|
|
||||||||||
ملتقى أصحاب الرهاب هل تعاني من الرهاب ...؟ لست وحدك في ذلك!... |
|
أدوات الموضوع |
24-08-2012, 03:31 PM | #1 | |||
عضو نشط
|
هل أحد منكم يعاني من هذا الشي مثلي؟؟؟
أخواني أعضاء هذا المنتدى الجميل بأعرض عليكم مشكله مريت فيها مرحله من مراحل حياتي وماأدري هل أحد منكم عانى منها وإلا لا طبعآ أنا ولله الحمد واعوذ بالله من كلمة أنا وسيم ولله الحمد وهذا بفضل الله من كلام الناس فيني والحمد لله بفضل من الله محبوب من الكل سواء قريب او بعيد ولكن هذا مو معناته انه ليس لك اعداء او كارهين في هذه الحياه كل واحد فينا له محب وعدو لاني وربي يعلم انا ماقول هذا الشي حتى اتباهى به لا والله ولاني من النوع الي يحب يمدح نفسه ولكن احكي لكم واقعي الفتره الي مريت فيها واعتقد انها هي بداية اصابتي بمرض الرهاب الاجتماعي وهي عدم قناعتي في شكلي للاسف وانا اقول للاسف الف مره وترسخ هذا الشي في ذهني لفتره طويله لدرجة اني دقيق في كل شي في لبسي والحمد لله بالنسبه للبس والاناقه انا من النوع الي اهتم في نفسي كثير من ايام طفولتي وبالاصح من وقت بلوغي عدم قناعتي في شكلي جعلتني كل شوي اروح اناظر للمرايه واطلع عيوب مع انو مافيه شي ابد ولكن هذا الي يصير معي يعني باذكر لكم بعض المواقف الي تمر علي في بعض الاحيان زملائي او من يمون علي يقولي يااخي ماشاء الله انت جميل او اجمل مافيك عيونك انا لمن ارجع البيت حتى قبل ماافصخ الشماغ اروح للمرايه اناظر في عيوني اقول كيفهذا يقول عيوني جميله بصراحه انا مااشوف شي من الي قاله هذا يجاملني عيوني ماهي حلوه وشكلي ماهو جميل استغفر الله العظيم فصرت كل مااطلع او قبل طلوعي سواء للعمل او للسوق او للمناسبه لازم اتكي عند المرايه حق خمس دقايق او اكثر بقليل لدرجة انو صار هالشي ضمن روتيني اليومي فتعبت فسبب لي هذا الشي تقليل من ثقتي في نفسي وصرت اقارن نفسي باناس اخرين مع اني الحمد لله جميل وماينقصني شي بس بصراحه تعبت وسبحان الله في بعض الاحيان تمر علي لحظات يصير معي فيها العكس ف اناظر في صور لي او حتى في المرايه الي كانت تعطيني اشارات سلبيه واقول لنفسي بسم الله علي فعلا انا جميل صدق فلان وصدق علان ليش انا اقول لنفسي كذا وانا الحمد لله ماينقصني شي صرت الوم نفسي ولكن مايعدي يوم الا وترجع المشكله الاوله صرت حساس جدا ودقيق بشكل عجيب يعني مثلا الشماغ بوضع معين انا في نفسي اقول ايوه كذا تمام وكذا شكلي راح يرضيني بس لمن احطه ع وضع اخر اقول في نفسي لا كذا مو بزين مع اني انا الشخص نفسه فأعتقد من كلامي الي قلته لكم ومن هذا الشي الي صار لي بديت اعاني وتتغير اشياء في حياتي لاني أذكر مره من المرات قابلت استشاري نفسي وسالته قلت له يادكتور هل في ناس تعاني من هالشي قالي كثير مو انت وبس لدرجة انو في شخص كان سبب مرضه هالشي وجاني وعالجته وبعد انتهاء علاجه تزوج ودعاني لحضور زواجه وكان وضع للاحسن فسبحان الله شي عجيب صراحه ماأقول غير الحمد لله ع النعمه الي الله عطانا إياها غيرنا مقعد مايقدر يتحرك او مايقدر يتكلم ويعبر عن الشي الي بداخله نسأل الله في هذا اليوم العفا والعافيه شي بخاطري حبيت اقوله لكم ويمكن بعضكم يقول اني امدح نفسي او وضعت هذا الموضوع حتى اصور شخصيتي لكم لاوالله ويشهد علي الله مو هذا السبب وانما فعلا لاني عانيت من هذا الحال ولازلت اعاني منه[/FONT][/SIZE] EMFWWWFE.
المصدر: نفساني
|
|||
|
25-08-2012, 07:32 AM | #2 |
عضو فعال
|
اقسم بالله مثلي تماما انا الناس يوقولو علية وسيم لكن اناظر المراية اقول ياخي اش فيني عشان يقولو عني وسيم وانا مارتاح حتى ارى نفسي وسيم في المراية وبعض الاحيان لاارى نفسي وسيم ولكني الحمد لله تحسنت قليل
|
|
25-08-2012, 09:49 AM | #3 |
عضو فعال
|
هلا اخوي
مريت بنفس التجربة لكني تخطيتها الحمدلله بالثقة بالله وبنفسي وقوة الإرادة احب اساعدك وان شاء الله افيدك 1- نمي مهارت التعامل مع الذات يعني حب نفسك اقبلها بدون شروط 2- قدر نفسك التقدير الصح ابدا لاتنتقص من نفسك 3- غير نظرتك وطالع نفسك بالمرآية وشوف الجمال وقول انك فعلا جميل 4- اقنع نفسك بأنك الأفضل وربي خلق الجمال في الكون اكيد بيكون فيك من الجمال 5- اشحن نفسك بكلام ايجابي دائما انا جميل انا مبدع انا ذكي وكذا 6- اوثق بربك أولا ووثق بنفسك ثانيا تكلم مع نفسك بأريحية وبحب وتقبل 7_ آراء الآخرين ماتهم نظرتك لنفسك هي المهمة جدا 8_ ابدا لا تقارن نفسك بأحد اوصف نفسك بأحلى الوصوف 9- اهتم بنفسك من ناحية تفكيرك مشاعرك تجاه نفسك ارضى بنفسك 10 - وخلي عندك قوة ارادة انك تتغير وتستانس بالنفس اللي عطاك اياها ربي 11- لاتفكر بمايقوله الآخرون عنك فكر بكيف تتطور مع نفسك كيف ترتاح مع نفسك أكثر كيف تكون افضل أتمنى لك التوفيق |
|
31-08-2012, 05:04 PM | #5 |
عضو فعال
|
ونا زيك بالضبط بس أنا مشكلتي اني طويل لدرجه ان في ناس بالمدرسه اكبر مني سن وهم اقل مني في الطول
صرت اقول في نفسي انته طويل واجد ولس بتدرس في هالمستوى شو بيقولو عنك الناس انسان كبير ويدرس في مستوى مو مستواه وبتصير مصخره جلست الابتداي ونا اقول في نفسي ماعليه اصبر وبتخلص الابتداي وبتصير مع ناس في مثل طولك وصرت دائم جالس لحالي وامشي لحالي كنت استحي اجلس مع زملآي وكنت دائم ارجع البيت لحالي وكلا سنه اقول سنه اني بجي مع ناس في مثل طولي وعلى العلم معظم الطلاب اكبر مني في السن والله اني خلصت لابتداي ونا احسب السنه بعد السنه على شان اخلص وانتقل للثانويه ونا اعاني ولوم نفسي وبعدها لما كنت في الثانويه وصارات عندي سياره يجي عندي طلابه يبغوني اوصلهم معاي ت تعرفت عليهم وانسجمت معاهم وبعدبدين عقلت وفهمت أن الطول عز الحمدلله على كل حال تعرفون ايش إلأي فهمته وتعلمته في حياتي وتادت منه في هالمنتدى أن الواحد طبيب نفسه بارادته وعزيمته وصبره . |
|
01-09-2012, 03:00 AM | #6 |
عضـو مُـبـدع
|
طبيعي جدا هالشي يصير مع الكل وبدايته تكون في فترة المراهقه
وبكل الاحوال ارفعو من معنوياتكم حبو حالكم مثل ما انتم بدون انتقادات وجلد الذات اللي هوه سبب كل الامراض النفسيه |
|
01-09-2012, 07:24 AM | #7 |
عضو فعال
صاحب القرار
|
...الخ
بدون مجآملة ... أنا نفسك تمآما يآ أخي " أحلى كلام " .. و أزيدك بيت شِعر
كنت في صغري جميل على قولتهم الشباب الحآرة ، و حتى لقبوني بأمركي ..لأني شعري أشقر و عدسأتي بنية و وجهي أبيض ... ومدري كنت كيف ! على العموم ها حالة سبب لي خلل دماغي مزمن ... عافآكم الله ... قصدي إني صرت أخآف من ضعآف النفوس و ضعآف الإيمان والي يميلون إلى حب الشهوآت تحرشآت الآطفال والأولاد ... لانه كان لي تهديدات و تنبيهات و تخويفآت و مثل ما تقول إلزامات من قبل الناس " لا أحب أن أذكر شخصياتهم " إني ما أمشي مع ناس قليلين الحياا ولأنه محد في الحارة ولد بنفس عمري، بديت أمشي مع إخواني زي واحد خايف على نفسه ...قمت أنطوي من الناس ..و بديت أكره الناس و قلت يعني لأني وسيم ... و يبون يكلموني ... والله مآ أكلمهم . :: و بعد مرور السنوات من الإستهزآء بألقاب " كالفرخ ومدلع و الأمركي....وفي عبارت أخرى لا أحب أن أذكرها أحترآما للموقع و القارئين " من أغلب أماكن الأجتماعية مثل مدرسة و الحارة و ... قمت أكره الناس دبل ×2 ومن ها المرحلة الدراسية و هي المتوسطة ... كنت أروح المدرسة و أتعرض نوع من أنوع الغيبة و الأفعال بسيطة من التحرش يعني لمس شعر و قَوْل : واآآو شعرك حلوو .. وبعد هذا ، كنت قبل لأروح المدرسة كنت أبهدل شعري و أخربها بأيدي .. وما كنت أبيها يكون ناعم و ملفت للنظر .. و زاد نفسيتي سوءآ ..أجركم الله ولي موآقف عبيطة ... و أذكر بعضآ منها : آن أحد الأشخاص أحرجني أمام عدد من الأصدقاء هداهم الله لاحسن الأخلاق و الأفعال .. و كنت بعمر تقريبا 12 سنة و أقل .. المهم يوم بدأنا في السواليف .. إلا أحد الأصدقاء كان يسرقني بنظراته و ما كان لي أي فكرة بها حركات .وكان نيتي صافية .. بس في أحد الأشخاص " وما أبي أحدد " قال وش فيك تناظر في الولد ..< يقصدني أنا و الرجال ضحك و قال : لا ياخوي ما قصدي شيء ... و من هآ الموقف ؛ صرت أتشكك بنظرات البشر و أي بني آدم .. والله صرت أخاف من باكستانين و بقاليين ..لاأنهم أشد قوم تحرشا بالأولاد تخييللللل كله هذا ، وتمر علي مواقف ومصآيب بنفس ها موقف أو أخس ... عفااكم الله و هنا بدأ مشواري للخجل و الشك و الوسواس و عدم ثقة بالنفس و الرهاب الأجتماعي مع أني والله كنت أشتغل شغل محد يقدر يشتغله في عمري يعني كنت رجال و أشيل أغراض للبيت و هي ثقيلة و حتى أن بطني يوجعني لـ 3 أيام ... و يتكرر ها الحالة يوم أشيل أي حمل ثقيل .. وكنت رجال شغّآآآآل وشديد مب مآيع بس بدون فائدة ... لانه العالم قالت أني مدلع و خـ..... " و فقدت ثقتي بنفسي و قوتي و رجولتي و أصدقائي .. و هذا صارت بدون تحكم مني والله .. مرت كله برمشة عين ×_× :: و أنا الحمد الله أعاني من الهراء الي يقولون عليه علماء النفس بـ: الرهـاب الأجـتماعي من أرهابيين حقرة عليهم من الله ما يستحقون من الهول و العذاب إلى يوم الدنيا و ،،،،،، في الآخر ،،يهديهم على فكرة الحينه صار لي لحية و شكلي تغير و شعري أحترق ماعاد صرت زي أول ...مدري عيون الناس الي حرقوآ شعري ولا لا و أنا الحينه ما أشبه يوم كنت صغير ... وكل 3 سنوات من عمري فيه فرق بين السماء و الأرض في شكلي و مافي أي شبه لكل 3 سنوات من عمري .. كأني أتجدد إلى أسوء بدل أكون أجمل و أوسم ...صرت أ.أأ.... < خلقة رب العالمين ولا نتكلم فيه سؤال ... لو واحد مر بهذا المرآحل من الأستهزاء في مدرسة و الحارة " ولاتنسى البيت " .. هل يستحق أنه يصآب بالرهاب الأجتماعي .؟ جآآبوووني بارك الله فيكم .. |
|
01-09-2012, 07:58 AM | #8 |
عضو فعال
|
ولله حتى انا بس يعني اسمحلي على هذي الكلمة هذولا البدو هم يسو كذا ولله انا مثلك كنت بس الحمد الله يعني كنت قوي مهجد المدرسة يعني التحرشات كانت اول يوم بس انا وقفتهم عند حدهم
انا كنت ساكن حي النسيم بجدة انا حضري فاكنت ماانزل الحارة مااحب احتك مع البدو الين الحمد الله نقلت الى التحلية كلهم حضر ويحنا الحضر ماعندنا الحركات هذي بس ولله لمن كبرت مدري ليش تغيرت زمان كنت ابدا لاتهمني نظرات الناس اما الان اصبحت حساس جدا جدا جدا |
|
01-09-2012, 04:20 PM | #9 |
عضـو مُـبـدع
دكتوراه في علم الادويه
|
انا لم اقراء ما تعاني منه .. لكن رائت اسمك فدخلت فقط أسأل عن حالك .. أسال الله لك الشفاء الدائم
|
|
01-09-2012, 04:52 PM | #10 |
عضو فعال
|
انا مثلك صراحه ماأدري ايش جاني دايما اوقف قدام المرايه 24 ساعه
كل شوي اطالع مرايه واشوف اذا كان شي غلط في شكلي وادقق في لبسي والله اني احيانا اقعد بالساعه وانا البس واغير وألبس شي ثاني واغير ألين اقتنع بمظهري وادقق في كل شي واحسني حساسه بزياده الله يعينا وصبرنا |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|