفكيرك وتسيطرين على نفسك اثناء نوبة الهلع وحاولي تكررين بينك وبين نفسك انها دقائق معدودة وتنتهي بإذن الله انا لا انكر انها لحظات مخيفة ولكن لن تسبب الموت الا ما كتبه الله لنا .... لا تنسين الرقية وقراءة سورة البقرة وانفثي على نفسك ... وايضاً لا تهملين العلاج النفسي حاولي استشارة مختص نفسي فالادوية النفسية أوجدها وسخرها الله للشفاء من هذه الامراض وانا من الناس اللي استفدت من عقار السيبرالكس لتخفيف نوبات الهلع ولله الحمد والمنة .

اسأل الله الشفاء لي ولك وللجميع يارب يا سامع الدعاء

اختي ملكة السكوت يعطيك الف عافيه ع الرد
بس ابي اعرف اخذتي علاج بعد ارادة الله طبعا انه من عليك بالشفاء

والا شلون ؟

يسلمووو شخص علئ كلامك
انت تهبل وانت مثقف ههههههههه
وبعدين الاجواء والتوتر الي حوليني وعايشته مسبب لي ضغط نفسي لدرجة ان الحاله صايره تجيني كل شوي
ومالقيت احد يخفف عني



رحمتك ارجو انا هالايام عايشه لحظات ضعف مو لحظه الله يرزقني الصبر والتحمل بس ويعديها ع خير يارب

وفعلا هاللحظه مخيفه جدا وانا اشوف الموت بعيني واحس فيه.

لا يا اختي انا ما اخذت علاج دوائي لكن عرضت حالتي على مختصة نفسية تابعت معها جلسات علاجية سلوكية تتبعت نصائحها كما عملت الرقية الشرعية و لا اخفيك غيرت الكثير من نفسي فأعانني الله بعد الجهد لم يخيبني سبحانه

الله يشفينا أجمعين ويريح بالنا انا مثلك مريت بالإحساس احس روحي بتطلع وربي احس بغصة بحلقي لا اقدر أتكلم ولا اتنفس بس اجلس انتظر متى بتطلع روحي وأموت . بس الحمد لله مع العلاج خفت الحالة كثير ومن كثر ما قريت عن نوبات الهلع تأقلمت معها وأقنعت نفسي انها شي مو خطير وحاولت أغير من طريقة تفكيري ولا او سوس بالموت كثير وأوكل امرئ لربي و اشغل نفسي قد ما اقدر عشان ما اعطي نفسي فرصة للتفكير بالموت والدخول في متاهة الوساوس. حاولي تسوين هالاشياء ولا تنسين العلاج النفسي



وطمنينا عليك :)

ان شاء الله
الله يعطيكم العافيه وتكونو لي سند وانا بحالتي هذي