الوسواس القهري..الام الصدر..حالات الهلع..ساعدوووني

الوسواس القهري..الام الصدر..حالات الهلع..ساعدوووني

الســـــــلام علــــــيكم..

اول شي احب اشكر جميع من ساهم على انشاء هذا الموقع الرائع اللي استفدت منه كثير صراحه والله يعطيكم ع قد نيتكم يارب..

بكل بساطه انا بطرح موضوعي واتمنى تفيدوني..

اول شي انا انسان اعاني من مرض الوسواس القهري من 9 سنين
والان انا عمري 19

وللاسف ماتعالجت للان لانه انا كنت احسب الافكار اللي كانت تجيني انا الوحيد بين الناس اللي اعانيها
لاني كنت احسبها من مخيلتي انا ..

وتقريبا قبل شهر عرفت انه مرض واسمه الوسواس القهري ..
فرحت انه يمكن راح اقدر اتعالج وبنفس الوقت حزنان لاني كنت بفكر انتحر كثير بسبه هالمرض وكنت مؤمن 100%انه انا الوحيد اللي افكر بهدي الافكار صراحه..

عموما مو هدا موضوعنا..
انا بكون صريح عشان تفيدوني

انا اتجهت للاسف للمخدرات ظن مني اني راح اقدر انسى هالمرض
ولكن كان العكس تماما كانت الطقوس بتزيد وقت ماكون منتشي وبتتعقد اكتر واكتر

وفي يوم كنت منتشي ورجعت البيت دخلت غرفتي وبديت احس انه فمي بينشف لدرجه انه كان يصعب علي الكلام ..

وبديت احس ان وجهي اتكمش قمت وطليت في المرايه لقيت عيوني حمرا لدرجه انه بياض العين ماكان باين ابدا هنا انا حسيت بالخوف مسكت قلبي وكانت نبضاته سريعه جدا
وهدي اول مره تصير معايا في حياتي

وبعدها حسيت بالدوخه القويه وظنيت انه هدا هوا اجلي

توضيت واتجهت للمسجد وانا ماشي الحاله خفت لما دخلت المسجد وقعدت رجعت الحاله

طيب صليت وطلعت بروح المستشفى وانا ماشي الحاله خفت يعني مع المشي كانت بتخف

استمرت معايا الحاله اربع ساعات تقريبا وبعدها رحت المستشفى وسويت تخطيط قلب وكان سليم والضغط كان طبيعي

ورجعت البيت ورحت تاني يوم سويت تحليل ايضا كان سليم لكن الدكتور قالي كثر مووويه

لكن المشكله انه في الم في صدري جهه القلب واحيانا يكون في اليمين لكن الغالب في مكان القلب واحس كانه سكين بتطعن قلبي ونادرا يكون الالم في مكان كلوتي وظهري

ولما فكرت اسوي رياضه مشيت مسافه بسيطه وبعدها حسيت من جد الم قوي جدا في قلبي يعني انا مادري هوا من الرئه او القلب .....تعبت والله

سؤالي هل الهلع والخوف ومرضي النفسي ياخذ دور في اللي صار ليا؟؟

واشكركم من اعماق قلبي

اخوكم:نواف

المصدر: نفساني

وينكم ياهل الخير

اسير احزانى

شفاك الله وعافاك

لو عرضت اعراضك هذه على اعراض العين

سيتبين لك ان الاصابة عين

لا تقلق

فعليك برقية العين

وايات السكينة

وايات لابعاد الوساوس

والرقية الشرعية

كل ما سبق على ماء وزيت تقراه

وتنفث عليهما

هذا اذا تمكنت ان تقرا بنفسك

والا فليقرا عليك راق تقى

او احد اهل بيتك

جزاك الله خير اخوي..وجعل مثواك جنة الفردوس وجميع المسلمين..

بالنسبه للعين انا فعلا قريت كتاب عن العين وانصدمت انه 90%من الاعراض كانت موجوده فيا..

مثل كثره التثاؤب ,,وبقع بنيه في الجسم ...والخ

لكن هل العين سبب في حدوث وساوس؟؟

وانا وسواسي مايتعلق بغسل اليدين وماشابه

انا اظن ان من غير الطقوس اللي امارسها راح يكرهوني الناس وحياتي راح تتغير

يعني احس اني لو استمريت في الوساوس ممكن اكون شي مهم في المجتمع
ولو تجاهلتها راح امرض واموت وغيره

ايضا لما بكون قاعد في البيت واشوف نور الشمس احس براحه لكن بالليل تجيني كئابه قويه

زمان لما كنت بنصاع للوساوس كنت بكره نفسي لكن كنت بستمتع واطلع واروح واجي لاني مع ممارستها اظن ان حياتي بتكون احسن

لكن بعد ماتجاهلتها بديت احس بكئابه قويه وامل واطفش من كل شي وماحس للحياه طعم

شكرا..

أهم شيء في مرض الهلع هو عدم التفكير والتهويل بالأعراض الجانبية

خليك إيجابي وعيش حياتك كلها أيام يزول منك المرض

عفاك الله

هلا

مثل اعراضي

وياليت تحلل جرثوومه المعده عن طريق النفخ

لاني من استخدمت علاج الجرثوومه والم الصدر خف شووي


بالتووفيق

يعطيكم العافيه ..

اسير انا مثلك الم صدري لمن امشي انا خفت نوبات الهلع لكن الم صدري ابدا خصوصا لمن اسجد الالم كانه سكين وكمان في كتوفي ماخليت تحليل وتخطيط الا سويته

متلي اخخخخخخخخخ بس