تكفون ابغى حل عااااجل

تكفون ابغى حل عااااجل

السلام عليكم ورحمة الله وبركاته
انا موضوعي طويل شوي ..?
انا شاب عمري 34 سنه واعاني من حاجات كثيره ومااقدر اشخصها لأني ما قد راجعت عند دكتور نفسي،،،
1- انا اغلب الأوقات اتخيل انه بيجيني خبر وفاة واحد من اخواني او الوالده عسى الله يطول بعمرهم يارب او اتخيل ان واحد من اخواني سوى مشاكل فالبيت ورحت اتفاهم معاه وتطورت المشكله وقتلته وبعدها ندمت والمشكله اتخيل انه مات واحس نفسي حزنت عليه واجلس مقهور من نفسي ومن التفكير هذا.
2-وكمان احس اني اتلعثم فالكلام مع اي شخص غريب واضيع فيه ولا اقدر اواجه احد ومااحط عيني بعين اللي اتكلم معاه ودائمآ مااواجه بقوه الا اذا كنت منفعل ومعصب فقط.
3-واحس ان فيني الخوف بزياااااده من حوالي خمس سنوات مع العلم قبل ماكنت اخاف من اي شي الحين احس اني اخاف من كل شي واخاف على اخواني واخواتي اكثر من الوالده مع اني متأكد مابخاف اكثر منها وهذا اللي حسسني ان في شي مو طبيعي دائمآ أسأل عنهم واوصيهم ينتبهو فالطريق واحذرهم وأأكد عليهم وفالأخير احس ان مو على بالهم شي وبعدين انا قلت فنفسي انا شكلي مبالغ كثير فكل شي.وكمان اذا دق جوالي بأخر الليل احس ان فيه مصيبه او خبر وفاة او شي واحس نفسي دائمأ مفجوع.
4-الخجل الشديد هذا حتى الضحك والله احس نفسي مااعرف اضحك ماادري من كثر الهم والمشاكل والا اش الأسباب علمأ بأني تحملت مسؤلية عائلة بعد وفاة والدي رحمه الله وانا عمري 16 سنه والى الأن وانا متحمل المسوؤليه وتراكم الديون علي احس اني راح انفجر. (( اعتقد كل المشاكل النفسيه موجوده فيني ))
تكفى يادكتور اذا فيه علاج او اي شي انصحني فيه قسمأبالله طفشت لأني احس العالم بوادي وانا بوادي ثاني وماني عارف الى متى بجلس عالحال هذا...
وآسف عالإطاله بس حبيت توضح الصورة والله يعطيك الف عافيه ان شاءالله.

المصدر: نفساني

عليكم السلام ورحمه الله

الحقيقه تشكر على هذة البادرة وأسئل الله أن يدخلك الجنه بغير حساب , تحمل المسؤليه في سن مبكرة نوعا ما مقلق لاكنه يصنع الرجال وأتمنى كل ماذكرت حجم الهم والمسؤليه والتعب أن تحمد الله وان الله اذ روي عن رسول الله صلى الله عليه و اله وسلم : (إن عظم الجزاء مع عظم البلاء، وإن الله تعالى إذا أحب قوما ابتلاهم، فمن رضي، فله الرضا، ومن سخط، فله السخط .

الحمد لله انت راضي ويجب أن تنظر للأمر من هذا المنطلق جيدا في وقت غلبت الماديات وتداخلت فيه الكثير من الأمور للاسف ...

ماتعاني منه ليس شي جديد وليس مقصور عليك فقط والأهم من هذا كله ان الشعور بالخوف والتلعثم ليس عيب في شخصيتك أو نقص في أيمانك أبدا

ومسئله الخوف الشديدة على الأخوان لدرجه أنك مستغرب وتقارن ذلك بخوف الوالدة الله يحفظها واداركك للأمر بانه غير طبيعي هذا هي تراكمات المسؤليه وتظن بأنك لم تقم بالواجب وهذا غير صحيح

أعلم بأنك قمت بما يجب عليك وضحيت من أجل العائله وهذا له أجر عظيم عند الله سبحانه وتعالى

مشكله الخوف والخجل لدى الرجال تزيد الشعور بالعجز او النقص لأن المفترض أن يكون الرجل قويا وشجاع وهذا غير صحيح نعم الرجل رجل لاكن ليس بتلك النظرة التي رسخها المجتمع للأسف

سبحان الله لدى كل أنسان حيل نفسيه دفاعيه أحيانا تحميه واحيانا تزداد وتظهر على شكل سلوكيات فخوفك الشديد على الأخوان هو ترجمه لمخاوفك وأسقاطها على الاخوة بشكل مبالغ

يعكر صفوة حياتك وهذا يسمى قلق المخاوف أمر بسيط ومعروف علميا ومثبت بالطب وعلم النفس عموما

اذ رأيت بأنك لاتستطيع مواصله حياتك بشكل عادي انصحك بزيارة طبيب نفسي والحمد لله الأمور الأن تغيرك كثير والأدويه متوفرة وآمنه وتساعد كثيرأ بعد التوكل على الله والأخذ بالاسباب ( أسباب الشفاء )

بارك الله فيك ونفع بك

الله يعطيك الف عافيه عالتجاوب وماقصرت وربي يستر عليك دنيا وآخره يارب
كلامك ريحني شوي بس ماادري هل فيه علاج معين او لا ؟
والا نجمد القلب وندعم فالحياه هذي لأن والله من بعد المسؤليه احس اني تعودت بس اوقات احس اني ظاغط على نفسي
بزياده وابغى ارتاح شوي او طريقه تريحني..
معليش عندي سؤال ؟؟
تقدر تفسر اللي انا فيه وهل احتاج حبوب مهدئه والا هذي امور بسيطه وراح تختفي؟؟؟

الله يعافيك

حالتك ماتحتاج أدويه بأذن الله لأنها من الحالات البسيطه التي تحتاج أطلاع فقط بالإرشاد النفسي وطرق تعلم التفكير الإيجابي , ومثلك عارف السلبيات بالوقت هذا كثيرة وأحنا نستقبل الكثير من السلبيات بحياتنا لذالك يجب تعويضها بالتوكل على الله والقراءة عن الأبتلاء وفضله والاجر المترتب عليه وأحتساب ماتقوم به كل هذي أمور تعينك بأذن الله على تخطي الضيق الي ينتابك أحيانا ..

لاداعي للقلق عش حياتك بالعرض والطول ولابأس بشي من الخوف والقلق

سبحان الله لو نتأمل فقط الآيه الكريمه وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ(155). سورة البقرة.

أشكرك على ثقتك وكلامك الطيب .

أدعيلك بالليله المباركه إن الله يعطيك الصحه و العافيه والرزق والستر ويحفظلك اغلى ماعندك يارب
وشكرآ عالتجاوب السريع وربي يسلمك ان شاءالله من كل شر.ربي يبارك فيك ان شاءالله